• 15/12/2019 5:53 08

Kuba hari abishwe bataraboneka biterwa n’amateka y’urwango- Bizimana

Umunyamabanga Nshingwabikorwa wa Komisiyo y’Igihugu Kurwanya Jenoside, Dr Bizimana Jean Damascène, avuga ko kuba abishe hari abatutsi muri jenoside batavuga aho babashyize ngo bose bashyingurwe mu cyubahiro ngo ni rwango rwabibwe n’amateka.

Umunyamabanga Nshingwabikorwa wa Komisiyo y’Igihugu Kurwanya Jenoside, Dr Bizimana Jean Damascène

Yabivugiye mu gikorwa cyo kwibuka abatutsi basaga ibihumbi 26, bashyinguye Rwibutso rw’i Mwulire mu Karere ka Rwamagana ndetse no gushyingura imibiri iherutse kuboneka 51, kuri uyu wa 18 Mata 2019.

Ingengabitekerezo ku butegetsi bwa Kayibanda

Dr Bizimana avuga ko ingendabitekerezo ya jenoside ifite intangiriro yayo, aho urwango ruhembera jenoside yakorewe abatutsi rwahereye kera aho Perezida Kayibanda ku munsi mukuru wa demukarasi yabyeruye mu buryo bugaragara.

Yasubiye mu magambo yavuze agira ati “Bana b’abatutsi ndagira ngo tugerageze twibaze n’ubwo bidashoboka muramutse mushoboye kwigarurira Kigali muribaza ko akaga katababaho by’umwihariko ubwo mwakwicwa mu ba mbere.”

Kayibanda yakomeje avuga ati”Iyo za mpunzi z’abatutsi zishobora kuzana zikaba zarageze i Kigali abatutsi bose bari gushira.”

Dr Bizimana avuga ko n’ubwo ibi Kayibanda yabivugaga nubundi abatutsi bari baramaze kwicwa.

Hari n’aho Kayibanda yagize ati “Siniriwe mbishimangira murabyiyiziye ubwanyu nubwo mwirirwa mukora nk’abiyahuzi mubyibwire ubwanyu izaba imperuka yanyu ndetse yihuse y’ubwoko bw’abatutsi, iyo mperuka yaba iyihuse cyangwa iy’uruyengeyenge yagombye gutera bamwe muri mwe mugifite umutima gutekereza.”

Dr Bizimana yavuze ko bitumvikana uburyo Perezida wa Repubulika muzima avuga amagambo nk’ayo ku munsi witwa ko ari uwa demukarasi.

AtI “Koko Perezida wa Repebulika afashe ijambo ku munsi witwa ko ari isabukuru ya gatatu ya demukarasi akabwira abatutsi ati “muzicwa muzakorerwa jenoside mu buryo bubiri muzicwa mu buryo bwihuse cyangwa se tuzabica mu buryo bw’ubuyengeyenge. Bivuga buhoro buhoro.”

Dr Bizimana avuga ko iyo disikuru yanyujijwe mu bitangazamakuru bya Leta inshuro nyinshi mu mwaka wa 1964

Mu myaka yose ngo Kayibanda yamaze ategeka u Rwanda iteka ryose iyo habaga hari umunsi mukuru wabaye ijambo rye yarisozaga yikoma abatutsi, abacyurira,abagaraguza agati.

Yatanze urugero aho ku munsi w’ubwigenge tariki 1 Nyakanga 1964 mu ijambo rya Kayibanda yavuze ko igihugu n’ibyacyo byose ari ibya gahutu.

Yagize ati” Aha turi muri jenoside neza ikibura n’ukwica no kuvanaho abatutsi.”

Ku munsi w’abakozi tariki 1 Gicurasi 1967, na bwo Kayibanda yavuze ijambo yagize ati” Aho gahutu ari hose akaba atarajijuka bikwiye kumbabaza nkamufasha uko nshoboye kose.”

Ku itariki 4 Mata 1972, itsinda ry’abapadiri b’abahutu ngo barahuye bakora inama ku Rwesero basohora inyandiko ishyikirizwa abasenyeri ivuga ko umubare w’abatutsi mu gihugu ari 20% abahutu bakaba 80% bagasaba ko mu mashuri hagomba kugenderwa kuri uwo mubare ndetse no mu barimu bikaba bityo. Nk’uko Dr Bizimana yakomeje abisobanura.

Nyuma gato ngo ni bwo hatangiye igikorwa nyirizina cyo kwirukana abatutsi mu mashuri no mu mirimo.

Habyarimana yari kimwe na Kayibanda

Habyarimana aho agereye ku butegetsi ngo ntacyo yahinduye kuri gahunda za Kayibanda ngo kuko Parmehutu na MRND zari  kimwe, aho ibyemezo Habyarimana yafashe bwa mbere akigera ku butegetsi yasabyeko ko gahunda z’ubutegetsi za Parmehutu zandikwa mu gitabo, gukwizwa mu mashuri no mu masomero. Bigaragaza ko ubwo butegetsi bwombi bwari bumwe.

Ku tariki 25 Ukwakira 1973, Habyarimana ngo yashyizeho amabwiriza agenga uko imitungo y’abatutsi igomba gucungwa cyane iy’abahunze. Aya mabwiriza akaba yari yarashyizweho na Kayibanda, Habyarimana akaza kuyashimangira

Dr Bizimana avuga ko urwo ari urwango rurimo ingengabitekerezo ya jenoside iremereye aho ngo iyo wafashe imitungo y’umuturage igomba kumutunga ukayihindura, jenoside iba irimo gutegurwa.

Yagize ati “Iyi politiki yaririmo ingengabitekerezo ya jenoside yindenga kamere.”

Yanasobanuye ko mu 1991 muri Gashyantare ikinyamakuru Kangura cyanditse ngo mureke tumenye inkotanyi n’abashyigikiye FPR maze mureke tubatsembatsembe.

Muri 1992 Minisiteri y’Ingabo yanditse inyandiko ikwirakwiza mu bigo bya gisirikare igaragaza umwanzi ko ari umututsi.

Na ho tariki ya 3 Mata 1994, Radiyo RTLM nyatangajeko tariki 6,7,8 hazaba akantu ngo kazakurikirwa n’amasasu na gerenade.

CNLG isanga igisibonuro cyo kuba abantu baterekana aho abishwe muri Jenoside bakibona mu mateka y’urwango rwigishijwe igihe kinini agacengezwa mu bantu bikozwe n’ubutegetsi bubi.

“Urwo rwango rero rwokamye abantu kugeza n’ubu kuba imibiri itagaragazwa n’aho bikomoka ni ku ngengabitekerezo ya jenoside bamwe muri twe bagifite.” Nk’uko Dr Bizimana yakomeje abisobanura.

Yunzemo ati “Iyo hazakubaho umuvugabutumwa cyangwa umuyobozi ubihagarika icyo gihe ntabwo tuba dushyingura izi nzirakarengane dushyinguye aka kanya.”

Perezida wa Ibuka mu Karere ka Rwamagana, Musabyemariya Donatha, na we yavuze ko uku guceceka byatangiye kubatera impungenge (nka Ibuka) ko umugambi wo guharanira iterambere mu Banyarwanda ushobora kuba atari umwe.

Ati “Dufite impungenge zijyanye n’abagize uruhare muri Jenoside kuko tutazi ikibari ku mutima, turasaba ko mutwigira uburyo bahabwa igihe cyo kutubwira. “Kuvuga biraruhura, bizatwongerera ikizere (twebwe abarokotse), ko umugambi wo guteza imbere igihugu ari umwe mu Banyarwanda”.

Ikibazo cyo kutagaragaza aho abatutsi bishwe muri jenoside batarashyingurwa mu cyubahiro kimaze igihe kigarukwaho n’imiryango iharanira inyungu z’abarokotse ndetse n’abayobozi bakuru b’igihugu.

Mu Rwibutso rwa Mwulire hashyinguwe imibiri iherutse kuboneka
Perezida wa Ibuka mu Karere ka Rwamagana Musabyemariya Donatha
Abayobozi batandukanye baha icyubahiro abashyinguye mu Rwibutso rwa Mwulire
Uyu muhango wo kwibuka witabiriwe n’abaturage benshi

Josiane Uwanyirigira

UM– USEKE.RW

5 Ibitekerezo

  • Abatwikiwe muli Nyungwe no muli Parc National Akagera , tuzababona ?
    Abakugunywe munzuzi tuzababona?
    Tuzakomeza Kubakira hejuru yibinyoma halya ngo nibwo tuzagira ubwiyunge?

  • Uyu mugabo sindumva ikintu kiri positive avuga buri gihe ahora aganya. ibyo wagiye uvuga byabagaho kubwa kayibanda na habyara nubu biriho. uravuga imitungo yabatusti bahunze leta yafatiriye ukiyibagiza ko nubu tuvugana iryo tegeko rikurikizwa?

  • “…. yavuze ko uku guceceka byatangiye kubatera impungenge nka Ibuka, ko umugambi wo guharanira iterambere mu Banyarwanda ushobora kuba atari umwe. Ati “Dufite impungenge zijyanye n’abagize uruhare muri Jenoside kuko tutazi ikibari ku mutima”

    Imana niyo yonyine ifite exclusivite yo gusoma ibiri mu mutima wa muntu kuko niyo yamurenye; abo bajenosideri bamwe barapfuye, abandi baracyafunze, abandi mwarabafunguye ngo kuko babasabye imbazi murazibaha, abandi barangije ibihano byabo, abandi baratorotse, abandi ntibarahanwa….abo wowe ushaka kureba mu mutima ni abahe ko udasobanura abo aribo ?

  • Dear sisters and brothers, Commemoration period is particular time in our history, we need to consider it and understand why. Genocide survivors’ hearts are still having wounds due to what they passed through. We should be together as Rwandans to learn from our history and go a head with the bright future of the nation. Those who are still having genocide ideology will never have any satisfaction of their willing. We do not to go back in bad history, we have been there enough. Leaders of first and second Republic are sources of Genocide against Tutsi, their speeches were full of hatred to tutsi and evidence are there for those who think that is not true. Let us put together our effort to build our country for better heritage of our children. I love Rwanda, despite previous bad history, but we are here to make changes. If you forget where you came from, you will never know where to go.

  • @Callixte
    Ubutumwa bwawe buratanga ikizere. Ikibazo ni uko wabushyize mu ruzungu nk’aho aribo bugenewe kandi bugenewe abanyarwanda.

Subiza

Your email address will not be published. Required fields are marked *