• 15/12/2019 9:13 55

Korea ya ruguru yongeye kurasa missile mu kerekezo cya Korea y’epfo

Mu gihe cy’ibyumweru bibiri Koreya ya ruguru imaze kurasa missile zambuka inyanja inshuro ebyiri. Mu gitondo cyo kuri uyu wa Gatatu yarashe ibi bisasu ku nshuro ya kabiri mu gace kitwa Hodo. Ubuyobozi bw’ingabo za Koreya y’epfo buvuga ko kugeza ubu bataramenya ubwoko bwa ziriya missile.

Ngo ni igisasu gishobora kwangiza Koreya y’epfo hamwe n’igice cy’Ubuyapani

Ubutegetsi bwa Koreya ya ruguru ariko ntacyo buratangaza kuri ibi bivugwa na Koreya y’epfo.

Mu cyumweru gishize ubutegetsi bwa Pyongyang byatangaje ko kurasa ziriya missiles byakozwe hagamijwe guha gasopo ingabo za USA n’iza Koreya y’epfo ziri kwitegura gutangira imyitozo zihuriramo iba buri mwaka.

Buri gihe uko iyi myitozo ibaye birakaza ubutegetsi bwa Koreya ya ruguru.

Uyu mwuka mubi wongeye kubyuka nyuma y’uko Perezida Kim Jong Un na Donald Trump baherutse guhurira ku mupaka wa Koreya ya ruguru ndetse Kim agaha ikaze Trump mu gihugu cye, agakandagira ku butaka bwacyo.

Nubwo muri iki gihe hariho ubushake bw’abakuru b’ibihugu byombi( USA na Koreya ya ruguru) kugira ngo baganire , ariko ubutegetsi bwa Kim buvuga ko ibiganiro byose bizakomwa mu nkokora n’imyitozo hagati y’ingabo za USA n’iza Koreya ya ruguru.

Hari abasesenguzi bavuga ko iyo urebye umuvuduko wa missiles Koreya ya ruguru yarashe mu cyumweru gishize usanga zishobora kurasa Koreya y’epfo hamwe n’igice cy’Amajyepfo y’Ubuyapani.

USA na Koreya y’epfo bafatanya imyitozo ya gisirikare buri mwaka( Photo: Flickr y’ingabo za S. Korea)
Perezida Kim ngo arakazwa n’ubufatanye bw’ingabo za USA n’iza Koreya y’epfo mu myitozo ngarukamwaka

Daily Mail

Jean Pierre NIZEYIMANA

UMUSEKE.RW

1 Igitekerezo

  • Isi yugarijwe n’ibibazo bikomeye cyane kandi biteye ubwoba: IRAN,North Korea nuclear proliferation,South China Sea militarisation,Crimea annexation,Ukraine Civil war,Syria war,etc…Ikindi kibazo giteye ubwoba cyane,ni New Arms Race (Irushanwa mu gucura intwaro zikomeye) .Muribuka ibitwaro biteye ubwoba Putin aherutse kwereka isi yose ibindi bihugu bidafite (Hypersonic Missiles).Senior Geostrategists and Military Generals bahamya ko nta kabuza ibi byose bitujyana ku ntambara ya 3 y’isi,ubwo noneho bazarwanisha atomic bombs isi yose igashira.Icyo batazi nuko Bible ivuga ko Imana irimo kubacungira hafi.Ntabwo yakwemera ko batwika isi yiremeye.Nkuko bible ivuga,Imana izabatanga itwike biriya bitwaro,ikure intambara mu isi hose,ibanje gukura mu isi abantu bose bakora ibyo itubuza, harimo n’abarwana.Ibyo bizaba ku munsi bible yita armageddon ushobora kuba utari kure,iyo urebye ubushyamirane muli iki gihe bw’ibihugu bifite atomic bombs.

Subiza

Your email address will not be published. Required fields are marked *