• 20/01/2020 3:08 00

King James ati “ Abamugaye nabo twabakunda aho kubanena”

King James wakoresheje umukobwa ufite ubumuga bw’ uruhu mu mashusho y’ indirimbo ye yavuze ko ari ikintu yakoze ashaka kwerekana ko n’abafite ubumuga bagira amarangamutina nk’ ayabandi bagomba gukunda bakanakundwa.

Yakoresheje umukobwa ufite ubumuga bw’ uruhu ngo ashaka kwerekana ko nabo ari abantu nk’ abandi

Ejo hashize nibwo umuhanzi King James yasohoye amashusho y’ indirimbo ye yitwa ‘Igitekerezo’.

Ni indirimbo y’urukundo aho aba avuga umukobwa wamweretse ishusho y’ukuri ku rukundo ko yatumye anyurwa akibagirwa ibyahise kuko ahiga abandi mu myitwarire ari nabyo byatumye amukunda cyane.

Uyu muhanzi yaganiriye na Umuseke avuga uko yagize igitekerezo cyo gukoresha uwo mukobwa ufite ubumuga bw’ uruhu.

Iyi ndirimbo ye yari yarasohotse mbere ariko idafite amashusho yayo ngo amaze kubona ko yakunzwe cyane nibyo byatumye yanzura gukora Video yayo.

Ngo kuba yarahisemo gukoresha uriya mukobwa ni uko yashakaga kwerekana ko urukundo ntacyo rwagakwiye kugenderaho.

Ati:“ Iyo ugize igitekerezo cyo gukunda umuntu ntago ugira ibintu runaka ugenderaho. Ukunda umuntu uwari we wese  kandi bigatanga ubutumwa bwiza, bivuze ko n’abantu bafite ubumuga twakundana nabo kuko ni abantu nk’ abandi kandi bagira ubuzima n’amarangamutima nka yacu.”

Kugira ngo abone uyu mukobwa ngo amushyire muri Video ye yabinyujije mu bantu baziranye nawe hamwe n’ ishyirahamwe rishinzwe abafite ubumuga bw’ uruhu.

Ngo uyu yakoresheje ni umwe mu bayobozi biryo shyirahamwe ari nawe yahise abisaba mbere ngo nawe ahita abimwemerera kuko yari yumvise ubutumwa uyu muhanzi ashaka gutambutsa.

Ati: “ Njya aho ishyirahamwe ryabo rikorera nasanze nawe ari umuyobozi musaba ko badufasha, maze kumusobanurira ibyo nshaka niwe nahise nsaba ko twakorana ntiyampakanira aba abyemeye atyo.”

Isomo yashakaga gutanga ngo ni ukubwira abantu ko hadakwiye kugira uwo bacira urubanza cyangwa bakamunena bamufata uko adakwiye. Ati: ” Si ibintu by’i Rwanda.”

Uyu mukobwa ari mu mashusho y’ indirimbo ‘Igitekerezo’

Bonaventure KUBWIMANA

UM– USEKE.RW

6 Ibitekerezo

  • James njye ndakwemera kbs kandi uri umuhanga pe ,kuba warakoresheje uyu mukobwa biranshimishije cyane .

  • Urakoze Muhanzi w’U Rwanda King James , ni agahozo. tres bien

  • Uyu mukobwa amugaye he?kandi ni namwiza rwose urabonako ari powa

  • KING WE IYI NDIRIMBO ITUMYE NKUNDA WOWE NDETSE N’IBIHANGANO BYAHE CONGS KABISA

  • Njyewe rwose nubusanzwe ndakwikundira.Uri umuhungu ubona ko afite ubumuntu afite ikinyabupfura afite uburere.Komereza aho

  • Tres bien king jems hagaciro nabandi.ndakwemera

Subiza

Your email address will not be published. Required fields are marked *