• 22/01/2020 1:19 44

‘Kina Music’ nanone ntiri muri Salax Awards, abayitegura bati ‘si bo kamara’

Irushanwa rya Salax Awards rimaze imyaka itatu ritaba, abariteguraga bagurishije izina, abariteguye ubu bagonganye nanone na Kina Music n’ubundi yangaga ko abahanzi bayo bitabira aya marushanwa ya muzika mbere. Impamvu ngo imitegurire yayo, abaritegura ubu bavuga ko bitazabura irushanwa kuba.

Ishimwe Clement umuyobozi wa Kina Music
Ishimwe Clement umuyobozi wa Kina Music

Ni irushanwa ryahoze ritegurwa na Ikirezi Group aba baza kunanirwa kurikomeza kubera impamvu zinyuranye, ubu izina ryaguzwe n’abitwa AHUPA biyemeje kuritegura, ubu rizaba riba ku nshuro ya karindwi.

Ubu hatangajwe ibyiciro by’abazahembwa n’abahanzi 10 bazatoranywamo uw’umwaka.

Muri abo bahanzi nta muhanzi ubarizwa muri Kina Music urimo, kimwe no mumarushanwa amwe aheruka ya Salax.

Ishimwe Clement umuyobozi wa Kina Music yabwiye Umuseke ko n’ubu batazitabira kuko batizeye uko iri rushanwa ritegurwa.

Ati “ Ntakibazo dufitanye n’abayiteguraga cyangwa abayitegura uyu munsi ahubwo ikibazo ni uburyo itegurwamo twe icyo twifuzaga ni uko habaho ibiganiro.

Ibyo twashakaga kuganira ni uburyo ibintu bimwe na bimwe twabonaga  bidafututse twifuza ko byakorwa neza.”

Avuga ko ukuriye abategura iri rushanwa yamuhamagaye amugisha inama y’icyo yakora kugirango abantu bongere bagirire icyizere Salax Awards yagiye ikemangwa mikorere yayo. Gusa ngo ntibivuze ko bizatuma bitabira kuko batabona ibyahindutse.

Abahanzi baba muri Kina Music barimo; Butera Knowless, Dream Boys, Tom Close na Igor Mabano.

Ngo si bo kamara

Isiaka Mulemba umwe mu bategura Salax Awards ubu yabwiye Umuseke ko kuba Kina Music itari mubo bazahemba bitabateye impungenge kuko ari nabo babibwiriye ko batabishaka.

We avuga ko niba hari ibyo batumvikanaga na Ikirezi kera ubu byahindutse bitandukanye n’uko byakorwaga mbere.

Mulemba ati “Twabasabye kuza mu nama ngo bumve ibyo abandi bahanzi bavuga banatange ibitekerezo turebe uko byagenda. Nabwo barabyanze bavuga ko batazitabira.  Gusa Kina Music ntabwo ariyo ihagarariye umuziki Nyarwanda kuba banenga Salax ntibivuzeko itabaho.”

Gusa ngo abona Kina Music iba ihombeje umuhanzi kuko ari we uhabwa igihembo atari Kina Music, kandi umuhanzi ejo ashobora kuyivamo akajya n’ahandi.

Uyu munsi nibwo biteganyijwe ko batangaza urutonde ntakuka rw’abahatana muri buri kiciro hamwe na Code zerekana uko abahanzi bazajya batorwa.

Abahanzi batanu bazasiraga muri buri kiciro bazahabwa ibihumbi ijana (100 000Frw) naho uzagukana igihembo mu kiciro cye azahabwa Miliyoni y’amafaranga.

Bonaventure KUBWIMANA
UM– USEKE.RW

1 Igitekerezo

  • ubundi c muri KINA music umuhanzi ubizi urimo ninde? ahubwo bareke kujyamo kuko nubindi ntibari qualified! Knowless c niwe ubizi ra hh nibe na Tom ariyubaha, Dream boys c?? yayaaa clement uzagabanye ubwiyemezi. mu Rwanda ko wagirango ibintu byose nta mucyo ubibamo? ngaho miss, Guma Guma,ibintu byose sibyiza harya ubwe mwe muri beza? ko mbona ahubwo biciye mumucyo uvuga mutagahamagawe? yewe nzabandora

Subiza

Your email address will not be published. Required fields are marked *