• 24/01/2020 3:23 35

Kigali izakira abahanga imideri ijyanye n’ubukwe muri Afurika

Ku nshuro ya mbere mu Rwanda hagiye kubera ibirori byiswe ‘the East African Wedding Show’ bizamurikwamo imyenda n’ibikoresho byo mu bukwe. Abahanga imideri bakomeye muri Afurika bazamurika imideri bahanze.

Iyi ni imwe mu ikanzu yakozwe na Anita Beryl

Muri iki gitaramo giteganyijwe kuba mu mpera z’iki cyumweru, tariki ya 9-10 Gashyantare 2019 hazamurikwamo imyenda n’ibikoresho byo mu bukwe.

Abahanga imideri nka Anita Beryl wo muri Uganda, Mai Atafo wo muri Nigeria na Ogake Mosomi wo muri Kenya ni bamwe mu batumiwe kwerekana imyenda yabo.

Aba bose basanzwe bakora imyenda y’ubukwe ndetse muri iki gitaramo n’Abanyarwanda bazamurika ibikoresho n’imyenda y’ubukwe.

Mai Atafo ni umuhanzi w’imideri ukomoka muri Nigeria watumiwe muri iki gitaramo ari mu bakomeye muri uyu mwuga wo guhanga imideri kuko yagiye ahatanira ibikombe bitandukanye ndetse bimwe muri byo arabitwara.

Mu byo yatwaye birimo designer of the year yahataniye muri Glitz, icya Fashion Designer of the year-west Africa yahataniye muri Abryanz Style and Fashion Awards, menswear Designer of the year yahataniye  muri Heineken Lagos Fashion and Design Week n’ibindi.

Uyu muhanzi w’imideri amenyereweho gukora amakote y’abagabo n’amakanzu y’abageni.

Anita Beryl wo muri Uganda na we akora imyenda y’abageni cyane cyane yiganjemo amakanzu y’abagore n’abakobwa.

Uyu afite impamyabushobozi ya Kaminuza mu ishami rya ‘Arts in Education’ yanize mu ishuri ryitwa French Fashion riherereye Dubai.

Yamuritse imideri ye mu bihugu bitandukanye birimo Nigeria, Ethiopia, Spain/Espagne n’i Mombasa muri Tanzania.

Ogake Mosomi we ni undi muhanzi w’imideri wo muri Kenya na we azamurika imideri ye muri iki gitaramo.

Amenyerewe cyane mu gukora imyambaro yambarwa mu bukwe cyane cyane akaba azwiho gukora amakanzu y’abageni.

Ogake Mosomi yambika abageni batandukanye
Anita Beryl akora amakanzu anyuranye arimo n’ayambarwa n’abakobwa
Mai Atafo
Iyi ni indi mideri yakozwe na Mai Atafo
Iyi ni imwe mu myambaro izamurikwa na Ogake Mosomi

Robert KAYIHURA
UM– USEKE.RW

Subiza

Your email address will not be published. Required fields are marked *