• 25/01/2020 6:25 55

Kigali: Abize ubuhinzi n’ubworozi batangije urubuga rwo kugurishiriza ho ibibukomokaho

Kuri iki Cyumweru taliki 08, Nzeri, 2019 abasore n’inkumi bize ubuhinzi n’ubworozi bibumbiye mu cyo bise AJADEJAR batangije urubuga rwo kuri Murandasi hagamijwe gufasha abashaka kugura ibikomoka ku buhinzi n’ubworozi haba mu Rwanda cyangwa mu mahanga. 

Evaritse Murwanashyaka uyobora AJADEJAR avuga ko iriya site igamije korohereza abantu kubona ibikomoka ku buhinzi n’ubworozi binyuze mu ikoranabuhanga

Ngo ruzakora nk’uko urubuga ruzwi ku isi rwa Alibaba rukora. Uyu mushinga n’indi bizakorwa binyuze muri sosiyete y’ishoramari batangije bise Umujyojyo Investment Group.

Ni igikorwa cyakorewe mu Murenge wa Kimisagara mu Karere ka Nyarugenge ahitwa Maison de Jeunes.

Evariste Murwanashyaka washinze AJADEJAR yabwiye itangazamakuru ko ruriya rubuga ubu rwatangiye gukora kandi ngo uzashaka kugura bimwe mu byo bashyize ku rubuga ashobora kubibona.

Gѐnѐreuse Kabarere uri mu bakoze ruriya rubuga avuga ko rurinzwe mu ikoranabuhanga kandi rworoshye gukoresha.

Avuga ko ruriya rubuga ruzajya rurangira abantu aho ibintu biherereye mu Kinyarwanda, Icyongereza n’Igifaransa.

Ati: “Twakoze uru rubuga kugira ngo abashaka kugura ibintu bitandukanye bishingiye ku buhinzi n’ubworozi haba ifumbire n’ibindi bashobore kubibona.”

Ngo umuntu azajya yandika kuri mudasobwa ye urubuga rwitwa umujyojyo.com akurikize amabwiriza. Ngo uwishyura azajya akoresha uburyo bwinshi harimo Visa Card cyangwa Mobile Money.

Azajya afungura urwo rubuga yinjiremo arebe ibiriho nyuma ajye ahagenewe ibicuruzwa cyangwa serivise, urugero ukajya mu mbuto, ukareba izihari, ugahitamo urwo ushaka.

Nyuma azakanda ku kantu kameze nk’agatebo kerekana ko ashaka guhaha. Nyuma urubuga ruzajya rwereka umuturage ibiciro, bitandukanye bitewe n’ubwoko ashaka (umubare n’ubwoko).

Amaze kubona ibisabwa azemeza ko abishaka, bamwereke aho ashyira imyirindoro ye kugira ngo babone uko babimugezaho,  nyuma yekerekane amazina ye cyagwa ikigo iyo ari cyo gishaka kugura.

Hakurikiraho kwerekana aho atuye (umuhanda, umujyi cyagwa Intara), cyangwa se igihugu runaka agashyiramo telefoni ye na email.

Iyo birangiye umuntu abona amakuru hasi y’ibyo yifuza kugura n’igiciro (cyangwa igiteranyo cyabyo iyo ari byinshi) nyuma bakaguha uburyo bwo kwishyura, nyuma umuturage agahitamo ubwo akoresha (yaba MoMo cyangwa Visa Card), hanyuma agakanda yemeza.

Umuntu nahitamo kwishyura akaresheje Mobile Money azajya yandikamo nomero ayikoreshaho. Bitewe n’aho umuntu aherereye azajya agezwaho icyo yaguze mu gihe kiri hagati y’amasaha 24 n’amasaha 72.

Uru rubyiruko kandi rwahise rutangiza ku mugaragaro ikigega cy’ishoramari bise Umujyojyo Investment Group Ltd, ubu kimaze kugira umutungo remezo wa miliyoni 200Frw.

Izi ngo ni zo zizafasha urubyiruko ruri muri ririya huriro (AJADEJAR) kubona imari yo kurufasha kwiteza imbere binyuze mu kugurizwa no kwishyura ku gihe.

Bavuga ko abashaka kugura ibikomoka ku buhinzi n’ubworozi ubu babisanga ‘online’

Jean Pierre NIZEYIMANA
UMUSEKE.RW

5 Ibitekerezo

  • Courage les gars !

  • Mbonye website yabo ifatika da!
    Ariko hari akantu mbonye bakwiye kongeraho ku biciro; urugero nkaho bavuga ngo “Passion fruits 18,500Fr”, byaba byiza bavuze niba ari ku kiro (Kg) cyangwa….?

  • Turabyishimiye rwose abize ubuhinzi natwe twari dukeneye ibingibi rwose

  • Congratulations

  • Ubwo se ruruzuye kweli bagashyizeho naho ababifite babigaragariza keretse nimba Ari bo babyihingira bakaba bihagije naho ubundi byakabaye byiza bafite aho aba byejeje babibamenyeshereza

Subiza

Your email address will not be published. Required fields are marked *