• 12/12/2019 2:10 52

Kicukiro: Yabyaye uruhinja aruta muri WC, ariko ruvanwamo ari ruzima

Kuri uyu wa Gatanu umukobwa w’imyaka 21 witwa Mureranyana ngo yabyaye umwana amuta mu musarane, undi muntu agiyemo yumva umwana arira aratabaza baraza barawusenya umwana avanwamo akiri muzima. Amakuru Umuseke ufite avuga ko uriya mukobwa arangije kumutamo yahise asubira mu nzu kuko ‘iya nyuma’ yari itaraza akomeza gutaka nibwo bavumbuye ko ariwe wajugunye umwana we mu musarane.

Uru ruhinja Nyina yarutaye muri WC abaturanyi bararutabara
Uru ruhinja Nyina yarutaye muri WC abaturanyi bararutabara

Inzego z’umutekano zatabaye uriya mwana bamujyana kwa muganga ahitwa Betisaida

Umuyobozi w’Umurenge wa Kicukiro Alphonsine Murebwayire yabwiye Umuseke ko ariya makuru bayamenye bagatabara.

Ubutumwa bwanditse yahaye umunyamakuru w’Umuseke buvuga ko uriya Mureranyana  yaje muri Kicukiro  avuye i Musanze ashaka akazi uwambikwe na Mukanyemazi Thaciene w’imyaka 44 y’amavuko.

Mukanyemazi ngo yari yagiye ku kazi abona abana be baje kumutabaza bamubwira ko Mureranyana amerewe nabi.

Yatabaye bamujyana kwa muganga, muganga apimye uwo mukobwa asanga afite ibimenyetso by’uko yari amaze kubyara.

Umwana watabawe ngo ubu ni muzima nta kibazo afite, Nyina yitaweho agarura intege nyuma ashyikirizwa Urwego rw’igihugu rw’ubugenzacyaha.

Kubera ko Murebwayire yari ari mu biganiro birangiza Icyumweru cyo kwibuka, nta byinshi yabwiye Umuseke ariko ngo araduha amakuru arambuye nibirangira.

 Jean Pierre NIZEYIMANA

UM– USEKE.RW

1 Igitekerezo

  • uwo mwana niwe uzakura azi ubwenge umwana ucitse umwicanyi ariwe nyina

Subiza

Your email address will not be published. Required fields are marked *