Kenya: Umugabo w’imyaka 35 yahitanywe no gukora imibonano ubudahagarara

Abaturage bo mu gace ka Uasin Gishu ko mu gihugu cya Kenya baherutse kuzindukira ku nkuru y’incamugongo y’umugabo w’imyaka 35 basanze mu murima w’ibigori wishwe no gukora imibonano mpuzabitsina n’ingufu nyinshi atarahuka n’umugore w’imyaka 50.

Akabariro kamukozeho

Uyu mugabo witwa Julius kiptoo basanze yapfuye ku wa mbere, ku cyumweru yanyoye agatama mu kabari kazwi nka Sachangwan hafi y’ikibuga k’indege cya Eldoret ageze mu ijoro atangira kureshya umugore (ntiyatangajwe) bahise bajya no kugira icyo bimarira mu murima w’ibigori.

Abaturage bazindutse mu gitondo cyo ku wa mbere basanze umubiri w’uriya mugabo w’imyaka 35 witabye Imana azize gutera akabariro mu buryo budasanzwe.

Abashinzwe umutekano muri kiriya gihungu cya Kenya baganiriza uriya mugore wari waryamanye na nyakwigendera, yababwiye ko uriya mugabo yakoze imibonano n’ingufu nyinshi ataruhuka kuko yari yabanje kunywa ibinini bitera imbaraga yo gukora imibonano.

Uyu mugore avuga ko amaze kubona ko nyakwigendera atangiye kuremba yagerageje gutabaza abaturanyi ariko akaza gushiramo umwuka.

Police y’ahitwa Kiambaa yageze aho nyakwigendera yapfiriye, yahise ijyana umubiri we ku bitaro bya Moi Teaching and Referral Hospital.

All Africa

Aline RANGIRA MWIHOREZE
UMUSEKE.RW

2 Ibitekerezo

  • Quand meme.Ntitukabeshyere imana.Ntabwo umuntu yakitaba imana kandi yarimo gukora ibyo imana itubuza.Tujye tuvuga ngo yapfuye nta kindi.Ntabwo wakitaba imana kandi utumva.
    Roho idapfa yahimbwe n’umuntu w’umugereki witwaga Platon utaremeraga imana dusenga.Noneho bishyigikirwa n’umwe mu bashinze kiliziya gatolika (Docteurs de l’eglise) witwaga Saint Augustin d’Hippone,yandika ibitabo ashyigikira Platon avuga yuko mu mubiri wacu habamo ikintu kidapfa bise ROHO.C’est bizzare.None se niba Yezu yaravuze ko abumvira Imana bazazuka ku munsi w’imperuka,ni gute twavuga ko iyo bapfuye baba bitabye Imana?Ubwo nta muzuko wazabaho !!! It is clear.Ntitukemere cyangwa ngo twigishe ibinyoma.Bibabaza Imana yacu yaduhaye bible ngo ituyobore.At John 8 verse 32,Jesus said:”You will know the Truth and the Truth will set you free”.Yes.La Verite libere.

  • Mbona ukunda kwandika utanga ibitekerezo ku nkuru zose zisohoka, ariko ndumva byaba byiza ufshe ibitabo byawe ukajya ku nzu n’inzu nk’uko biblia isaba. nibwo buryo bwatanze bwo kubwiriza. keretse niba ugiye kuba nka babandi bafata ingoma bakajya ku musozi ngo muze gusenga! Jya ku nzu n’inzu muvandi, ureke ubunebwe bwo kwirirwa kuri internet (Ibyakozwe n’intumwa 20:20).

Subiza

Your email address will not be published. Required fields are marked *