• 19/01/2020 3:18 59

Kenya: 15 bahitanywe n’inkongi y’umuriro yibasiye isoko

Byibura abantu 15 nibo bamaze kubarurwa baguye mu nkongi y’umuriro y’ibasiye isoko ryo mu murwa mukuru Nairobi mu ijoro ryo kuri uyu wa kane.

Abantu baguye muri iri soko n'abarikomerekeyemo bageragezaga kurokora imitungo yabo.
Abantu baguye muri iri soko n’abarikomerekeyemo bageragezaga kurokora imitungo yabo.

Iyi nkongi yangije byinshi muri iri soko rya Gikomba, yanakomerekeje abantu bivugwa ko barenga 50 bahise bajyanwa mu mavuriro n’ibitaro bitandukanye kugira ngo bitabweho.

Impamvu ya nyayo yateye iyi nkongi ntiramenyekana, gusa hakaba hakekwa ko iyi nkongi yaba yatejwe n’abantu bari bagamije kwangiza imitungo y’abantu.

Amakuru aravuga ko iyi nkongi y’umuri yatangiye ahagana mu ma saa munani n’igice (02:30) zo muri Kenya, aza gukwira mu bice byinshi by’isoko, gusa ngo yaje kuzimywa nyuma y’iminota 90.

Inkongi y'umuriro yibasiye iri soko nijoro yangije byinshi.
Inkongi y’umuriro yibasiye iri soko nijoro yangije byinshi.

Abantu bapfuye ngo bahiriye muri uyu muriro, abandi bicwa no kubura umwuka mu gihe bageragezaga kurokora imitungo yabo.

Iri soko rya Gikomba ngo ryari rizwi cyane ku bucuruzi bw’inkweto n’imyenda bituruka mu bihugu byateye imbere byarambaye “Caguwa” ndetse n’imboga.

Isoko rya Gikomba rizwiho cyane Caguwa.
Isoko rya Gikomba rizwiho cyane Caguwa.

UM– USEKE.RW

Subiza

Your email address will not be published. Required fields are marked *