• 15/12/2019 5:30 52

Karongi: Ushinzwe DASSO ku Murenge yateye icyuma umukobwa mu kabari

Umuyobozi wa DASSO ku rwego rw’Umurenge wa Rubengera afunze akekwaho icyaha cyo gukubita no gukomeretsa umukobwa witwa Akuzwe Annet, uyu ubu yabuze ubushobozi bwo guca mu cyuma kuko adafite ubwishingizi mu kwivuza.

Yamuteye icyuma mu irugo no mu rutugu abantu batabara ataragera kure
Yamuteye icyuma mu irugo no mu rutugu abantu batabara ataragera kure

Byabaye mu ijoro ryo ku wa kane w’icyumweru gishize ubwo uyu Akuzwe yagiye ku kabari ahagana saa mbili z’ijoro kugura ikinyobwa kitwa ‘Energy’ maze uyu mugabo Nsengiyumva Jean Pierre basanzwe baziranye akamutega igico akamutera icyuma nk’uko abivuga.

Akuzwe w’imyaka 20 avuga ko yasanze Nsengiyumva aha mu kabari, akamubwira ngo nibamuhe ‘kamwe’. Ariko ngo ntiyagafata kuko yashakaga kugenda.

Ati “Kuko usohoka muri aka kabari aca mu kantu kameze nk’akumba, nsohotse niho yahise ansanga antera icyuma ashaka ngo kugitera ku mutima ariko agitera mu rutugu no mu irugu abantu bahita batabara.”

Akuzwe ntavuga icyo asanzwe apfa na Nsengiyumva gusa yabwiye Umuseke ko ibyo yamukoreye abona ko yari yabiteguye kandi yashakaga kumwica.

Avuga ko Nsengiyumva yakoze ibi yambaye imyenda y’akazi k’aba DASSO.

Kuva icyo gihe kugeza ubu Akuzwe avuga ko yahawe ubuvuzi bw’ibanze ku Kigo nderabuzima i Rubengera, agasaba kuvuzwa byisumbuyeho.

Umunyamabanga Nshingwabikorwa  w’Umurenge wa Rubengera, Emile Rukesha yabwiye umuseke ko batunguwe no kumva babwirwa ko umuyobozi wa Dasso yateye umukobwa icyuma ngo na bo ntibigeze bamenya icyo bapfuye kuko bahise bamushyikiriza inzego zishinzwe umutekano.

Ati “Twese ntabwo tuzi icyo bapfuye gusa uyu mukobwa yari mu bantu bitwara nabi banywa n’itabi, rwose natwe byaradutunguye twumvise ko yamuteye icyuma. Nta kindi kidasanzwe cyari gihari bapfaga.”

Uyu muyobozi avuga ko abaganga bababwiye ko uyu mukobwa yagitewe  icyuma mu mutwe no ku rutugu, kandi ko yahise avurwa arataha kuko ngo ntiyakomeretse cyane byatuma aguma mu bitaro.

Yagize ati “Naho ibyo bizamini avuga byo guca mu cyuma ni urupapuro RIB isaba kugira ngo buzuze dosiye kuko muganga ni we wemeza ko yakubiswe akanakomeretswa”.

Akuzwe we avuga ko yagiye ku bitaro bya Kibuye ngo ace mu cyuma harebwe ubukana bw’uruguma yatewe bamubwira ko icyuma cyaho cyapfuye agomba kujya ku bitaro bya Kirinda.

Aha yayigyeyo kuri uyu wa mbere bamubwira ko ikiguzi cyabyo kiri hagati y’ibihumbi 50 na 70Frw.

Ati “Nahise ntaha kuko aya mafaranga mfite kandi nta na mutuelle mfite.”

Akuzwe yifuza ko yahabwa ubuvuzi mbere ya byose n’ubutabera kuko kuri we bidahagije gufunga uwamuhemukiye ariko we ntavuzwe.

Akuzwe arasaba ubuvuzi n'ubutabera
Akuzwe arasaba ubuvuzi n’ubutabera

Sylvain NGOBOKA & Josiane Uwanyirigira
UM– USEKE.RW/Karongi

20 Ibitekerezo

  • Umuntu agaterwa icyuma n’ushinzwe umutekano, amusagariye, Gitifu we ati: “uyu mukobwa yari ari mu bantu bitwara nabi banywa itabi!!!”. Mbese impamvu yatewe icyuma irabonetse!! Ubupfura mu Rwanda bwagiye hehe koko!!

    • Hari ubwo wumva amagambo asohoka mu kanwa k’abayobozi ukumirwa gusa! Bamwe baracyafata abaturage nk’amatungo baragiye.

  • Mbega Gitifu weeee !!! Ngo yitwaraga nabi anywa n’itabi! Birambabaje.

    • Unywitabi ni uwo mu daso utinyuka gutega ibico abo yakagombye kurinda ahubwo.
      Gitifu rwose yirinde amarangamutima mu kibazo nkiki.

  • Ku bijyanye n’imyandikire y’ikinyarwanda: Mu kinyarwanda cyiza bandika “afunze akekwaho icyaha cyo…….”

    Ntabwo bandika “afunze acyekwaho icyaha cyo…..”

    • @kanyarwanda we jyenda ubanze wige kwandika neza ikinyarwanda ubone kuza ukosor kuko uravuga amafuti ukayita ibizima,bavuga gukekwaho urumva wa muntu we si ugucyekwaho nkawe ibi bipfu ubikura he?cg uri muri babandi bibeshye ngo barahindura ikinyarwanda ngo umujyi aho kwandika umugi,yewe rwose urarushye,banza utekereze neza mbere yo kuvuga.ubu wabona unkosoye uti bavuga gutecyereza ntibavuga gutekereza hahhhhhhh ,kanyarwanda urihindure wiyandikire kanyamahanga kuko utari kuvuga ikinyarwanda pe.

  • Ku bijyanye n’imyandikire y’iki nyarwanda: Mu kinyarwanda cyiza ntabwo bandika ngo “byaradutunguye twumvishe ko bamuteye icyuma”

    Ahubwo bandika ngo “byaradutunguye twumvise ko bamuteye icyuma”

    Turasaba ko ibinyamakuru byajya bikoresha abanyamakuru bazi kwandika neza ikinyarwanda.

  • @Kanyarwanda, abantu baravuga inkuru y’umukobwa watewe icyuma na DASSO, wowe ukisomeramo imyandikire y’ikinyarwanda idahwitse!!

  • Gitifu we, kuba uyu mukobwa yitwaraga nabi cyangwa anywa itabi biha iyo dasso yawe uburenganzira bwo kumutera ibyuma?

    Ese Gitifu we, namwe ko tuzi ko hari ubwo mukora akazi kanyu nabi tubwire abapolisi cyangwa abasirikare babtere ibyuma? Oya.

    Ibi ahubwo byagatumye ubuyobozi busuzuma abashyirwa muri ruriya rwego rwa dasso, babona nta kinyabupfura nindi myifatire myiza bagira bagasezererwa kuko nta mabandi dukeneye mu nzego z’umutekano.

    Ese uwo dasso icyo cyuma n’ubundi sicyo yagendanaga yashoboraga gutera nabandi baturage?

    Ndabona mu bihe biri imbere abazabazwa amabi bakoze ari benshi.

  • nonese kuba yanywaga itabi bibaha uburenganzira bwo kumutera ibyuma?
    ubu se ko abana b’abayobozi benshi birirwa murumogi,tujye tubatera ibyuma?
    jye ubwo mba nibajije uwahaye igicucu nk’iki akazi ko kuyobora abantu bikanyobera.
    iyo ngira amahirwe yo kwicarana nawe nakakubwiye nti:”wa m*** we!”

  • Ariko tumaze kumva ibibi byinshi abadaso bakora,nkibaza nti murabona atari interahamwe muha ako kazi noneho bikazorohera kuko zitwaza ngo zishinzwe umutekano wazibona ukagirango zizanywe n amahoro ugashiduka zikwishe.njye rwose sinibaza uko mutanga aka kazi mutacukumbuye imyitwarire y umuntu,uyu utekereza kwica abandi ntibiba ari bishya kuri we aba abisanganywe,kuba uyu mukobwa yaba yitwara nabi ntibiha iyo nyamaswa kumwica urabonako yabigambiriye akabanza no kumugurira inzoga ngo aze kumwica abeshye ko bari basinze,ariko dore Imana ikinga akaboko uyu mukobwa arayanga.mukobwa rwose urarokotse bityo egera Imana uve muri iyo mico mibi bavuga,naho iyo nterahamwe bayihane nk iyishe umuntu ikindi kandi uwo mukobwa avuzwe naho ibyo kwivugisha ngo ni RIB ngo niyo isaba guca mu cyuma,yabisaba itabisaba uyu mwana agomba guca mu cyuma akareba wabona yanavira imbere tukumva ngo yapfuye,ntago ibigo nderabuzima bivura ibikomere nk ibyo .

  • Simpfe na MINALOC yambuye ba Gitifu uburenganzira bwo gutanga amakuru!Nk’ubu itabi n’icyuma bihurirahe?Ahubwo urinywa ndabona ari uwateranye inyuma!

  • Ariko uwabaza uwo Executf inshingano ze yazimenya buriya?Buriya uwatera umwana we icyuma yakwishima.Arimo ashyigikira dasso wari mukabari aho kuza ou bazi,byongeye ugendana icyuma yarangiza akagitera abo agomba kurinda. Basané exécutif avuze uwo muturage we.Kdi bitinde bitebuke ibi muzabibazwa.Interahamwe zicaga zitazi ko zizabibazwa namwe ni mumushishikare nababwira iki

    • Niba mutari mubizi, aba Dasso bo ku mirenge usanga abenshi aribo bahahira aba executif, nibo bajya mu ma deals ya ruswa bakazanira executif kuko we atabyogiramo, so atuma ces gorilles zikajya kuzana izo ruswa ubundi bakagabana, niyo mpamvu aba yavuze kuriya ntugirengo, icya mbere ni aba complices agomba kumuvigira, ikindi gikomeye, ni ukwirinda, kuko Dasso na gitifu baba bafitanye amakuru menshi, ntiyamuvuga nabi, ejo atazamuvamo bikaba bibi!
      Ngibyo ibibera mu mirenge! Ntuzigera ubona executif muri deal za cash, everytime ni ba Dasso yohereza.

  • Umwami yahamagaye Inyange n’ibikona biraza!! Uyu yahoze ari umusirikari,aba demob ajya muri Dasso . Icyo maze kubona rero mumbabarire nkivuge.: Kuki abahoze ari abasirikari muri dasso ari bo bitwara nabi? Amakosa ni abangaja abo bari LDF basanzwe barananiranye. Ibaze ninde ufite degree ye muri Dasso wakumva yakoze nkibyo!

  • Ariko executif w’UMURENGE ko ari umwanya ukomeye kuko ashinzwe kuyobora UMURENGE wose; Kandi umurenge ubu ni mugari cyane. Kuki abatanga akazi batitonda ngo bagahe umuntu ubifitiye ubushobozi kandi w’umuhanga?Jye najya mpa priorité abize iby’amategeko, yarabaye umusirikare byaba ari akarusho, abize administration, managment , économie. Kandi byose bikajyane na discipline no kwitangira abaturage. Urumva ngo ararengera INKORAMARASO. Gusa icyo nzi cyo amategeko agiye gukurikizwa. Uyu mukobwa bamushakire MAG imufashe mu RUKIKO. Ngo anywa itabi, yitwara nabi? Kereka niba haragiyeho itegeko ko abanywa URUMOGI bose ari ukwicwa. GITIFU ashake undi mu DASSO, naho REKESHA we ibya byamurangiranye, itegeko rihana bene ibyo byaha ryo riraremereye. UMUKOBWA ARARUSIMBUTSE. UMUNTU UKOMERETSA YAMBAYE IMYENDA Y’AKAZI? Abakobwa ko barongorwa baricwa? Ibaza umwana w’imyaka 20. Utekereze n’ibibaraga bya DASSO. Ese iyo amukubita urushyi ku kibuno niba hari n’icyo bapfa? Ariko nabyo amategeko ntabyemera n’ukwivugira. BIRABABAJE.GITIFU ARIKO WE AHINDURIRWE INDI MIRIMO. KUKO NTAZI IBYO KUYOBORA.

  • Gitifu,kubwimvugoye namugira inama yogushaka abantu bose basangira itabi mu murenge ayobora Dasso ye ikabahanisha kubatera icyuma,kuko baragashoboye,ikindi babazamure muntera bage no kuyobora RNC&FDLR….

  • Abakobwa bamwe bo mu tubari I Rubengera mubazi igice!ahubwo wabona uwo mukobwa yari agiye kwica DASSO agasanga amurusha training icyuma kikaba ariwe gifata!

  • Ntabwo bavuga ngo “afunze” bavuga “afunzwe”

  • Amagambo ya Gitifu ateye kwibaza kubushake bwa government mukurengera rubanda rugufi.

Subiza

Your email address will not be published. Required fields are marked *