• 11/12/2019 5:04 42

Karongi: Ka kagari kubakishijwe ibyondo bigasenywa ubu kuzuye gafite n’amashanyarazi

Kuri uyu wa Kabiri abaturage bo mu Kagari ka Bukiro, Umurenge wa Murundi mu karere ka Karongi batashye ibiro bishya by’Akagari ka Bukiro. Bishimira ko kuzuye kubakishije amatafari ahiye, amabati akomeye, icyuma gikurura  imirasire y’izuba ikabyara amashanyarazi n’ibindi. Ngo mbere kari kagiye kubakishwa ibyondo na sima biramaganwa.

Ibiro byishya by'Akagari ka Bukiro mu murenge wa Murundi muri Karongi
Ibiro byishya by’Akagari ka Bukiro mu murenge wa Murundi muri Karongi

Umuhango wo gutaha ibiro bishya by’aka Kagari wabaye kuri uyu wa Kabiri taliki 09 Nyakanga, 2019.

Ibindi bikoresho biri muri kariya kagari ni amatara atandatu, itoroshi imwe yo gufasha uharinda, ‘batteries’ ebyiri zibika amashanyarazi atangwa n’izuba na televiziyo yo gufasha abaturage bakagana kumenya amakuru.

Umwe mu baturage ba kariya kagari witwa Kalinda avuga ko gukorera ahantu hasa neza ntako bisa.

Ati: “Abaturage turishimira uruhare twagize mu kwesa uyu muhigo wo kwiyubakira Akagari kandi turashimira ubuyobozi bw’Akarere ka Karongi ku nkuga baduhaye ya sima n’isakaro.”

 

Byatangiye nabi Akagari kubakishwa ibyondo bivanze na Sima…

Taliki 07 Mutarama, 2019 Umuseke wanditse inkuru y’uko abafundi bubakaga aka Kagari kari mu Mudugudu wa Gitwa, bavugaga ko bubakisha ibyondo bakabivanga na Sima kuko ngo ubuyobozi bw’Umurenge bwabahaga sima nke.

Umwe mu bafundi yavuze ko kubera kubakisha sima ivanze n’icyondo yari afite impungenge ko iriya nyubako itazaramba.

Icyo gihe yavuze ko ubuyobozi bw’Umurenge bwabasabye kwirwanaho bakubakisha ibihari ariko ibiro by’Akagari bikuzura.

Umunyamabanga Nshingwabikorwa w’Umurenge wa Murundi, Aphrodis Mudacumura icyo gihe yavuze ko ibyo abafundi bavuga ari ibinyoma, ko sima ihari ihagije, ndetse ngo bari biteguye kubona indi bari buhabwe na CEMERWA imifuka 700.

Harimo na Televiziyo yo gufasha abaturage baje kwaka serivise kureba amakuru
Inzugi z’ibyuma. Mbere byari bigoye kuzishyiramo kuko inkuta zari zubakishijwe sima n’ibyondo
Televiziyo irakora neza…

Jean Pierre NIZEYIMANA
UMUSEKE.RW

1 Igitekerezo

  • Ariko mumurenge WACU ntabindi Uzi gutaraho injury uretse aka kagari?ntabihari bitagenda neza cyangwa se bigenda neza wavuga?

Subiza

Your email address will not be published. Required fields are marked *