• 13/12/2019 8:27 58

Kabgayi: Basoje icyumweru cy’uburezi banazirikana uruhare rwa Kiliziya

Ku nshuro ya 11 hizihizwa icyumweru cy’uburezi ku mashuli Gatolika, umuhango wabimburiwe n’igitambo cya misa muri Diyocese ya Kabgayi. Umushumba wa Diyosezi ya Kabgayi Musenyeri Smaragde Mbonyintege yavuze ko umwana ari ukura, agakomera, akabyirukana ubwenge kandi yuzuye ubwitonzi n’ubutoni ku Mana.

Bageneye abanyeshuri batsinze neza ibyemezo by’ishinwe

Musenyeri Smaragde Umushumba wa Diyosezi ya Kabgayi yagarutse ku nyigisho zishingiye ku ngero z’imwe mu mirongo yo muri Bibiliya zigamije kwigisha uburyo bwo gutanga uburezi buboneye.

Ati : “Timoteyo yabaye umunyeshuli mwiza  wumva kandi byihuse, Elie na we  ni urundi rugero rwiza kuko yafashije Samweli amubererekera akamenya Imana.

Musenyeri Mbonyintege avuga ko hari ingingo z’ingenzi muri Kiliziya zifashishwa mu burezi zirimo Gukura mu gihagararo, gukura mu bwenge, ubwitonzi no kugaragaza ubutungane ku Mana.

Avuga kandi ko ngo isi ivugirwamo byinshi kandi ngo nubwo hari umubare munini w’abigisha abavuga ukuri atari benshi ariyo mpamvu ababyeyi abasa ko bamenya kwereka abo barera inzira bagomba gucamo, no kumenya guhitamo icyiza cyangwa igikwiye bikazafasha kuzuza abana kugera ku muhamagaro.

Ku ruhande rw’abana yababwiye ko umwana wumwa atari uwo babwira basakuza, ahuwo ari uzi gutekereza.

Abahagarariye abarimu bagiye bagaruka kuri bimwe mu bibazo byugarije urubyiruko birimo ibiyobyabwenge, ubucucike mu mashuli, abana benshi ku mwalimu, amakimbirane mu miryango akomeje kugira ingaruka ku bana n’ibindi bibi kandi ngo birababaje kuba abantu bakuru babigiramo uruhare.

Ntaganzwa Joseph wari uhagarariye ubuyobozi bw’Akarere ka Muhanga muri uyu muhango avuga ko Leta izakomeza gushyira ingufu mu burezi Ministeri y’Uburezi ifatanya na Kiliziya gukemura ibyo bibazo ababyeyi bafitiye impungenge ndeste no guhangana no gukumira inda zitateguwe ku bana b’abakobwa.

Padiri Kimenyi Nkaka Jean de Dieu ushinzwe uburezi muri Diyosezi ya Kabgayi avuga ko nubusanzwe uburezi bwatangiriye muri Kiliziya ari nayo mpamvu barimo kureba uko bakemura ibibazo byugarije uru rwego birimo abarangiza ntibabone akazi,  banakora ubukangurambaga bwo kunoza ireme ry’uburezi.

Ati “Turubaka ubufatanye na Leta mu burezi buhamye twiga ibyarushaho kubuteza imbere umuntu akarerwa kuri Roho no ku mubiri”.

Insanganyamatsiko y’uyu mwaka igira iti “Muri uyu mwaka w’Ubwiyunge muri Kiliziya, Ishuli ni ribe igicumbi cy’urukundo n’imibanire myiza”.

Muri Diyosezi ya Kabgayi ku kigo cy’ishuli cya Mutegatifu Andereya niho havuye umwana wa mbere n’uwa kane mu batsinze ikizamini cy’amashuli abanza umwaka ushize wa 2017.

Musenyeri Mbonyintege yasabiye umugisha abana ngo barusheho gutsinda neza

MUHIZI ELISEE
UM– USEKE.RW/Muhanga.

0 Igitekerezo

  • Kiliziya Ni byiza cyane kwigisha abana ko ishuri ryagombye kuba umusemburo w’imibanire myiza.Kiliziya na Leta by’umwihariko akarere ka Muhanga nibarebe uburyo bagabanya abana nako imicuko isabiriza mu kigo abagenzi bategeramo imodoka I Muhanga.Biteye ubwoba.Munyumve neza sinanga abakene ariko niharebwe njba aabana bose bari muri gare bataraturutse mu tundi turere basubizweyo banitabweho.Abasabiriza bararusha ubwinshi abagenzi.Mvuze abana ariko n’abakuru nu benshi cyane.Nibafashwe gusubira mu miryango yabo ku bayifite, abatayifite bashakirwe uko bashyirwa hamwe tukabafasha.Ariko ntibazajyanwe mu bigo by’inzererezi.si wo muti.Muzanyarukire I Muhanga muri Gare murebe.Birababaje.

Subiza

Your email address will not be published. Required fields are marked *