• 24/01/2020 3:27 20

Kabarore: Hibwe mudasobwa 6 z’ishuri G.S Kibondo zari hamwe n’izindi 58

Mu ijoro ryakeye mu ishuri ryisumbuye G.S.KIBONDO riherereye mu Murenge wa Kabarore mu Karere ka Gatsibo hibwe mudasobwa esheshatu (Computer Laptops 5) n’imwe yo mu bwoko bwa Desktop, kugeza ubu abarinzi babiri barariraga kiriya kigo batawe muri yombi.

Izo ni mudasobwa zo kuri Groupe Scolaire Maya I mu Murenge wa Gahunga, mu Karere ka Burera abashakaga kuziba bafashwe batarazisohora mu kabati (Archives)

Umuvugizi wa Police mu Ntara y’Uburasirazuba yabwiye Umuseke ko amakuru yo kwibwa kwa ziriya mudasobwa z’ishuri ryisubuye rya Kibondo yamenyekanye mu gitondo kuri uyu wa kabiri mu masaha ya saa kumi n’ebyiri ubwo umuyobozi w’ikigo yahageraga agiye mu kazi.

Ati “Abantu  batoboye idirishya ry’icyumba mudasobwa zibitsemo baca grillage  batwara mudasobwa eshanu zo mu bwoko bwa Positivo ndetse na mudasobwa yo mu biro yo mu bwoko bwa Desktop n’imigozi 10 ya Internet.”

Yavuze ko kugeza ubu abarinzi babiri bacunga iki kigo bari mu maboko y’Ubugenzacyaha.

Ruhara Charles Umuyobozi wa ririya shuri avuga ko basanze babibye, ngo bamennye ibirahure by’idirishya bakata n’ibyuma byaryo binjura mu cyumba bakuramo izo mudasobwa ndetse n’imigozi 10 ya Internet.

Ati “Abazamu baharaye ntabyo bari bazi ahubwo uwaje kubasimbura ni we wazengurutse areba uko hameze ngo atangire akazi ke, ni we wabibonye saa 6h00 a.m. Ni we waduhamagaye tuhageze dufunguye dusanga bazibye.”

Kugeza ubu ngo iperereza rikomeje ngo kuko abazamu batawe muri yombi.

Hamaze iminsi havugwa ubujura bwa mudasobwa zo ku bigo by’amashuri yisumbuye. Umuseke ejo hashize wabagejejeho inkuru y’abantu bafatiwe mu cyuho biba mudasobwa kuri Groupe Scolaire Maya I mu Murenge wa Gahunga, mu Karere ka Burera, abafashwe bavugaga ko baziboneye isoko muri DR.Congo.

Ziriya mudasobwa zibwe kuri G.S Kibondo  zari kumwe n’izindi 58, ariko abazibye batwara esheshatu gusa.

Josiane UWANYIRIGIRA
UMUSEKE.RW

Subiza

Your email address will not be published. Required fields are marked *