• 18/01/2020 8:00 54

Just Family ubu intego yabo ngo ni ukugera kure cyane, nko muri MTV Awards

Bahati, Jimmy na Croidja bagize itsinda rya Just Family basohoye indirimbo nshya bakoranye na Mico The Best yitwa ‘Aramurika’. Iri ubu intego yabo ngo ni ukugera kure hashoboka nko muri MTV Awards.

Ubu intego zabo ngo ni ukugera kure hashoboka
Ubu intego zabo ngo ni ukugera kure hashoboka

Iri tsinda rya Just Family bamaranye imyaka igera kuri cumi n’ umwe (11) batangiye ari bane ariko nyuma umwe aza kurivamo ubu ni batatu.

Mu rugendo rwabo muri iyo myaka banyuze muri byinshi birimo no kureka umuziki igihe cy’imyaka itatu no kwinjiza abandi baririmbyi mu itsinda ariko bikarangira batandukanye.

No kugenda kwa Croidja ariko akongera akarigarukamo. Kuva yagaruka yagaruka bamaze gukorana indirimbo eshatu harimo n’iyi nshyashya yitwa ‘Aramurika’ bakoranye na Mico The Best.

Ku mikorere yabo mishya ngo harimo kuba bakorana n’ inzu ifasha abahanzi ya KIKAC Music nayo nshyashya.

Ngo nibo babaganye babasaba serivisi ariko ngo nta masezerano bafitanye uretse kugira imikoranire bitewe n’umushinga bafite cyangwa kubafasha mu kumenyekanisha ibihangano byabo gusa.

Bahati ati “ KIKAC isanzwe ifasha abahanzi bakizamuka ariko ikagira n’ indi mikoranire ku bahanzi bamaze kumenyekana ariho natwe turi, nta masezerano dufitanye nabo ariko hari serivisi badufasha.”

Icyo bateganya ku ndirimbo yabo nshya ngo ni uko bifuza ko igera kure cyane kurusha izindi zose bakoze kuko yanditse, icurangitse neza ikaba inaryoheye amatwi.

Icyo basaba abafana babo ni ukubaba hafi bakanasakaza ibikorwa byabo birimo indirimbo kugirango bigere no ku bandi benshi.

Mu muziki usanga abahanzi bagira intego zitandukanye kuko hari na bawukora ari ukwishimisha ariko ugasanga indirimbo zabo zimenyekana.

Kuri Just Family bo ngo ni ugukora ibyo abandi bahanzi Nyarwanda batarageraho ku buryo bazatumirwa mu itangwa ry’ ibihembo bya MTV bibera muri Amerika.

Jimmy Ati “Icya mbere navuga ni uko inzozi zacu ari ukugera kubyo tutarageraho hano mu Rwanda, nta muhanzi Nyarwanda ndumva witabiriye nkaza MTV Awards ariko ndemeza ko Imana izagenda idufungurira imiryango ku buryo ibyo byose tuzabigeraho tugatumirwayo”.

Jean Paul NKUNDINEZA
UM– USEKE.RW

Subiza

Your email address will not be published. Required fields are marked *