• 12/12/2019 3:58 51

Just Family ngo ‘ihatanye n’abana’ muri Salax Awards

Itsinda rikora umuziki rya Just Family ngo bizeye ko bazegukana igihembo cy’Itsinda ryitwaye neza kuko abo bahatanye ari abana babasanze mu muziki bityo batabateye ubwoba.

Itsinda rya Just Family
Itsinda rya Just Family

Salax izaba ku nshuro ya karindwi, Just Family ubu ni inshuro ya gatandatu ihatanye muri iri rushanwa ariko nta n’imwe baregukana igihembo, ubu ngo ni igihe cyabo.

Iri tsinda rigizwe na rigizwe na Bahati, Jimmy na Croidja mu kiciro cy’amatsinda rihatanye na The Same, Tresor Groupe, Active na Yemba Voice.

Ubu ngo bifitiye ikizere kuko aya matsinda agizwe n’abakiri bato kandi bato muri muzika kandi ngo bakurikije uko babibona bazatsinda.

Aya matsinda ngo yaje nyuma abasanga mu muziki izina ryabo rikomeye.

Gusa aya matsinda nubwo yaje nyuma ya Just Family muri muzika yaramenyekanye cyane ahanini kubera ubuhanga bw’abayagize.

Itsinda nka Yemba Voice ni rimwe mu yigaragaje cyane muri ibi bihe kubera ubuhanga mu majwi yabo. Ikaba irimo abasore bize mu ishuri rya muzika ku Nyundo.

Bahati waganiriye ati “ Mubo duhatanye nta n’umwe uduteye ubwoba nubwo ari irushanwa buri wese aba afite amahirwe gusa nkurikije uko twe tubibona tuzagitwara kuko ikizere kirenze 60%.”

Ngo kuba za Urban Boys na Dream Boys zarasezeye mu irushanwa biri mu byatumye ikizere cyabo kiyongera.

Bonaventure KUBWIMANA
UM– USEKE.RW

1 Igitekerezo

  • Byose ni Salax Awards ibitera! Iki gihembo cya group nziza bazakivanemo ubutaha. Groups zikwiriye ibihe,mbo zavuye muri comptition hasigaramo izo nyiga guhuma n’abo basaza biyemera mu magambo washaka ibikorwa ukabibura.

Subiza

Your email address will not be published. Required fields are marked *