• 20/01/2020 1:52 24

Jimmy Mulisa yasubijwe APR FC

Nyuma y’uko uwari umutoza mukuru w’ikipe ya APR FC Umunya Serbia Ljubomir Petrovic asezeye kubera uburwayi bw’umutima Jimmy Mulisa wari umutoza wa Gatatu muri iyi kipe niwe wahawe inshingano zo kuba umutoza mukuru by’agateganyo.

Mulisa yasubijwe inshingano nk'umutoza mukuru wa APR FC
Mulisa yasubijwe inshingano nk’umutoza mukuru wa APR FC

Petrović yari yaje muri APR asimbura Mulisa wari umutoza mukuru kuva mu Ugushyingo 2016.

Mulisa yari aherutse guhesha igikombe cy’Amahoro APR FC cya 2016 – 2017, muri Werurwe 2018 nibwo yasimbujwe uyu musaza w’imyaka 71.

Jimmy Mulisa w’imyaka 34 ubu yasubijwe inshingano nk’umutoza mukuru w’agateganyo akungirizwa na Didier Bizimana mu gihe Radanovic Miodrag, nawe w’imyaka 71, wari wungirije Ljubomir Petrovic aza kuba umutoza wa gatatu.

Mulisa na Bizimana bombi bakinnye muri APR FC mu myaka yashize. Umwe ari rutahizamu undi ari myugariro.

APR FC ikomeje imyitozo yitegura umukino ubanza wa CAF Champions League aho izakira i Kigali ikipe ya Club Africain yo muri Tunisia tariki 28 Ugushyingo 2018.

Mulisa ariko uyu munsi ‘yahuye n’uruva gusenya’ kuko Amavubi U23 yari ayoboye nk’umutoza i Kinshasa yahatsindiwe bitanu ku busa.

Abanya Serbia Ljubomir na Miodrag Radanovic (ibumoso) Mulisa (hagati) yari abungirije
Abanya Serbia Ljubomir na Miodrag Radanovic (ibumoso) Mulisa (hagati) yari abungirije. Radanovic ubu yagizwe uwa gatatu.

Yvonne IRADUKUNDA
UM– USEKE.RW

2 Ibitekerezo

  • Umuswa umaze gutsindwa 5-0 na RDC, none nta n’isoni bagira, ba Afande ngo bagiye kumuhemba gutoza Apr Fc, yaragiye kumanura mu cyiciro cya kabiri ? Maze ngo barubaka ejo hazaza ha Ruhago Nyarwanda !!!

  • Uyu niwe muhaye Apr!!!!
    Ark mwabagabo mwe niba mudakunda Apr muyifotemo inyungu wenda zindi mwakwibutseko hari abandi banyarwanda benshi bakunda ikipe mubabaza!!!!
    Unva Mulisa URUMUNYAMWAKU muri career yawe yo gutoza ntanahamwe uzigeza keretse nukomeza guhabwa amahirwe nabo bene wanyu,ark ark ntacyushoboye nikimenyimenyi ufashe Apr petrovic mumikino 5 ntamukino numwe aratsindwa nta ntanigitego na kimwe kirinjira,buretse uraje urebe uburyo ikipe uhita uyishyira kumwanya nkunda wa 3 cg uwa 4,mwihereye amahirwe mukeba,championsleague yo gutsinda iriya kipe yumwarabu,ninkinzozi zuko warota usigaye ufitubushobozi bwo kubwira umurambo uti wamuntu byuka uhaguruke ugende,njye nsezeye kuri Apr nzayigarukaho aruko bazanye undi mutoza,asyiweeee we ndunva iseseme inyishe.

Subiza

Your email address will not be published. Required fields are marked *