• 24/01/2020 4:13 08

Japan: Menya ibya Hotel zifite abakozi b’ama robots gusa

Mu Rwanda ku miryango ya Hotel wakirwa n’abasore cyangwa inkumi ziguha ikaze ziseka zikwakira ‘Na Yombi’. Mu Buyapani ho bari kurenga uru rwego kuko hari za hoteli zikoresha za robots gusa mu kwakira n’indi mirimo ya Hoteli.

Iyi ni robot ya Henn na Hoteli iguha ikaze muri iyi hotel ikanakuyobora ku cyuma kigusaka
Iyi ni robot ya Henn na Hoteli iguha ikaze muri iyi hotel ikanakuyobora ku cyuma kigusaka

Izi hoteli ni Henn na yo mu mujyi wa Nagasaki yafunguye imiryango muri 2015 ndetse na Maihama hotel yo mu mujyi wa Tokyo yafunguye imiryango muri 2017.

Ikigo cy’ubukerarugendo cy’abayapani ni cyo gifite mu nshingano gucunga izi hoteli n’ izindi esheshatu zose zikorwamo na robots.

Umwihariko w’izi hoteli ebyiri Henn na ndetse na Maihama zo ni uko zifite ubwoko bwa robo butandukanye mugihe izindi zo zikorwamo na robo zifite imiterere nk’iyabantu gusa.

Ukinjira ku muryango wa hoteli uhasanga robo zifite ishusho ya dinezoro (Dinosaurs) ziguha ikaze muri izi hotel ubundi zikakuyobora ku cyuma kigusaka ubundi ukitoranyiriza ururimi uri bukoreshe uri muri hotel Icyongereza, Ikiyapani, Igishinwa n’Igikoreya.

Imbere muri izi hoteli byakugora kubona abantu bazikoramo gusa usangamo robo zikoze mu ishusho y’ umuntu. Ni ni zo muvugana zikagusubiza ndetse akaba ari na zo zigufasha muri serivisi ukenera uri muri hoteli.

Iyi ni robot yitwa Tapia concierge ifasha umukiriya uri mu cyumba cye guhindura shene za televisziyo ye gucana no kuzimya amatara
Iyi ni robot yitwa Tapia concierge ifasha umukiriya uri mu cyumba cye guhindura shene za televisziyo ye gucana no kuzimya amatara

Iyo ugeze mu byumba by’ izi hoteli usangamo robo zitwa Tapia concierge zimeze nk’amagi zigufasha mu guhindura ama shene ya televiziyo, kuzimya no kwatsa amatara, yewe ikanakuririmbira ikubikira ngo usinzire.

Izi robo zimeze nk’ amagi kandi ni zo zikorana na robots zitwara imyanda.

Ikindi gitangaje muri izi hoteli ni robot ifite ukuboko nk’uk’umuntu ifasha umukiriya kubika ibikoresho bye mu mwanya uri hagati mu rukuta kugirango bigire umutekano uhagije.

Ikigero cy’ubushyuhe cyangwa ubukonje kigenwa na robo ziri mu byumba bigendeye ku kipimo umubiri wawe ugezeho mu bukonje cyangwa ubushyuhe.

Singombwa kandi ko wikorera umuzigo wawe kuko hari robot zishinzwe ku gutwaza zikakugeza mu cyumba uruhukiramo.

Umwe mubakiriya ba hotel witwa Chigusa Hosoi yatangaje ko yishimira serivise abona muri iyi hotel ya Henn.

Yagize ati: “Umuhungu wanjye arishimye kuko abona uwo bakinana kandi serivisi tubona zikaba zinoze kandi zihuta.”

Iyi robo iganiriza umukiriya uri mu cyumba cya hoteli ikamusubiza ibyo yifuza kumenya nk’ isaha, ikirere uko kimeze cyangwa gutumiza ibyo umukiriya yifuza
Iyi robo iganiriza umukiriya uri mu cyumba cya hoteli ikamusubiza ibyo yifuza kumenya nk’ isaha, ikirere uko kimeze cyangwa gutumiza ibyo umukiriya yifuza

Aha uwo yavugaga ukinana n’umwana we ni ya robo imezi nk’ igi. Iramuririmbira ikamusinziriza yewe ikamukorera ibyo undi murezi wese yakorera uwo arera.

Umuyobozi w’ iyi hotela ya Hann witwa Yukio Nagai yavuze ko abakiriya babo bakunda serivisi bahabwa n’izi robo kuko zihuta kurusha izo bahabwaga n’abantu.

Gusa avuga ko hari bamwe baterwa ubwoba n’izi robo zimeze nka dinozoro (dinosaurs) bagahitamo kwisabira ko bakirwa n’abantu.

Yavuze ko kandi Mugihe umukiriya wabo ahuye n’ ikibazo akeneye ubufasha cyangwa se atanyuzwe na serivisi ahawe n’ izi robo, ashobora guhamagara akoresheje tablet iri mu cyumba cye akakirwa n’ abakozi bo muri iyi hotel.

Hiddeo Sawada akaba ari we nyiri iyi hotel ya Hann na yabwiye ibiro ntaramakuru by’ Abayapani dukesha iyi nkuru ko guhitamo gukoresha amarobo bwari Uburyo bwo kwihutisha no kunoza serivisi hashingiwe ku ikoranabuhanga ndetso no kugabanya ikiguzi cya’ abakozi.

Yasobanuriye iki kinyamakuru ko mwigenzura ryabo basanze robo ishobora gukora ibyo umuntu yakora ku kigero cya 90% gusa yo ikabikora mu gihe gito akaba ari yo mpamvu bagira n’ abandi bakozi bake bafasha gutunganya ibyo robo zitatunganyije neza.

Mu 2016 hoteli ya Hann yanditswe muri Guinness world records cyo kuba ari yo hoteli ya mbere ku isi ikoresha robo nyinshi kandi zikanoza akazi.

Ijoro rimwe muri izi hoteli zombi wishyura  amadorali y’ Amerika $80 ni agera ku 68 000Frw. Nujya mu Buyapani rero ntuzacikwe.

Naho iri koranabuhanga nirigera mu Rwanda amarira y’abashomeri ashobora kwiyongera.

Hiddeo Sawada ni we nyiri hoteli Hann na iherereye mu mugi wa Nagasaki
Hiddeo Sawada ni we nyiri hoteli Hann na iherereye mu mugi wa Nagasaki
Singombwa kuvunika ukurura imizigo yawe kuko hari robo zigutwaza kugera mu cyumba uruhukiramo
Singombwa kuvunika ukurura imizigo yawe kuko hari robo zigutwaza kugera mu cyumba uruhukiramo
Mugihe ku zindi hoteli uhasanga abashinzwe gucunga umutekano wa hoteli, kuri Hann na Hotel ho uhasanga ubu bwoko bwa robo
Mugihe ku zindi hoteli uhasanga abashinzwe gucunga umutekano wa hoteli, kuri Hann na Hotel ho uhasanga ubu bwoko bwa robo
Mu byumba bya hoteli Hann na usangamo robo imeze nk’ igi igufasha guhindura amashene ya televiziyo, kuzimya amatara no kuririmbira abana bato
Mu byumba bya hoteli Hann na usangamo robo imeze nk’ igi igufasha guhindura amashene ya televiziyo, kuzimya amatara no kuririmbira abana bato
Iyi robo ikibikira imizigo yawe mu mwanya uri hagati mu rukuta mu rwego rwo kubikwa mu bwisanzure n’ umutekano uhagije
Iyi robo ikibikira imizigo yawe mu mwanya uri hagati mu rukuta mu rwego rwo kubikwa mu bwisanzure n’ umutekano uhagije
Iyi ni robo ishinzwe gutwara imyanda abakiriya basiga muri hotel
Iyi ni robo ishinzwe gutwara imyanda abakiriya basiga muri hotel

UM– USEKE.RW

0 Igitekerezo

  • Robots zisigaye zikora ahantu henshi mu bihugu byateye imbere:Hotels,factories,banks,etc…Ariko ikibabaje nuko zikoreshwa no mu bintu bibi imana itubuza.Urugero,musigaye mubona amashusho ya sex-robots zikoreshwa mu busambanyi.Hamwe na robots zikoreshwa mu ntambara.
    Abahanga bavuga ko intambara zo mu myaka iri imbere,robots arizo bazajya bashyira imbere ku rugamba (front line).Technology is “a double edge” sword.Izana amajyambere,ikazana n’ibintu byangiza isi.

Subiza

Your email address will not be published. Required fields are marked *