• 23/01/2020 7:42 07

Japan: Abasaga 100 bamaze kwicwa n’imyuzure n’inkangu

Nibura abantu 100 biravugwa ko bapfuye nyuma y’imvura nyinshi yateje imyuzure n’inkangu mu Burengerazuba bw’Ubuyapani nk’uko byatangajwe n’Umuvugizi wa Leta.

Minisitiri w’Intebe w’Ubuyapani yavuze ko abantu benshi bakeneye ubutabazi

Abandi basaga 50 biravugwa ko baburiwe irengero.

Kuva ku wa kane w’icyumweru gishize ibice by’Uburengerazuba mu Buyapani byagushije imvura ikubye inshuro eshatu iyari isanzwe igwa mu kwezi kwa karindwi kose.

Abantu basaga miliyoni ebyiri basabwe kuva mu bice batuyemo kubera inzuzi zuzuye zikarenga inkombe.

Umwe mu bashinzwe iteganyagihe yagize ati “Nta na rimwe twigeze tugira imvura nk’iyi.”

Abashinzwe ubutabazi batangiye kugenda bashakisha imirambo n’abakiri bazima mu byondo by’inkangu n’imyanda yamanuwe n’imvura kuri uyu wa mbere.

Umuyobozi mu gace ka Okayama yatangarije AFP ko ingano y’amazi yatangiye kugabanuka ku buryo abatabazi bashobora kugera ahantu hibasiwe cyane n’imyuzure.

Benshi mu bapfuye ni abo mu Ntara ya Hiroshima.

Minisitiri w’Intebe, Shinzo Abe yatangaje ku cyumweru ko abatabazi bari gukora ubutaruhuka basiganwa n’igihe.

Yatangarije abanyamakuru ati “Haracyari abantu benshi baburiwe irengero, abandi bakeneye ubufasha.”

Umujyi muto wa Motoyama, uri ku kirwa cya Shikoku, wagushije imvura nyinshi cyane iri ku gipimo cya mm583 kuwa gatanu mu gitondo no ku wa gatandatu.

Ibipimo birerekana ko imvura nyinshi iri ku gipimo cya mm 250 n’ubundi igwa mu duce tunyuranye tw’igihugu kuri uyu wa mbere.

Imyuzure n’inkangu byasenye ibikorwa remezo byinshi
Imvura imaze kugwa mi gihe kitarenze icyumweru ngo ikubye inshuro eshatu iyagwaga muri uku kwezi
Abatabazi barasiganwa n’igihe ngo batabare abari mu kaga
Bamwe amazi yarengeye inzu zabo basigara buriye ibisenge by’inzu bategereje ababatabara

BBC

UM– USEKE.RW

0 Igitekerezo

  • NYABUNA BURI WESE NAKORRSHE UBUSHOBOZI BWOSE AFITE,ATABARE ABO BANA B’IMANA BAGIHANZE AMASO UWABAGOBOKA.!!!!!

Subiza

Your email address will not be published. Required fields are marked *