• 14/12/2019 9:30 39

Jacques Tuyisenge yaguzwe Miliyoni 310Frw n’ikipe yo muri Angola

Umukinnyi w’umupira w’amaguru w’Umunyarwanda Jacques Tuyisenge yaguzwe ibihumbi 350 USD [arenga miliyoni 310 Frw] n’ikipe ya Petro Atlético yo muri Angola.

Jacques Tuyisenge amaze kwamamara mu karere

Uyu rutahizamu w’Amavubi wakiniraga Gor Mahia FC yo muri Kenya, uyu munsi yatangajwe nk’umukinnyi w’iriya kipe yo muri Angola izwi nka Atlético Petróleos de Luanda.

Tuyisenge Jacques wari usigaranye igihe muri Gor Mahia, yerekeje muri Petro Atlético imutanzeho ibihumbi 350 USD akazajya ahembwa ibihumbi 7 USD ari hejuru ya miliyoni 6.5 FRW.

Uyu mukinnyi wari umaze kubaka izina muri Kenya kubera ibitego yagiye atsindira Gor Mahia, abaye umukinnyi w’Umunyarwanda wa mbere uguzwe amafaranga menshi nyuma ya Muhadjiri Hakizimana waguzwe ibihumbi 300 USD na Emirates SC yo muri Leta Zunze Ubumwe z’Abarabu.

UMUSEKE.RW

Subiza

Your email address will not be published. Required fields are marked *