• 19/01/2020 9:31 41

IVUGURUYE: Abateye u Rwanda ni RUD-Urunana, bavuye DR.Congo baje gufata igihugu

*Bateye ari 45, abagera kuri 19 bahasize ubuzima, batanu bafatwa mpiri,
*Bamwe mu bafashwe “bashidikanya ku mutwe w’inyeshyamba barimo”, bakavuga ‘FDLR-RUD Urunana’

Amakuru mashya Umuseke ufite ni uko byamenyekanye ko abateye i Musanze mu mpera z’iki cyumweru dusoje atari FDLR ko ahubwo ari abo mu mutwe witwa RUD-Urunana (Rassemblement pour l’Unité et la Démocratie, RUD-Urunana).

Harakekwa ko bamwe mu bafashwe bavuga ko ari abo muri FDLR, babitewe n’igihugu ‘ubwoba bwo gufatirwa mu mabi’, cyangwa bakaba bari binjiye vuba muri uriya mutwe wa RUD-Urunana.

Bamwe mu bafashwe babwiye abanyamakuru barimo n’uwa Umuseke wari hariya i Musanze mu ijoro ryo ku cyumweru tariki 6 Ukwakira 2019, ko “binjiye mu mutwe wa FDLR-RUD Urunana,..” ariko uyu mutwe ntubaho! Habaho FDLR ukwayo na RUD-Urunana ukwawo.

Musanze – Mu masaha akuze y’ijoro kuri iki cyumweru, nyuma yo gushyingura inzirakarengane zishwe mu gitero cyagabwe n’aba bavuga ko barwanya Leta y’u Rwanda, herekanywe bamwe muri ‘izo nyeshyamba’ bishwe n’inzego z’umutekano ku bufatanye n’abaturage, abafashwe mpiri bavuze ko baje intego bafite ari iyo gufata igihugu.

Batanu bafashwe mpiri bavuze uko bacuze umugambi wo gutera u Rwanda

Bamwe mu bafashwe bagiye bivuga, harimo HAKIZIMANA Emmanuel uvuga ko ari umurwanyi wa FDRL,  ngo yagiyemo muri Werurwe 2018.

Theoneste HABUMUKIZA ni uwo mu Karere ka Burera ahitwa Rugengabari, afite impamyabumenyi y’Ikiciro cya Kabiri cya Kaminuza (A0), muri Business Administration, yinjiye muri uyu mutwe muri Uganda agiye gukorera impamyabumenyi ya Master’s muri  Kaminuza ya Makelele.

Yavuze ko yari amaze amezi 4 mu nyeshyamba z’umutwe FDLR RUD-Urunana (izi ntizibaho).

Inyeshyamba zafatiwe muri iki gitero, zivuga ko umwe mu bazohereje gutera u Rwanda azwi ku izina rya Governor, ariko akaba yitwa NSHIMIYIMANA Elia ngo ni uwo mu mutwe witwa RUDI-Urunana.

Bavuga ko babaga ahitwa Nyabanila mu Burasirazuba bwa Congo Kinshasa, ni ahitwa Binja.

Muri rusange bagabye igitero ari 45, bambuka bava muri Congo Kinshasa ku wa kane tariki 3 Ukwakira, ngo bazanye imbunda 38, zirimo izitwa mashinigani (machine gun) ebyiri

Bavuga ko n’ubwo baje ari 45, ngo hari abandi basaga 400 bagombaga kuza babakurikiye.

Imigambi yabo yarabapfubanye, mu gitero cyabo bishe abaturage b’inzirakarengane 14, ariko bo bicwamo 19 abandi batanu bafatwa ari bazima. Ubu abo batandatu bafashwe bari mu maboko y’inzego z’umutekano, igisigaye ni ugushyikirizwa urwego z’ubungenzacyaha.

Bemshi mu bateye abatagize amahirwe yo gufatwa ari bazima barashwe barapfa
Uyu akomoka mu Karere ka Gisagara
Theoneste HABUMUKIZA wo mu Karere ka Burera ahitwa Rugengabari
HAKIZIMANA Emmanuel wo muri FDRL yinjiriye muri Uganda

Thierry NDIKUMWENAYO
UMUSEKE.RW/Musanze

24 Ibitekerezo

  • IMBWA GUSA.Ngo gufata igihugu. Ndabona FDLR ibyayo byayirangiranye. Ushaka gufata igihugu aza yica abaturage se. Ko mbona se ari ingegera. Ndabona ari kuyisanga aho ari. UMUTWE W’ITERABWOBA NTUSHOBORA GUFATA IGIHUGU, ARE WE!!!!! B A R A B A B E S H Y E.

    • Muli Matayo 26:52,Yesu yavuze ko abantu bose bafata intwaro bakarwana,bazicwa ku munsi wa nyuma.Casimir Zao Zoba ati:”Semez l’amour et non la guerre mes amis” (Mwimakaze amahoro aho kurwana).Ntabwo Imana yaturemeye kwicana no kurwana.Ababikora baba bayobowe na Satani.Kimwe n’abajura,abasambanyi,abajura,etc…

  • Hhhhhh abantu 45 ngo bari baje gufata igihugu? Ubundi ngo ni ingabo za FDRL ariko ngo boherezwa mu Rwanda n’umuntu wo muri RUD Urunana, witwa Governor, iri kinamico hejuru y’ubuzima bw’abantu ryari rikwiye kurekeraho, for a good analyst there is something rotten and unclear. Umunyamakuru w’umuseke yareba neza ku rutonde rw’imitwe y’iterabwoba Amerika yasohoye (Foreign Terrorist Organizationz), arasanga haraho yibeshya kuko iyo fudereri ntayiriho kuko si umutwe Amerika yataho igihe, ni byiza kuduha amakuru mwagenzuye banyamakuru bacu.

    • Ariko ubu nkawe wiyita Kanimba uba utera iseseme mu biki? ngo ikinamico ngo ibiki! Nawe gira bwangu uze uzasanga ingabo z’igihugu zikwiteguye. Umukuru w’Igihugu yarababwiye ko mukinisha umuriro umunsi mwawegereye uzabatwika. Nawe nuza ntuzasubira iyo wavuye.

  • Nibatuze baze bubake igihugu kubushake naho urwanda nabanyarwanda tuzi agaciro kikigihugu naho cyavuye ntitwabakundira ko bagitoba baze kubushake dufatanye kucyubaka no kugiteza imbere

  • Kwibesha bibaho kbs ni bashaka baze kuneza kk ibyabo ntibizabakundira, Ahubwo se uretse ubwenge ntabwo, ufata igihugu aza yica abaturage, yazayobora bande se kd yabishe, ahubwo abo ningegeraaa.

  • Sha mureke mbahe inama mwebwe mushaka gutera u Rwanda. U Rwanda rurasharira k’uwurwigabije ariko kdi ruraryoshye ku banyarwanda bose.
    Mwatashye ku neza ko ibyo mushaka muruhira ubusa koko?

  • amaheru yabicanyi yica inzirakarengane ariko ibi nishyano rwose ubundi ko mbona musa ningegera murarwanira iki koko ahubwo muri kuza gutoba ibyiza tumze kugeraho. nge mbasabiye igihano kiruta ibindi mumategeko yurwanda gusa.

  • Mu buhamya batanze ngo bavuze ko bamaze kwiba no gusahura bajya mu ishyamba baricara ngo baruhuke!!!!! Ubwo se bagira ngo bubanze buke bagende habona? Abaturage bo bati: badukubitaga UDUSUKA banarwanira ibyo bamaze kudusahura!!! Abafashwe baratanga ubuhamya ukumva baravugamo FDRL, RUD Urunana, RNC, Uganda… Preuves Leta y’u Rwanda yari ikeneye z’uko uhanganye n’abaterabwoba zirabonetse. Ubwo bafashwe mpiri baraje bashinje bariya bose. Jye akabazo gato nibaza: kuki bariya bantu bishwe bashyizwe mu cyobo rusange aho gushyingurwa mu cyubahiro?

  • Ubu rero, leta nayo iraje izane izo nzererezi munkiko, bafungwe barye ibyacu, nimisoro yacu bishe abacu.., rwose Bigomba guhindukaa babice twese tureba birangire

  • Ingabo za Rusesabaswa zafashwe Matekwa nk’abatetsi b’ubunyobwa. Ashobora kubashakira akazi ko guteka, ariko ak’urugamba rwo rwose ntibagashoboye. Ingabire Victoire ngo arambiwe abica abantu. Nkeka ko ababonye abo ajya avugira bigatinda!!!!!!!!!!!!!!!!!!!!!!!!!!!!!!!!!!!!!!!!.; Ngiyo politiki yo mu bushorishori RUkokoma yashakaga gukopera kwa Mudacumura!!!!!!!!!! no kwa KIKWETE n’Imberakuri z’iyoooo………Rero ngo bafashe Nyungweeeeeeeeeeeee…..Icyambwira uko baje kuyirekura, niba barayisohotsemo cg niba barayihambwemo nk’uko babyifuzaga babyihanurira( Abahanuzi b’ukuri) bakaribwa n’ibyondi bayabanje kubahenera. Yarabashutse Callixte SANKARA, none ararya umuceri n’amandazi yigaramiye. iZO MU Minembwe inyinshi ziraribwayo n’inkongoro, naho izindi nazo zirarya umuceri muri gereza i Kigali. ABAYOBOZI B’IZO ZOSE BARI HE N’imiryango yabo? Abana babo??????????????????. Nimukomeze mubashuke muzahahabwa igihembo cy’ababyeyi b’ibisambo by’ibisahiranda by’ubwenge buke n’abicanyi. Nibarambeeeeeeeeeeeeeeeeeeehhhhhhhhhhh! Ngaha aho nibereye!!!!!!!!!!!!!!!!!.

  • Noneho ibimenyetso by’uko ibintu byagenze n’ababigizemo uruhare birabonetse. Byinshi cyane (trop de preuves).

  • Ibyo uvuga ni ukuri n’ange 2004 narafashwe mubacengezi ari ibyo nahimbiwe
    Ibyo nahuye nabyo!!!! ibaze nawekwa Gacinya hariya igikondo .

  • Ino operation ya bariya ba FDRL ndabona ijya kumera nk’imwe ya Bwindi. Abacurabwenge ba zombi batekereza kimwe.

  • Ese abakongomani bakoresha igifaransa burya nabo mitrailleuse basigaye bayita mashinigani? Icyongereza cyaratsinze!!

  • Jye nari nzi ko aba FDRL biganjemo abasirikare bahunze igihugu muri 1994 n’abavukiye mu mashyamba ya Kongo. None harimo n’abinjiye muri 2018 bavuye mu Rwanda na Uganda? Barimo n’abize za kaminuza!

  • @Bazabose, ndabona uzi byinshi cyane wadusangiza: Rusesabagina, Rukokoma, Ingabire, Kikwete, Sankara….. N’ubwo batavuzwe mu nkuru urabihuje birakunda kandi udapfundikanyije. Uzaba umutangabuhamya mwiza mu rubanza rwa bariya bantu bafashwe mpiri.

  • Ariko rero dukwiye no kujya dushyira munyurabwenge tukareba neza. Ubu koko abantu 45 baje gufata igihugu? Ntabwenge bagira bwo gutekereza c? Hari ibidasobanutse rwose.

  • Abateye ngo bamwe ntibazi n’umutwe babarizwamo!! Murakagira inkuru!
    Mwasetsa n’uvuye guhamba. Abanyarwanda duhorana udushya pe! Aho bishya bishyira haragaragara. Ari abazasubizwa muri gereza, ari ku kibazo cy’amakimbirane na Uganda, ari icy’imanza tumaze iminsi twumva…

  • Bimwe mu bitangazamakuru biti bafashwe mpiri n’ingabo z’u Rwanda zanishemo 19. Ibindi biti baguwe gitumo n’abanyakinigi. Comprenne qui pourra!

  • Uko murushaho gusobanura, niko ibintu birushaho kuba urujijo!! Ariko ikidashobora gusobanuka n’isegonda n’imwe, ni ukuntu abantu barimo n’abize bakoherezwa gufata igihugu ari 45 bitwaje imbunda mirongo n’udufuni kandi bakajya ku rugamba rwo gusahura no kwica abaturage aho kurwana. Ikindi kidashobora gusobanuka na busa, ni ukuntu abantu bagaba igitero nka kiriya barangiza bakicara mu ishyamba bakiruhukira batarasubira hakurya y’umupaka. Hari n’ibindi byinshi bidasobanutse ariko ibi byo ni agahonamunwa.

  • Banyamusanze izi nyangarwanda zabateye mwihangane ark nabo ntibizabagwa amahoro kuko ubumwe bwacu abanyarwanda buzadufasha kubarwanya

  • Kiriya gitero cyabereye rimwe na Rwanda Day yaberaga i Bonn. Ikomeza nk’uko bisanzwe, ndetse bayirangiza bibyinira bakora ubusabane, kandi hamaze gupfa abantu bangana kuriya mu gihugu. Ushaka ikimenyetso cy’uko icyo gitero kitigeze gihungabanya abayobozi bacu yahera kuri iyi fact.

  • Mu Rwanda tumurika mu ruhame imirambo y’abantu barashwe ukaba wagira ngo ni amasaro y’agaciro agurishwa.

Subiza

Your email address will not be published. Required fields are marked *