• 14/12/2019 10:35 44

ITANGAZO RIRANGISHA ABANTU BAGARAGARA KU IFOTO

Nyuma y’imyaka 25 ishize Jenoside yakorewe Abatutsi ibaye mu Rwanda, umufotozi witwa Jack Picone ukomoka muri Australia arasaba buri wese waba uzi aba bantu bagaragara ku ifoto kumuhuza na bo.

Ifoto yafotowe na Jack Picone winjiye muri Kigali aturutse mu gice cya Byumba, akanafotora ubwicanyi bwabereye muri Kiliziya i Rukara

Jack Picone yinjiriye ku mupaka w’u Rwanda na Uganda mu gihe ubwocanyi bwa Jenoside yakorewe Abatutsi bwari bumaze igihe gito butangiye muri Mata 1994, yabashije gufotora amatoto menshi ari y’icyo gihe, ari na bwo yafotoye iriya aho bigaragara ko ifoto yari yaguyeho ibitoryi by’amasasu.

Biragoye kumenya bariya bantu, ariko Jack Picone arasaba uwo ari we wese wamenya abo ari bo cyangwa abavandimwe babo baba bakiriho kumufasha kumenya amakuru yabo, n’uko yahura na bo.

Mushobora kwifashisha iyo nomero ya telefoni: 0782 717 226.

Iyi foto yafotowe na Jack Picone igaragaza agafoto kari katakaye kirunzeho ibitoryi by’amasasu yayifotoye mu nkengero za Kigali

2 Ibitekerezo

  • Umva mbese,yigeze se abatabara?ntiyuriye indege agasubira iwabo abandi bicwa?aba sibo batwaye n imbwa zabo bakanga guhungisha abantu?natureke agume mu bye nkuko nicyo gihe yabigumyemo.iyo mbona abazungu buzuye iki gihugu nakwibuka ko 1994 bahungishije n imbwa zabo bagasiga ababatakira kandi bari bafite uburyo bwo kubatabara none uyu munsi nkababona buzuye igihugu,kuki batagumye iwabo?urakira bakaza,wajya mu makuba bakibukako bafite iwabo.bajye bagumayo.baje kutwica nabari barokotse barabatwika abandi babagabiza interahamwe iyo bisesero.umuzungu niwe wazanye umwijima muri Afrika umugabane w umucyo.yazanye intambara,inzara,inzangano,ibyorezo,aho baciye hose ni imiborogo bahasiga,bajye baguma mu byabo.

  • ARIKO UBUNDI UBU NTIBABA BANADUSHINYAGURIRA? JYE IBI NTIBINEZEZA NA GACYE. NYUMA Y’IMYAKA 25 SE ARASHAKISHA ABANTU NGO BIGENDE BITE? NIBAGENDE BATUREKE!

Subiza

Your email address will not be published. Required fields are marked *