• 29/01/2020 4:05 06

Israel yaraye igabye ibitero ku birindiro bya Iran muri Syria

Ibiro by’umuvugizi w’ingabo za Israel bizindutse bitangaza ko mu ijoro ryakeye no mu rukerera rwo kuri uyu wa Mbere indege z’intambara za Israel zagabye ibitero ku birindiro by’ingabo za Iran biri muri Syria.

Israel yaraye igabye ibitero by’indege ku birindiro bya Iran muri Syria

Ni igitero cyari kigamije kwihimura ku bitero bya missiles ingabo za Iran ziherutse kurasa ku butaka bwa Israel bigamije kwangiza ibirindiro bya Israel biri muri Golan.

Israel ivuga ko yarashe ku birindiro by’ibgabo za Iran igamije gusenya ububiko bw’intwaro zayo buri mu gace gaturanye n’umurwa mukuru wa Syria, Damascus.

Muri aka gace kandi ngo niho hari ibiro bikoreramo urwego rw’ubutasi bwa Iran muri Syria.

Yeruzalemu ivuga ko itazihanganira umuntu uwo ariwe wese warasa ku butaka bwayo, urugero yabikoramo uko rwaba rungana kose.

Itangazo rya Minisiteri y’ingabo za Israel rigira riti: “ IDF yiteguye gusubiza uwayishotora wese n’uburyo yakoresha ubwo aribwo bwose kandi izakora igishoboka cyose irinde umutekano w’abaturage b’iki gihugu.”

Abasesengura uko ibintu bihagaze mu burasirazuba bwo hagati bavuga ko muri iki gihe Israel ihanganyikishijwe n’uko USA yimeje gukura ingabo zayo muri Syria, bikaba byaha urwaho abarwanyi ba Iran kuba bakwisuganya bagatangira kubangamira ubusugire bwayo.

Israel ivuga ko Iran ishobora kuzaboneraho uburyo gufata abarwanyi ba Hezbollah kubona intwaro zikomeye zabafasha kuyitera.

Igitero Israel yaraye igabye nicyo cya mbere ikoze kuva yabona umugaba w’ingabo mushya witwa Lt Gen  Aviv Kochavi wasimbuye Lt Gen Gad Einskot wacyuye igihe.

Umugaba w’ingabo za Israel agira manda y’imyaka ine ishobora kongerwa mu gihe runaka.

Ingabo za Israel kandi zigira ‘umuvunyi’ uba ushinzwe kureba intege zazo, agatanga inama aho bikenewe kandi akazivuganira cyane cyane kwa Minisitiri w’Intebe kuko ariwe Itegeko nshinga riha ububasha bw’Umugaba w’ikirenga w’ingabo.

Lt Gen Aviv ni umugaba w’ingabo za Israel wa 22 kuva iki gihugu cyabona ubwigenge muri 1948.

The Jerusalem Post

Jean Pierre NIZEYIMANA

UM– USEKE.RW

9 Ibitekerezo

  • ISRAEL yibuke ko na Russia iri muli Syria.Muribuka ko ISRAEL iherutse gutuma Syria ihanura indege y’Abarusiya,hakagwamo abasirikare bayo benshi.Bituma Russia iha Syria Missiles S-300 zihanura indege.Ikindi kandi,Russia isigaye ari inshuti ya IRAN.
    ISRAEL nikomeza kubacokoza,bishobora guteza intambara ya 3 y’isi natwe tugashira kubera ko noneho ibihugu byarwanisha atomic bombs.Nkuko byagenze ku ntambara 2 z’isi zabaye,akantu gato gashobora gutera intambara y’isi tugashira.

  • Muhumure nta ntambara ya 3 y’isi izaba, bariya bagabo bose bitwa ko bafite ibitwaro bya kirimbuzi bose baratinyana, naho kuvuga ko Iran ishobora gufatanya na Russia cg ibindi bihugu byose ntacyo byahindura kuko Israel iratinyitse nayo ubwayo, bariya barabu Israel imaze imyaka irenga 50 ibereka ko ishobora guhangana nabo, mwibuke la guerre de 6 Jours, de 7 jours, … gusa mbona la guerre froide yo izahoraho, kuko buri wese aba yivuga ibigwi kandi isi igeze aho buri wese areba inyungu ze n’izabaturage b’igihugu cye. Nta ntambara rero ya 3 izaba rwose muhumure, hazabaho kwivuga ibigwi, igihugu gisshatse kwigira ndi gabo bagicishe bugufi, ubundi habeho gushaka kwikubira ubukungu bw’isi, abandi nabo bashake kugabana ubwo bukungu nizo ntambar tuzahoramo. thank U

    • Ndasubiza wowe HABANA Eric.This is your “wishful thinking”.Abahanga benshi muli Politike na Gisirikare (senior military generals) bahamya neza ko nta kabuza intambara ya 3 y’isi iri hafi.Babiterwa n’ibi bitwaro bya kirimbuzi bikomeje kwiyongera kandi Amerika,China na Russia bakomeje gushotorana.Reba ukuntu China ishaka gufata ku ngufu Taiwan na South China Sea kandi ari International waterway.Wibuke ko Hitler yashoje Intambara ya 2 y’isi kubera ibitwaro bikomeye yari afite.PUTIN amaze kwerekana ibitwaro bya kirimbuzi yakoze bikomeye kurusha ibindi ku isi (Hypersonic Missiles),asigaye yirata kuli Amerika buri munsi ko akomeye kubarusha kandi nibyo.Ninde muntu numwe wari azi ko Russia yafata CRIMEA ku ngufu kandi yari iya Ukraine?Ubu bwirasi no gupingana,nibyo bizateza intambara ya 3 kandi si kera.Gusa nanjye nemera ko Imana izadutabara igatwika biriya bitwaro byose.

  • Nanjye ndemera ntashidikanya ibyo ba Mugisha Peter na Gisagara bavuze.Dore ahantu hashobora kuzateza intambara ya 3 y’isi nkuko experts bavuga:Syria,Ukraine,Baltic States,Taiwan,North Korea na South China Sea.Akantu gato ruzahita rwambikana,noneho bakoreshe atomic bombs dushire twese,isi ibe umuyonga.Kereka wa mugani Imana nidutabara nkuko bible ivuga.Ngo izatwika biriya bitwaro byabo kuli Armageddon.

  • hahah biriya bitwaro byose bazabisenya bimaze kuba experer nta ntambara 3 muvuga izabaho na rimwe niba izaba kandi tuyirimo y’ubukene n’ubukungu bihanganye naho ibyo bitwaro bizarindimua ejobundi uzaba wirebera nonese ninde wanze kubaho muri bariya bose ibimiriyoni babaitse utekerezako babihara wapi sha ni mwiririre za congo na za burundi za soudani naho abazungu baraduheneye mubaveho

  • Ntinkumunsi twisubijemail kivu zacu nakaragwe uwangira president nahita nzisubizaho

  • kubera iki israel itajya gutera iran iwabo??? niba ari abagabo. abahanga berekanye ko israel idafite ubushobozi bwo gutera iran iwabo. kuko na za nganda za nuclaire iran ifite ziri kuri metero 8 mubutaka kandi israel ikaba idafite missile zasenya ikintu kuri metero 8 munsi y ubutaka. israel nta mupaka ifitanye na iran kuburyo ishoyeyo intambara y indege zagerayo zibanje guca syria aho iran yaba yamaze kwitegura. ikindi israel ituranye na hezbolah muri 2015 yari ifite missile 13.000. zose bazirashe kuri israel, ntiyabona uko zose izigarura naza missile anti missile.

  • umwanzi ukomeye wa iran ni israel niyo mpamvu iri kugerageza kugira ibisasu bya kirimbuzi kubera umutekano wayo no kwanga agasuzuguro k abanya israel.

  • Jimmy Ntabwo uzi amateka.Usome neza ibyabaye mu ntambara y’iminsi 6 uramenye icyo Israël ari cyo. None se i Kampala muri Uganda hegereye umupaka wayo.Nakumenyeshaga ko mu bihe bitandukanye Israël yagabye ibitero by’indege muri Iran,Irak n’ahandi.

Subiza

Your email address will not be published. Required fields are marked *