• 19/01/2020 8:12 36

Israel Mbonyi afite ibibazo byinshi byo kuzabaza Don Moen

Umuririmbyi w’ indirimbo zo kuramya no guhimbaza Imana Israel Mbonyi wasohoye indirimbo nshya yise ‘Nkwiye kurara Iwawe’ yabwiye Umuseke ko afite ibibazo byinshi ashaka kuzabaza Icyamamare mpuzamahanga Don Moen bazahurira mu gitaramo.

Israel Mbonyi ngo siwe uzabona ahuye na Moen ngo agire icyo amwibariza

Uyu muhanzi uri mu bakunzwe cyane mu bakora injyana ya Gospel yasohoye indirimbo nshya yise ‘Nkwiye kurara Iwawe’.

Ngo amagambo ayirimo ni ayo muri Bibiliya yakoreshejwe na Yesu ubwo yasabaga uwitwa Zakayo ko ashaka kurara iwe.

Ati “ Ikubiyemo amagambo Yesu yabwiye Zakayo wari umukoresha w’ikoro akaba umunyabyaha ariko kubera inyota yarafite yo kureba Yesu byatumye amubwira ngo namanuke amusange aho ari  kuko uyu munsi ariburare iwe.”

Uyu muhanzi ngo muri uyu mwaka azakomeza kwamamaza inkuru nziza y’ agakiza abinyujije mu ndirimbo ahimba.

Uyu muhanzi kandi yanakomoje ku cyamamare Don Moen bazahurira mu gitaramo kizaba mu kwezi kwa Gashyantare.

Ngo asanzwe amukunda cyane nagira amahirwe yo kubona umwanya wo kuganira nawe ngo afite ibibazo byinshi yateguye byo kuzamubaza.

Ati: “ Ndamukunda cyane ningira amahirwe yo kuganira nawe nateguye ibibazo byinshi nzamubaza gusa kuri njye bizaba ari iby’ agaciro guhurira nawe mu gitaramo kimwe.”

Don Moen ni umwe mu bahanzi bahimbaza Imana bakomeye ku isi

Bonaventure KUBWIMANA

UM– USEKE.RW

Subiza

Your email address will not be published. Required fields are marked *