• 09/12/2019 8:18 55

Ishyari riri mu banyafurika ntiryatuma ubushomeri bushira- Dr Apôtre Gitwaza

Umushumba w’Itorero Zion Temple Celebration Center, Apôtre Dr Paul Gitwaza avuga ko ikibazo cy’abashomeri cyugarije afurika giterwa n’ishyari riri mu batuye uyu mugabane.

Gitwaza avuga ko ishyari riri mu banyafurika hari byinshi rituma batageraho

Dr Apotre Gitwaza avuga ko uko imibereho y’Abatuye Isi ikubiye mu ngeri eshatu we yagereranyije n’ibyobo bitatu.

Icya mbere ngo ni kirimo abantu bari kurira ngo basohoke bakibaza ngo “barasohoka bage he, barahekana bagasohoka ugeze hejuru agatega ukuboko agakurura abandi ababashije.”

Avuga ko ubutwari nk’ubu bukunze kugirwa n’Abayahudi n’Abanyamerika kuko “Umuyuda ukize agurira bene wabo.”

Avuga ko icyobo cya kabiri kirimo abakora bashaka uko bakivamo “Yakivamo agasiga agipfundikiye.”  Avuga ko aba bantu ari abanyaburayi.

Icyobo cya gatatu akigereranya n’Abanyafurika batifurizanya gutera imbere ku buryo buri wese akurura yishyira ariko atifuza ko mugenzi we hari intambwe atera.

Ati “Iyo umuntu atangiye kwegura umutwe ngo azamuke abandi bamuvugiriza induru bakamumanura bakamukandagira.”

Avuga ko imyumvire nk’iyi ikomeza gutsikamira iterambere ry’umuntu ku buryo n’umuntu ufite ubumenyi bwo kuba yagira icyo yikorera adashobora kubona umutera inkunga.

Ati “Rero ntabwo ubushomeri buzashira, abana bashaka kuva mu cyobo tubakandagira.”

 

Kuki ‘nta muhanuzi iwabo’ yimitswe muri Africa?

Yagarutse ku ngero z’ibikunda kugaragara ku mugabane wa Africa nko kuba hari umuntu ushobora gutangiza umushinga uciriritse aho kugira ngo bagenzi be bamutera ingabo mu bitugu ahubwo bakamukwena.

By’umwihariko ngo iyo ari mu bucuruzi ntibashobora kumuha icyashara ahubwo bakarenga bakajya kugiha abanyamahanga. Ubwa wa mugani ugira uti ‘nta muhanuzi iwabo’.

Ati “Nk’ubu nkoze ibirahuri nkabicisha kuri Televiziyo ngo nakoze ibirahure mwese mwaseka  ngo nta kirahure kirimo mu kajya kugura iby’abashinwa kandi nanjye mbifite  ariko mukabisuzugura bitewe n’aho naturutse.”

Yitanzeho urugero rw’indirimbo yahimbye zigera mu 120 ariko benewabo bakarenga bakajya bacuranga iz’Abanya-Tanzania aho kuririmba ize nk’umunyarwanda mwenewabo.

Ati “Umunyafurika iyo mugenzi we ateye imbere agira ikibazo k’imbaraga ashora mu kumurwanya aramutse azishoye na we mu kubaka yatera imbere.”

Avuga ko umuntu ashobora kuvumbura ikintu gishobora kumuteza imbere kikaba cyanateza imbere igihugu.

Ati “Dufite abantu bafite ibitekerezo ariko ntababashyigikira kuko uberekereye n’inzira byabafasha naho ubona akayira arakaziba na we ejo kakazagupfana ariko iyo mufatanyije ibintu mubigeraho.”

Agaragaza ko mu bihugu byateye imbere, haba umuco wo gufashanya ariko na none ufite igitekerezo atafite ubushobozi bwo kukibyaza umusaruro ashobora kukigurisha n’ibigo bikomeye akabyungukiramo n’igihugu kikabyungukiramo.

Ati “Tugiye duhuza abashomeri n’abakire dufite bakegera abarangije za kaminuza  bafite ibitekerezo bakabafasha kubibyaza umusaruro twagera ku bintu bikomeye.”

Josiane UWANYIRIGIRA
UMUSEKE.RW

8 Ibitekerezo

  • Murakoze Apotle Paul GITWAZA, turemeranya 100%. Ubu hari ikibazo cyo kurogana mu miryango kubera ishyari, nimubona akanya muzakivugeho nacyo kansi mugisengere. Hari abantu benshi bahunze imisozi bavukaho kubera ibyo.

  • Dr Gitwaza sindi umuyoboke we ariko mukundira ikintu kimwe “Avugisha ukuri” ngewe nafatanije n’umuntu company iciriritse ariko kuko igitekerezo cyari icyange hari ahantu nimukiye vuba. Kavukire zaho zegereye uwo twakoranaga zimubwira ko umwimukira atakamurushije gutekereza! mubyukuri twarungukaga kuko nari mbifitemo experience yarabyutse afunga office na stock. Naramubajije nti bite? ati uzaze umpfukamire ubundi tuzongera gukora mbishatse. nategereje 3 months njya muri RDB nitangiriza business yange bigoye ariko amafr amaze gukoresha andwanya yakubaka nka Poste de sante kugeza ubwo atangiye kugurisha fixed asset! Dr rero we are africans kandi dutewe ishema no kuba bo ni uko turemye nyine

  • Iyo mwandika Dr bivuzeko uyu mugabo ari dogiteri cyangwa nibya bindi by’abakongomani biyita amazina bishakiye?

    • Nkubwo bigutwaye icyi kuba ari Dr niryashyari bariho bavuga ubwo muriweho wumva kuba Dr arigitangaza kuburyo watinda ubyibazaho Kurusha kwibaza kubyo yatubwiye..hhhhh Mana Tabara

  • Uyu Mugabo numuhanga cyane sincobora gutinya kuvuga yuko arimubanyabitecyerezo Igihugu jyifite.. Uko birikose wanze kwiteranyiriza ubusa uvuga abanyafrika ariko ahari Afrika njye nahashyize izina Rwanda kko abanya Rwanda bariho ubu bafitaniranye ishyari ntarabona icyibabaje muribyo nuko byiganje mumiryango yakabaye ubundi ifatanya igashyira hamwe.. Wakoze rwose Dr Imana Iguhe imigisha.

  • Ndabona Gitwaza yatinye kuvuga ko ari abanyarwanda, abyita abanyafrica muri rusange. Mu Rwanda birakabije. Uhimba akabusiness umuntu akaguhombya kabisa ubireba. Ishyari ritugeze habi.

  • Nanjye nkunda Dr. Gitwaza n’inyigisho ze no muri iriya aricle harimo bimwe by’ukuri. Ariko hakwiye inyunganizi kuko biriya byaba ari analyse monolithique : gushyira abantu mu gitebo kimwe. Ubwo yabaye Dr. Akwiye kwibuka amategeko ya methode scientifique. Nta hantu nahamwe haba ajabu cg abeza gusa, absnyeshyari cg abafafashanya gusa. N’Abayahudi azakurikirane arebe no muri Bibliya. No mu Rwanda hari abeza bitangira bandi. Urugero ruri hafi ni Nyakubahwa umukururu w’igihugu cyacu kimwe n’abamukurikiye ku rugamba. Wazabaza abafashwa mu gihugu, imfubyi n’abaofakazi, urubyiruko akangurira kwiteza imbere…

  • Isi yahinduwe mbi na satani ,niyo mpamvu abantu twuzuye ibibi kurusha ibyiza.

Subiza

Your email address will not be published. Required fields are marked *