• 24/01/2020 7:24 48

INTERVIEW: Kimenyi Yves yababajwe cyane na Sarpong none ubu ni we umushimisha muri Rayon Sports

*Kwirukanwa muri APR FC yari amazemo imyaka 5 byaramutunguye,
*Ubu yabonye undi mukunzi nyuma yo gutandukana n’uwo bari bacuditse,
*Kimenyi arasetsa, ngo yibuka ko yabeshyeye mushikiwe aganirwa ikosa we yari yakoze.

Umuseke wagiranye ikiganiro kihariye na Yves Kimenyi wahoze muri APR FC ubu akaba ari umukinnyi wa Rayon Sports, arifuza ko izi kipe zikina kandi uwo mukino na we akawukinamo. Kuri we ngo ni umukino uzaba uteye ubwoba.

Kimenyi Yves mu mikino ya Cecafa Kagame Cup 2019 yabanzaga mu izamu rya Rayon Sports

Kimenyi Yves yavutse tariki 13-10-1996, avukira mu Karere ka Kicukiro ahitwa Kicukiro Centre.

Kimenyi Yves  yazamukiye muri ASPOR itoza abana ikaba ikinira Kicukiro muri Eto, yatangiye gukinira APR FC muri 2014, ubu akinira Rayon Sports.

Yatangiye gukina umupira w’amaguru ari Rutahizamu (Attaquant) ubu akina arinda izamu aho kurisatira.

 

Kurikira ikiganiro kirekikire Umuseke wagiranye na Kimenyi Yves

Umuseke: Twishimiye kugutumira mu kiganiro cy’umwihariko na Umuseke

Kimenyi Yves: Murakoze cyane nange ndabyishimiye ko mwantumiye nk’Umuseke.

Umuseke: Ibyo gukina umupira wabitangiye ryari?

Kimenyi Yves: Oooohhhh! Iby’umupira navuga ko ari impano yo mu muryango, ahubwo natinze kuwinjiramo kuko namenyekanye nyuma ariko natangiye gukinira kwa John mu ikipe yari afite y’abana.

Umuseke: Iyo uvuze ko ari impano yo mu muryango ni bande bakinnye umupira w’amaguru mu muryango wanyu?

Kimenyi Yves: Eeeee! Hari marume witwa Rutabingwa yakiniye Rayon Sports, na Data yakinnye umupira w’amaguru yitwaga Hategekimana Diedonne yakiniye Rayon Sports igihe kirekire ariko yanakiniye Kiyovu Sports.

Umuseke: Ubwo noneho wakiniye APR FC kubera akazi ubundi wari umu Rayon?

Kimenyi Yves: [Mu gitwenge kinshi] Ati “Oya! Ibyo ni wowe ubuvuze!”

Umuseke: Utaraba umukinnyi wasimbutse Stade ushaka kureba umukino runaka w’Ikipe zahuye?

Kimenyi Yves: Yego byambayeho cyane nta muntu wakinnye umupira wavuga ngo ntabwo yabikoze. Ngewe byambayeho kenshi kuko navaga Kicukiro Centre nkajya kureba umukino wa APR FC na Rayon Sports. Kenshi narebaga uwo mukino nasimbutse Stade nk’abandi bana bose!

Umuseke: Wakuze ukunda abahe bakinnyi hano mu Rwanda?

Kimenyi Yves: Nakuze nkunda umukinnyi Jimmy Gatete, Karekezi Olivier na Jimmy Mulisa.

Umuseke: Wahamagawe bwa mbere mu Ikipe y’Igigugu ryari?

Kimenyi Yves: Nahamagawe bwa mbere mu ikipe y’Igihugu Amavubi muri 2017.

Umuseke: Umutoza wakugize Kimenyi Yves tubona mu izamu ni nde?

Kimenyi Yves: Burya umuntu ajya kuba umukinnyi uzwi aciye mu batoza batandukanye kandi bose hari ubumenyi umuntu abakuraho, gusa ndashimira cyane Umutoza Jimmy Mulisa, Mugisha Ibrahim umutoza w’abazamu ba APR FC ndetse n’umutoza Mateso Jean Dieu wo muri As Kigali.

Umuseke: Waba wibuka umukino wa mbere wakinnye APR FC wakiniraga yahuye na Rayon Sports?

Kimenyi Yves: Ndawibuka cyane, ni Derby icyo gihe yabereye kuri Stade ya Kigali i Nyamirambo. Uwo mukino twaranganyije 1-1 icyo gihe nabaye umukinnyi mwiza w’umukino.

Umuseke: Umukino mwatsinzwe ukababara cyane ni uwuhe, uri muri APR FC no mu Ikipe y’igihugu Amavubi?

Kimenyi Yves: Ni umukino wa As Muhanga na APR FC. Uwo mukino warambabaje cyane ndetse n’uwo APR FC yatsinzwemo mu Gikombe cy’Amahoro na As Kigali, ni imikino yambabaje cyane. Mu ikipe y’Igihugu umukino wambabaje cyane ni uwa Centre Africa wabereye i Huye.

Umuseke: Kwirukanwa muri APR FC wabyakiriye ute?

Kimenyi Yves: Byarantunguye cyane kuko ni ibintu byabaye tuvuye mu myitozo, twese byaradutunguye birumvikana ahantu umuntu yabaye imyaka itanu ntawumvaga ko yakwirukanwa kuriya.

Umuseke: Ibyakubayeho muri APR FC byagusigiye irihe somo?

Kimenyi Yves: Byansigiye gukunda akazi kange kandi nkagakorera igihe cyose nzaba ndi mu kibuga nzakora nitanga kandi byanyigishije ko isaha n’isaha ibintu bishobora guhinduka.

Umuseke: Kuva wagera muri Rayon Sports ni abahe bakinnyi bamaze kugushimisha kurusha abandi?

Kimenyi Yves: Michel Sarpong na Jules Ulimwengu

Umuseke: Inzozi zawe ni izihe mu mupira w’amaguru?

Kimenyi Yves: Ni ugukina hanze y’igihugu nkaba umukinnyi wabigize umwuga, ikindi ni uko nshaka kwereka ikipe yange ubungubu ko kungura batanyibeshyeho ko ahubwo nshoboye.

Umuseke: Igitego watsinzwe kikakubabaza ni ikihe?

Kimenyi Yves: Ni igitego natsinzwe na Michel Sarpong cya penariti ku munota wa nyuma APR FC ikina na Rayon Sports tariki 20/04/2019.

Umuseke: Ni irihe kosa wibuka wakoze ukiri umwana?

Kimenyi Yves: Aaaaaa! Paul urantunguye, ariko nk’uko ubizi nawe ntamwana udakora amakosa, rero kera Mama yatuguriye kamambiri nge na mushiki wange, izange mpita nzambara nkora ikosa nzikinisha umupira ngira ibyago ziracika mbeshyera mushiki wange ko ari we wazambaye zikamucikiraho, mama ahita amukubita!

Umuseke: Wakundanye n’abakobwa bangahe kugeza ubu?

Kimenyi Yves: Nakundanye n’abakobwa batatu kugeza akakanya, ariko uwo turi kumwe nzamuvuga igihe kigeze.

Umuseke: Ukunda umuziki? Ukunda iyihe njyana?

Kimenyi Yves: Nkunda umuziki cyane, nkunda injyana ya Hip Hop.

Umuseke: Nyuma y’umupira w’amaguru ni uwuhe mukino wundi ukunda?

Kimenyi Yves: Nkunda umukino wa Basketball.

Umuseke: Ukurikirana politiki, ni abahe ba Perezida ukunda kurusha abandi. Tubwiremo batatu?

Kimenyi Yves: Uwambere ni Perezida Paul Kagame, John Pombe Magufuli na Uhuru Kenyatta.

Umuseke: Ugira Manager?

Kimenyi Yves: Oya! Manager wange ni Ikipe yange nkinamo, ubu uyu munsi ni Rayon Sports.

Umuseke: Ikinyamakuru Umuseke kiragushimiye umwanya wagihaye mukaganira.

Kimenyi Yves: Namwe ndabashimiye umwanya mwampaye tukaganira.

Umukino APR FC iheruka gukinamo na Rayon Sports ngo Sarpong yababaje cyane Yves Kimenyi ariko ubu ari mu bamushimisha mu ikipe ya Rayon Sports
Didy D’Or wakundanye na Kimenyi Yves bakaza gutandukana bigenze nabi ngo yamaze kubona umusimbura mu mutima we
Kimenyi Yves n’abana abereye nyirarume yaganiriye n’Umuseke ku mukino wa gicuti uheruka guhuza Police FC igatsinda 3-1 As Kigali

Jean Paul NKUNDINEZA
UMUSEKE.RW

4 Ibitekerezo

  • Uyu musore ukomoka kuri centre ya Kicukiro buriya yitoreje muri ETO ahazwi kuri Tapis Rouge.

  • Umusore wabukiye akanakurira Kigali akaba adasiramuye koko muri iyi vision turimo. Ni akumiro pe

    • Ikibazo kirihe se? nanjye ntabwo nsiramuye kandi navukiye i Kigali ndanahakurira. Ushatse kuvuga ko kariya kantu wavukanye ko imana yagashyizeho yibeshye se? Ibintu byose byabaye mode ingaruka bizabagiraho nzaba ndeba.

  • Ndasubiza uwitwa cg uwiyise Keza, kuki abantu bagira imyumvire iciriritse koko? nkuko Pierre yabikubwiye ndakumenyesha ko nanjye ntasiramuye kandi iyo Kigali uvuga nayivukiyemo ndetse nyikuriramo 100%. Hari ibintu benshi mugenderaho mutazi niyo byavuye…ngo byazanywe n’idini runaka…..ngo ntiwandura Sida,…..ngo na Yezu/Yesu yari asiramuye….ni nde wakubwiye se ko Yesu yasiramuwe? wari uhari? ngo harya bituma utandura Sida……bangahe se hanze aha bari mu miti kandi basiramuye ? abandi ngo biryoshya imibonano mpuzabitsina…..binyuze mu zihe nzira se? ahubwo ko umuntu bavanyeho kariya gahu atuma umugore atumva wa mubyimba w’agahu ngo umuryohere…….ahubwo se waba uzi akamaro ka kariya gahu mu mibonano mpuzagitsina? ba sogokuruza se ko babaga badasiramuye byababuzaga gushimisha abagore babo ndetse no kurusha ab’ubu basiramuye? byababuzaga se ahubwo kubaka ingo zikomeye kurusha mwe musiramuye? ubwenge bwose usanga twarabushyize mu gitsina aho kubugumisha mu mutwe aho buba!!

Subiza

Your email address will not be published. Required fields are marked *