• 16/12/2019 9:07 12

Intambara hagati ya Israel na Palestine muri Gaza yubuye

Byatangiye ku wa Kabiri taliki 12, Ugushyingo, 2019 ubwo missile zavaga muri Gaza zatangiraga kuraswa muri zimwe mu Ntara za Israel. Hari hashize igihe gito Israel yishe umwe mu bayobozi b’ingabo za Hamas Abu al-Ata hamwe n’umugore we. Kuva imirwano yatangira harabarurwa abantu 29 bamaze gupfa harimo abana, abagore n’abageze mu zabukuru.

Indege z’intambara za Israel ziri kurasa ibisasu muri Gaza

Abitegereza uko ibintu bihagaze muri iki gihe muri kariya gace k’isi kazahajwe n’intambara guhera mu myaka ya 1940, bavuga ko imirwano iri kuhabera ishobora kumara igihe runaka itarahagarara.

Ku wa Kabiri w’iki Cyumweru Minisitiri w’intebe wa Israel Benyamini Netanyahu n’umugaba mukuru w’ingabo se Lieutenant General Aviv Kochavi bahaye abanyamakuru ikiganiro bavuga ko igihugu cyabo kigiye kugaba ibitero byo kwihimura kuri Gaza.

Nyuma y’ibitero by’ingabo za Israel zirwanira mu kirere kuri uyu wa Gatatu umutwe wa kisilamu witwa Palestinian Islamic Jihad wasabye ko habaho ibiganiro by’amahoro ariko Israel ntiragira icyo isubiza kuri ubu busabe.

Ubutegetsi bw’i Yeruzalemu buvuga ko kuva ku wa Kabiri kugeza kuri uyu wa Kane ibisasu byo mu bwoko bwa rocket 360 bimaze kuraswa ku butaka bwa Israel biturutse muri Gaza.

Ngo 90% yabyo yaburijwe n’intwaro za Israel zishinzwe gusenya ibisasu bikiri mu kirere.

Israel yemeza ko kuva imirwano yatangira yise abarwanyi b’uriya mutwe yita uw’iterabwoba 20.

N’ubwo hari intumwa ya UN iri mu Misiri kugira ngo irebe uko yakomakoma impande zombi kugira ngo zihagarike imirwano, hari abahanga bavuga ko bizagorana kubera inzika yari imaze igihe hagati ya Israel n’abarwanyi b’abanya Palestine bakorera muri Gaza.

Intambara yeruye hagati y’impande zombi yaherukaga muri 2015 ubwo Israel yagabaga ibitero muri Gaza mucyo yise ‘Operation Protective Edge’.

Igitera abantu impungenge ni amagambo aherutse kuvugwa na Minisitiri w’intebe wa Israel Netanyahu wavuze ko niba ibisasu biraswa ku gihugu cye bikomeje kuharaswa, ‘ingabo ze zizihorera nta mbabazi.’

Umuvugizi w’abarwanyi bo muri Palestine bamaze iminsi barasa kuri Israel witwa Musab al-Barayem nawe yavuze ko muri iki gihe nta biganiro bakeneye kugirana na Israel nyuma y’uko yishe umwe mu bakuru babo.

Kuva muri 2008 kugeza 2019 Israel n’abarwanyi bo muri Gaza bamaze kurwana intambara eshatu zikomeye.

CGTN

Jean Pierre NIZEYIMANA

UMUSEKE.RW

 

7 Ibitekerezo

  • bariya banyepalestine bafashwe bugwate na Iran ibinyujije muri HAMAS na HEZBOLLAH. Bazakomezwa bicwe bazira ubujyinga bwa ziriya ntagondwa zivuga ko zidashaka ko Israel ibaho. Israel nta kundi yabigenza igomba kwirwanaho.

    • Uzareke amaranga mutima uvuge ibyo uzi neza. Buriya butaka n ubwabanyapelestina. Biblia n igitabo cyanditswe n abisiraherli bacyandikamo mateka yabo. Amateka igihe cyose abantu bayiyandikiye ari ayabo bakurura bishira. Uzanakurikirane abo bita aba nya canani abo aribo. Nubamenya bizagufasha gusobanukira ibya kariya karere

      • wowe ibyo uvuga ubikura he ko Bible yanditswe n’abanya Israël?Nta soni kweri jya mubanza mumenye amateka mbere yo kuyasesengura

  • Ibyo ISRAEL ikorera Palestinians ni urugomo rukabije.Ikwiye kugabana nabo buriya butaka,ndetse bakagabana n’umujyi wa Yerusalemu nkuko United Nations Resolution nomero 181 yo mu mwaka wa 1947 ivuga.Ibyo kuvuga ko ari “ubwoko bw’Imana” sibyo.Kera koko,Imana yirukanye abaturage bali batuye kiriya gihugu (CANAAN),igiha Abayahudi ibakuye mu Misiri,ahagana mu mwaka wa 1450 mbere ya Yesu.Ariko kubera ko banze kumvira Imana,ndetse yakohereza Umwana wayo YESU nawe bakamwica mu mwaka wa 33 Anno Domini,byatumye ibakuraho amaboko.Ikindi kandi,nubwo Israel izi kurwana,Imana irabitubuza,ndetse ikavuga ko abantu bose barwana izabica ku munsi wa nyuma.Bible isobanura Impamvu kera Imana yemereye Abayahudi kurwana.Nkuko tubisoma muli Gutegeka/Deuteronomy 20:17,18,Imana yagirango “birukane Canaanites”,kubera ko basengaga ibigirwa-mana.Ariko Yesu aje ku isi,yahinduye ibintu.Yasabye abakristu nyakuri kutarwana,ndetse bagakunda n’abanzi babo.Muli make,hari amategeko yarebaga gusa Abayahudi,ntabwo areba Abakristu nyakuri.Urugero,Imana yategetse abagabo b’Abayahudi bose gukebwa.Ariko Isezerano Rishya rivuga ko gukebwa atari itegeko k’umukristu.It is facultative.

    • IIbyo uvuga nibyo.Abazi amateka bemeza ko buriya butaka bapfa ari ubwa Palestine kandi kuba Israel ifite imbaraga ndetse inashyigikiwe n’abandi bazungu bagenzi babo ntibisobanuye ko irwanira ukuri. Kandi Imana ntibikunda ko abantu barwana cyane cyane abarwanira ibinyoma

  • kubita abajinga mubarase byenyewe arintambabazi

  • wowe ibyo uvuga ubikura he ko Bible yanditswe n’abanya Israël?Nta soni kweri jya mubanza mumenye amateka mbere yo kuyasesengura

Subiza

Your email address will not be published. Required fields are marked *