• 15/12/2019 6:04 48

Imodoka z’abayobozi bari bakomeye mbere ya Jenoside zishobora kuzaza muri Shyuha

Ibirori byo kumurika imodoka zihariye bizwi nka ‘Shyuha Auto show’ bizatangira ejo, muri uyu mwaka ngo haziyongeramo udushya twinshi haba akarasisi kazo ndetse no gukoresha zimwe mu modoka zagendagamo abayobozi bari bakomeye mbere ya Jenoside.

Imodoka zo ha mbere kimwe mu byo bazibandaho uyu mwaka

Shyuha Auto show igiye kubaho ku nshuro ya gatatu, yitabirwa n’imodoka zinyuranye zitwawe n’abahanga mu kuzikata mu buryo buzwi nka ‘Drift’.

Uyu mwaka ngo hiyandikishije n’abanyamahanga biganjemo abo muri Afurika y’Epfo, DRC, Kenya n’ahandi hamwe nabamenyerewe mu masiganwa y’imodoka (Rally).

Paul Bakuru ukuriye iri serukiramuco yavuze ko icyo bagamije ahanini ari uguhuza abantu bakunda imodoka no kugirango bafashanye niba hari ukeneye igikoresho k’imodoka arebe mugenzi we kimwe no kwibuka amateka yiza kera n’umwihariko wazo.

Mu dushya bafite uyu mwaka ngo ni uko rizaba iminsi ibiri kandi mbere y’uko batangira ngo izo modoka zose zizabanza zikore akarasisi muri imwe mu mihanda ya Kigali.

Ati “ Twabisabye Polisi ko bazaduha imwe mu mihanda yo muri Kigali tukava ahantu runaka n’imodoka twerekeza kuri Stade Amahoro I Remera ahagomba kubera ibirori.”

Abantu bafite imodoka zizakoreshwa ngo bazaziraza kuri Stade Amahoro kugirango barare bateguye ibintu byose mu rwego rwo kwirinda akavuyo no kumenya uko bazazikoresha.

Bakuru yavuze ko mu modoka zizagaragara kuri uwo munsi hashobora kuba harimo zimwe mu zatwaraga abayobozi bo ha mbere ni zigezweho muri iyi minsi.

Ikindi ngo ni uko bari kuvugana n’ikigo cy’igihugu kiterambere (RDB) ngo barebe ko iri serukiramuco ryashyirwa ku ngengabihe ikurura ba mukerarugendo.

Mu rwego rwo gususurutsa abazitabira Shyuha Auto show ngo hazaba hari aba Djs bavangavanga imiziki barimo Dj Marnaud, Dj Toxxyk, Dj Break na Dj Lou.

Ibirori bizaba taliki ya 27 Nyakanga 2019 bibere kuri Stade amahoro guhera ku isaha ya saa sita z’amanywa.

Bukuru Paul uri hagati ni umwe mu bakuriye Shyuha Auto Show

Bonaventure KUBWIMANA
UMUSEKE.RW

5 Ibitekerezo

  • Imodoka zabayobozi bari bakomeye mbere ya jenoside se ubwo nizabande? Iza Habyarimana se? iza Muvoma se? iza Nsekalije se?

  • noneho bajya bavugwa mu bintu bisa naho bitari ibya Jenoside

  • None ko bavugako basize basahuye igihugu, izomodoka zivuye?

  • ubutaha ntibazibagirwe TOYOTA STAOUT 2200 MAJIGO
    IYI modoka ifite amateka kuko nizo ba sogokuru bagendagamo barya isi bihagarariye inyuma muri karisoro

  • Ndibuka BENZ JEEP ya Nsekarije Aloys abandi bagendaga muri Peugeot 504 na Habyarimana yagendaga muri BENZ Voiture yakazi ajanitwara muri RANGE-ROVER undi wari ufite imodoka nziza ni Prefnt Zigiranyirazo yari PAJERO na Benz yagendwaga mo na Majyambere Silas ari Prezida wa Chambre du Comerce plaque yanditseho PREZIDA

Subiza

Your email address will not be published. Required fields are marked *