• 18/01/2020 2:00 35

Imitwe ibiri y’inyeshyamba z’Abarundi iri kurwanira muri DRC

Imirwano yatangiye ku Cyumweru hagati y’inyeshyamba z’Abaraundi ziyise Red Tabara n’Imbonerakure muri gace kitwa Murambi gaturanye na Kiryama muri Ntara ya Uvira imaze guhitana kugwamo abantu umunani. Utu duce turi kuberamo iriya mirwano duherereye mu Ntara ya Kivu y’Amagepfo muri Repubulika iharanira Demukarasi ya Kongo.

Itangazo ryasohowe n’umwe mu bavuga rikijyana muri kariya gace witwa Enoch Ruberangabo Sebineza rivuga ko abatuye agace ka Murambi ubu bamaze kuva mu byabo bahunga, bamwe bakaba bari mu ishyamba rya Rushogwe ryirengeye agace ka Bibangwa.

Ngo hari abaturage bakomeretse bikomerekejwe n’amasasu bikomeye.

Itangazo rya Ruberangabo rivuga ko kugeza ubu hari abarwanyi umunani baguye mu bitero ariko ngo hari n’abasivili benshi babikomerekeyemo.

Ririya tangazo rigira riti: “Abarwanyi bahindukiranye abaturage baba aribo barasamo barahunga, ubundi basahura ihene, intama, inka n’ibindi.”

Enoch Ruberangabo yamaganye abarwanyi bava mu bihugu by’amahanga bakaza kuyogoze  Repubulika iharanira Demukarasi ya Kongo.

Ati: “ Abaturage ba DRC baragowe. Usanga hari imitwe y’inyeshyamba z’Abanyarwanda, Abarundi, Abanya Uganda n’abandi baza kurwanira ku butaka bwacu. Ibi sibyo namba.”

Ingabo za DRC zemeje ko koko abarwanyi b’Abarundi bari kurwana hagati yabo bari ku butaka bwa DRC.

Sosiyete sivile ikorera muri kariya gace ivuga ko inyeshyamba za Red Tabara zimaze hafi umwaka zikorera muri Kiryama.

Ngo zihuje n’abandi barwanyi bitwa Maï-Maï Ilunga, Mushombe na Kihebe.

Muri iki gihe ngo bariya barwanyi berekeje mu ishyamba rya Itombwe na Rurambo riri ahitwa Kitoga.

Mu mpera z’Icyumweru gishize nabwo hari amakuru yavuga ko abarwanyi ba Lord Resistance Army bamaze kwinjira muri Kivu ya ruguru.

Radio Okapi

Jean Pierre NIZEYIMANA

UM– USEKE.RW

1 Igitekerezo

  • Ariko uyu Ruberangabo wirirwa avugira ku maradiyo gusa ninde? Abo bose baza kurwanira mu gihugu cyanyu kubera ko mubacumbikira. Iyo igihugu kiyobora, inzego zacyo z’umutekano zikaba zitabaho buri wese araza akifatira agace yishakiye, agakora leta ye! Nimwirukane abo bose mucumbikiye murebe ko mutagira amahoro.

Subiza

Your email address will not be published. Required fields are marked *