• 08/12/2019 10:31 26

Ikizere cya Rayon cyo gukomeza muri CECAFA 2019 cyaraye kiyoyotse!

Mu mukino waraye uhuje Rayon Sports yatwaye igikombe cya shampiyona y’ikiciro cya mbere mu Rwanda  na KCCA FC yegukanye igikombe cya shampiyona ya Uganda,warangiye KCCA isezereye Rayon, Hari mu mukino wa  ¼ cy’imikino ya CECAFA Kagame Cup 2019 iri kubera mu Rwanda.

Ikizere cya Rayon cyo gukomeza muri kimwe cya kabiri cyaraye kiyoyotse

KCCA FC yafunguye izamu ku munota wa 33′ w’umukino nyuma y’uko Rutanga Eric yari atakaje umupira ufatwa na Allan Okelo wakinaga ku ruhande rw’ibumoso muri KCCA, atanga umupira mwiza kuri Mustapfa Kiiza ahita atsinda icya mbere.

Ku munota wa 48′ Rugwiro Herve wari wakomeje kuzonga abi nyuma ba KCCA , yaje gutsinda  igitego cy’umutwe  ku mupira mwiza yari ahawe na Olokwei Commodore, iki nicyo gitego rukumbi Rayon yatahanye.

Ku munota wa 67,  KCCA yabonye igitego cya kabiri cyatsinzwe na Nunda Jackson nyuma y’ikosa ry’abi nyuma ba Rayon sport.

Allan Okello yahinduye  umupira ku ruhande rwa Nunda Jackson atsinda igitego cy’ umutwe.

Rayon Sports yakomeje gushaka uburyo bwo kwishyura igitego ariko biranga.

Yasimbuje abakinnyi barimo Iranzi Jean Claude wasimbuwe na Yannick Bizimana ku munota wa 52, Mugisha Gilbert asimbura Ciiza Hussein ku munota wa 72 naho Irakoze Said asimbura Olokwei Commodore ku munota wa 85.

Izi mpinduka nta musaruro zatanze:

Abakinnyi babanje mu kibuga ku mpande zombi:

Rayon Sports: 

Kimenyi Yves (Gk),

Rutanga Eric (kapiteni),

Rugwiro Herve,

Iragire Saidi

Iradukunda Eric “Radu”

Nshimiyimana Amran,

Ciiza Hussein,

Ulimwengu Jules,

Iranzi Jean Claude,

Kakule Fabrice Mugheni

Olokwei Commmodore.

Umutoza: Olivier Ovambe Muthurin

KCCA FC:

Charles Lukwago (Gk),

Mustapfa Kiiza (Kapiteni),

Peter Magambo,

Kato Samuel,

Mussa Ramathan,

Herbert Achai,

Mzamiru Mutyaba,

Gift Abubakar,

Jackson Nunda,

Mike Mutyaba na Allan Okelo

Umutoza: Mike Mutebi

 

Umuyobozi mushya wa Rayon Sports Munyakazi Sadati na ACP MbonyumuvunyiJean Nepo na ACP Rangira Jean Bosco bumiwe
Major Mwesigye Sam n’umuyobozi wa Gerereza ya Nyarugenge SSP Innocent Kayumba
Gatera Musa wahoze utoza Rayon Sports kuruyu mukino
Abakinnyi ba Rayon babanjemo
KCCA yari yifitiye ikizere
Umufana Ukomeye wa Rayon Sports Munyabagisha yari yumiwe
Usengimana Faustin na Dankor Prosepr wamaze kwirukanwa na Rayon Sports bakurikiranye uyu mukino
Kizza yababaje Rayon
Nicolas MUSONYI n’umuyobozi wa Azam Rwanda
Consolle wahoze muri Komite ya Muvunyi Paul na Muhirwa Fred yakurikiranye uriya mukino
Umuzamu wa Rayon Sports Kimenyi Yves bamwe bemeza ko ariwe muzamu w’umuhanga kurusha abandi mu Rwanda kugeza ubu

Photos@KUBWAYO Adrien

Jean Paul NKUNDINEZA

UMUSEKE.RW

5 Ibitekerezo

  • Pore sana dutegure ibiri imbere gusa turabura undi mwataka ukarishye

  • Sadate Munyakazi atangiye neza da

  • We namwe mwashunga abantu, atangiye neza atsindwa, ariko nabo barakabya, wirukana abakinnyi urimo ukina? iyo bategereza bakarangiza. Buriya gpe yose iyo uvanyemo umwe abandi barahungabana. Morale nayo iba ikenewe ngo ibitego biboneke.

  • Gusa iyi Rayon Sport itagira abakinnyi bamara nibura umwaka w’imikino ari ikipe imwe, izatuma abakunzi bayo turwara imitima. Baragura bakagurisha. Wagirango nibamwe barangura imyaka mucyaro bapakira bajyana mumugi. Rwose bahindure uburyo bwa Contract n’uko n’abakinnyi nabo bakurumbiye babyitwaza, ariko kubura kwa Salpong ni icyuho.

  • Igitego KCCA yatsinze gasenyi cya 2 n’infasha nyigisho kbs, abakinnyi baragongana bakinira ikipe imwe, ba myugariro ntibazi kwimajina aho pase ya nyuma iri bushyikire, bamyugariro bafite umuvuduko uri hasi. byose kiriya gitego cya 2 bakigiramo amasomo meza.

Subiza

Your email address will not be published. Required fields are marked *