• 11/12/2019 5:12 50

Ihuriro ry’Abamurika imideli riratoza abanyeshuri ibijyanye n’aka kazi

Ku nshuro ya mbere ihuriro ry’abamurika imideri mu Rwanda ryatangije igikorwa cyo gutoza abanyeshuri bari mu biruhuko kumurika imideri. Abarenga 40 kuri uyu wa mbere, tariki ya 17 Ukuboza 2018 barahuguwe.

Abana bari mu biruhuko bigishijwe gutambuka kinyamwuga nk’abamurika imideri

Ni mu gikorwa kiswe ‘Modeling Holidays Experience’ cyatangijwe kuri uyu wa mbere kikazasozwa kuwa gatanu, tariki ya 21 Ukuboza 2018.

Abateguye iki gikorwa batangaza ko intego yacyo ari uguhugura ababyifuza bose bagafashwa kumenya kumurika imideri kinyamwuga.

Abazitwara neza muri aya mahugurwa bazajya bafashwa kumurika imideri mu bitaramo bikomeye birimo n’icya Rwanda Cultural Fashion Show.

Biteganyijwe ko abafite ubunararibonye muri uyu mwuga wo kumurika imideri bazajya baza guhugura aba banyeshuri.

Kwizera Sam umwe mu bagize iki gitekerezo yabwiye Umuseke ko yahisemo gukorana n’ihuriro ry’abamurika imideri mu Rwanda mu rwego rwo gushyira imbaraga no kunoza neza igitekerezo cye.

Aba bana buri wese yifuza kugera kure mu mwuga wo kumurika imideri 

Yagize ati “Iki gitekerezo nakigize ahanini bitewe n’uko mu kiganiro nkora, nakundaga kubona ubutumwa bw’abifuza kwiga ibyo kumurika imideri. Abenshi bari abanyeshuri.”

Ngo yatekereje ko haramutse habayeho uburyo abanyeshuri bari mu biruhuko batozwa kumurika imideri byafasha, kandi ngo ni umusanzu ukomeye mu ruganda rw’imideri mu Rwanda yaba atanze.

Kugeza ubu ndigufatanya n’ihuriro ry’abamurika imideri n’abasanzwe bateguraigitaramo cya Rwanda Cultural Fashion Show.”

Kwizera Sam akora ikiganiro Fashion Focus, gica kuri Contact TV, aya mahugurwa yateguye narangira, bake mu bitwaye neza bazafashwa kubona amatsinda ‘Agency’ bazajya bakorana na yo mu kumurika imideri mu Rwanda.

Benshi mu bari guhugurwa ngo bafite inzozi zo kuba ibyamamare mu kumurika imideri

Robert KAYIHURA
UM– USEKE.RW

Subiza

Your email address will not be published. Required fields are marked *