• 15/12/2019 6:33 01

U Rwanda ruzajya rukura ibikomoka kuri petelori ku cyambu cya Bukoba

Kuwa Gatatu w’iki Cyumweru ba Minisitiri b’u Rwanda na Tanzania bafite mu nshingabo zabo ubwikorezi, ingufu n’ibikorwa Remezo basinye amasezerano yemerera u Rwanda kuzajya rucisha ibikomoka kuri petelori ku cyambu cya Bukoba muri Tanzania  mbere y’uko byerekeza i Kigali. U Rwanda rwemeza ko ari ho hafi ugereranyije no kuva Dar es Salaam cyangwa Mombasa.

Icyambu cya Bukoba ngo nicyo kizafasha mu kugeza ibikomoka kuri Petelori mu Rwanda mu buryo bworoshye kurushaho

U Rwanda rwari ruhagarariwe na Minisitiri w’Ibikorwa Remezo Amb. Claver Gatete, Tanzania ihagarariwe na Minisitiri w’ingufu, Dr Medard Kalemani na mugenzi we ushinzwe imirimo, ubwikorezi n’itumanaho, Eng Isack Kamwelwe.

Eng. Kamwelwe avuga ko baganiriye na Amb. Gatete uko ibikomoka kuri Petelori byaja bigera i Kigali mu buryo bwihuse kandi budahenze u Rwanda hakoreshejwe gari ya moshi.

Ibikomoka kuri Petelori bije mu Rwanda bizajya biva Dar es Salaam, bigere ku cyambu cya Mwanza bikomeze Bukoba mbere y’uko bizanwa i Kigali.

Kamwelwe ati: “Abavandimwe bacu bo mu Rwanda basanzwe bajyana ibikomoka kuri Petelori iwabo bakoresheje amakamyo ariko turashaka ko bajya bakoresha  gari ya moshi kuko yihuta.”

Ubu ngo hashyizweho itsinda ry’impuguke rigizwe n’impande zombi ngo ryige uko byakorwa neza kugira ngo intego igerweho.

Muri iki gihe ngo hari kubakwa ibigega ku cyambu cya Bukoba bizajya bifasha mu kubika ibikomoka kuri Petelori bizoherezwa mu Rwanda.

Kuva Bukoba kugera ku Rusumo ku mupaka w’u Rwanda na Tanzania harimo intira ya Km 300.

Amb. Gatete yavuze ko uriya mushinga utazafasha gusa mu kwihutisha urugendo rwo kuzana ibikomoka kuri Petelori ahubwo ngo uzatuma ubucuruzi n’umubano na Tanzania birushaho gutera imbere.

Yavuze ko u Rwanda rwahendwaga no kuvana ibikomoka kuri Petelori biva Dar es salaam cyangwa i Mombasa ariko ngo kubivana Bukoba ngo bizoroha kandi bihenduke.

DailyNews

Jean Pierre NIZEYIMANA
UM– USEKE.RW

5 Ibitekerezo

  • Hazaba hagabanutseho ibirometero bingahe? Ibirometero 300 ndumva noneho ari umunsi 1 gusa ikamyo ikaba igeze i KIGALI. Twizere ko Gaz na n’ibindi bikomoka kuri PETROL ibiciro byabyo bizagabanuka nyamuneka. TUBITEGE AMASO.

  • Hanyuma se Gale ya moshi kandi igera i kigali bigenze bite

  • Bizaba ari byiza kuko igihe cyakoreshwaga ngo bigere mu Rwanda kizagabanuka .

  • Si igihe gusa cyagabanuka ahubwo n’igiciro cy’ubwikorezi cyagabanuka,maze byaba byiza bikagira n’ingaruka ku giciro kuri pompe.

    Ndizera ko 1200Km zizaba zigabanutseho zizatuma haba impinduka kuri pompe.

    Hazatekerezwe n’uburyo yanyuzwa mu bitembo kuko 300 km ni bugufi cyane!

  • ayayayayayaayya!!!!!

    mayiregi yacu yikubise hasi kabisa!!
    gusa nibyiza ubukungu bw’igihugu cyacu buzarushaho kuzamuka

Subiza

Your email address will not be published. Required fields are marked *