• 29/01/2020 9:57 37

Ibya kera ntimubyibuke, ibyashize ntimubyiteho

Ni insanganyamatsiko y’igiterane kiri kuba cyateguwe n’itorero Assembly of God ishami rya Kimihurura, Pst Christine Gatabazi uri mu bagiteguye avuga ko iyi nsanganyamatsiko bayifashe bagamije kubaka imibereho ya none y’abantu no kubafasha gutegura iy’igihe kizaza.

Reverend David Kuselya wo muri Tanzania hamwe na Pst Jean Gatabazi wo muri Assembly of God bigisha
Reverend David Kuselya wo muri Tanzania hamwe na Pst Jean Gatabazi wo muri Assembly of God bigisha

Pt Gatabazi avuga ko ibya kera akenshi bikurura abantu bamwe bagaheranwa na byo kandi ntacyo bashobora kubihinduraho.

Nyamara ngo umuntu ashyize imbaraga mu mibereho ye none binamutegurira uko azabaho mu gihe kiri imbere nk’uko abivuga.

Muri iki giterane kimaze iminsi kiba kizasozwa ku cyumweru batumiyemo Reverend David Kuselya wo muri Tanzania. Pst Christine Gatabazi avuga ko uyu bamutumiye kuko ari umuntu umaze imyaka 80 mu ivugabutumwa kandi wafashije abantu benshi kwegera Imana abandi kuyikorera.

Ati “tumuzi nk’umusaza ufite ubuhamya bwiza kuva kera kandi kuba akivuga ubutumwa bwiza arengeje imyaka 80 agenda hirya no hino kuritwe ni akarusho nicyo cyatumye tumutumira kugira ngo abakiri bato bumve inyigisho ze bamubonereho umugisha.”

Iki giterane kibera ku rusengero rwa Assembly of God ku Kimihurura.

Iri torero rimaze imyaka 29 mu Rwanda rifite amatorero arenga 150 mu gihugu.

Iki giterane kizasozwa ku cyumweru
Iki giterane kizasozwa ku cyumweru

Jean Paul NKUNDINEZA
UM– USEKE.RW

Subiza

Your email address will not be published. Required fields are marked *