• 20/01/2020 2:41 04

Huye: Soya bahawe na RAB bategereje ko izana imisogwe baraheba…Bamwe bayahiriye inka

Abahinzi bibumbiye muri koperative COAGIMPA bahinga mu gishanga cya Mpaza gihuza umurenge wa Tumba n’uwa Mukura mu karere ka Huye, barataka igihombo batewe n’imbuto ya soya bahawe n’ikigo k’iguhugu cy’Ubuhinzi n’Ubworozi (RAB) kuko itigeze izana imisogwe bamwe bakaba baranayahiriye inka ziririra. Ngo iyazanye imisogwe baratonora bagasanga ntakirimo.

Ni ibiti bishinze gusa

Umunyamakuru w’Umuseke wasuye aba bahinzi bo mu gishanga giherereye mu tugari twa Rango A na Rango B, avuga ko ibiti bya soya bihagaze ariko bikaba bidafite imisogwe nk’uko izindi soya ziba zimeze.

Bavuga ko iyi soya yakuze vuba vuba bagatangira kwicinya icyara ariko bagategereza ko hazaho imisogwe bagaheba. Ngo n’imisogwe yagiye izaho, imbere nta soya ziba zirimo.

bahawe itarigeze ihundaho imiteja nk’ uko bisaznwe ku binyamisogwe, byabateje igihombo n’ubukene ku buryo ngo bizanabagora kubona amafaranga yo kuguzagura imbuto mu gihembwe cy’ihinga gitaha.

Bavuga ko baguye mu gihombo kuko guhinga kiriya gishanga bashoyemo amafaranga menshi n’imbaraga zabo batakaje bayitaho.

Aba bahinzi bahinze bwa mbere iki gihingwa cya soya, bavuga ko kiriya gishanga basanzwe bagihinga muri bimbwe bitatu birimo icyo bahingagamo ibigori, ikindi bagahingamo imboga n’ikindi k’ibishyimbo.

Umwe utifuje ko amazina ye atangazwa avuga ko kubera ko iriya mbuto ya soya bahawe na RAB itinda kwera, avuga ko muri uyu mwaka bagiye guhinga inshuro ebyiri kuko ubu bagiye guhingamo imboga kandi na bwo baratinze.

Bavuga ko muri iriya myaka basanzwe bahinga muri kiriya gishanga ari ho bakuraga amafaranga yo kwikenuza no kugura ibyo bakenera mu buzima bwa buri munsi ubu bakaba bafite impungenge ko batazabasha kubona n’imisanzu y’ubwisungane mu kwivuza bwa mutuelle de Sante.

Umuyobozi w’iyi koperative COAGIMPA, Muhimpundu Godelive, ati “Uretse ubukene iyi soya yaduteje, ubu dufite  n’impungenge z’aho tuzakura imbuto y’ubutaha kuko  gutinda kwayo dutegereje ko yera amezi akaba abaye atanu byatumye n’igihembwe cy’ihinga cya C twari guhingamo imboga tutataragihinze.”

Bavuga kandi ko ubuyobozi bwa Koperative buzabaka umusoro kandi ntacyo basaruye.

Umukozi ushinzwe imbuto  mu kigo cy’igihugu gishinzwe guteza imbere ubuhinzi n’Ubworozi (RAB), Rwebigo Daniel avuga ko ubuyobozi b’iki kigo bagiye kuganira n’abahinzi bagashaka igisubizo kizabanyura.

Ati “Hari ikipe yindi izajyayo ikaganira n’abo bahinzi turebe niba hari icyo twakora kuri iki kibazo.”

Igishanga cya Mpaza gifite ubuso bungana na hegitari 50, gihingwamo n’abahinzi 624 bose bibumbiye muri Koperative COAGIMPA.

Ubu batangiye kuyirimbura bihingira imbuto

UMUSEKE.RW/Huye

10 Ibitekerezo

  • Njyewe nari nziko izi mbuto ziba zarabanje kugeragezwa igihe gihagije mbere yo kuzihereza abaturage.

  • Ariko c aba bashakashatsi back Koko ,nigute batanga imbuto batabanje gukora igerageza
    Minagri iranze ibaye mineduc

    • 🤣🤣🤣🤣🤣🤣🤣🤣🤣🤣🤣🤣🤣

      • Birababaje biteye n’agahinda. Abatanze iyi mbuto bo muri RAB bari bakwiye kubibazwa byaba ngombwa bagahanwa mu gihe bigaragaye ko amakosa aribo yaturutseho.

    • Emmy?
      Uragapuuuuu
      Mbega wowe….

  • Ikimwaro kuri RAB. Nigute impuguke zifata imbuto itarageragezwa zikayiha abaturage bakayishiramo cash zabo? Ubwo se RAB/MINAGRI izabafasha kwishyura iki gihombo batewe no guhubuka kwabo? Kubwanjye ndumva RAB ikwiye kuryozwa ibi bintu kuko ntaho itaniye n’Umuganga wahaye umurwayi umuti w’indwara atarwaye. Naho kuvuga ngo hazajyayo itsinda riganiriza abo baturage ndumva bidahagije keretse niba hazajyayo abitwaje indishyi. Ahubwo iyi cooperatives ishake umunyamategeko ayifashe kurenganurwa kuko batuburiwe. Bigomba guhinduka

  • Ibi RAB ibba ikwiye kubbisobanurira abanyarwanda,kuko kubahuka gutanga imbbuto idasobanutse uzi ko ariho abaturage bategereje imibereho, ni ugukabya kandi si ubwambere bibaye!

  • Eeeeh okay harya bano bayobozi bashyirwaho na nde ni public service commission? ni Mifotra? ni Inama ya ba Minisitiri munyibutse ibyo aribyo byose ni hajye hakoreshwa ipiganwa riri ku rwego rwo hejuru ni dushaka twifashishe Havard University ariko tubone abayobozi babishoboye bitari ibyo hahaaa

  • Ariko abantu bashyirwa mu myanya gute koko?Ndibuka ko hari igihe kimwe mu mwanya w’intoryi RAB yatanze intagarasoryo.Wagirango abantu bakoramo ntibarangije 6e Biochimie ya kera.

  • Harya buriya ubutaka ntabwo bushobora kuba nyrabayazana?
    Nihitiraga!

Subiza

Your email address will not be published. Required fields are marked *