• 12/12/2019 12:35 00

Homba Homboka, agukunde cyangwa akwange…Pius agira inama abashaka gutereta

Dj Pius uzwi mu njyana ya Kinyafurika yasohoye indirimbo nshya yise Homba Homboka. Avuga ko ubutumwa bw’iki gihangano bushushanya imyitwarire y’abasore bashaka kubwira abakobwa ko babakunda, ati “bimubwire uhombe cyangwa wunguke.”

DJ Pius ati “rikocore agukunde cyangwa akwange”

Uyu muhanzi ukora injyana ya Afro Beat avuga ko iri jambo ‘Homba Homboka’ risobanura ngo byange cyangwa byemere.

Ubutumwa bw’iyi ndirimbo bugaragaza uburyo umusore ashobora guohoka mu kabyiniro agahura n’umukobwa bataziranye agashaka kumutereta.

Ati “Ni kumwe umuntu agerageza amahirwe ku mukobwa akiremamo ikizere atitaye ku gisubizo kiri buvemo.”

Iyi ndirimbo mu buryo bw’amajwi yatunganyijwe na Producer Made Beat, amashusho akorwa n’Umugande witwa Six Nine afatanyije n’Umunyarwanda Sam Kent.

Kuba yarakoranye n’Umugande ngo ni uko yashakaga guhindura uwo basanzwe bakorana akagerageza amahirwe yo gukorana n’undi ngo kuko na we ari umuhanga.

Ati “Nakoranye na Six Nine kuko nashakaga kugerageza undi muntu uri ku rwego mpuzamahanga ari na yo mpamvu namuhuje na Sam Kent kugira ngo hagire ibyo amwigiraho.”

Dj Pius yaherukaga gusohora indirimbo yitwa ‘Manawe’ yakoranye n’Umunyatanzaniya Lady Jaydee.

Bonaventure KUBWIMANA
UMUSEKE.RW

1 Igitekerezo

  • Nkunda indirimbo zimwe z’uyu mugabo.Ariko ndamusaba ko yareka guhimba bene izi ndirimbo zituma abakobwa babeshyana n’abahungu ngo bari mu rukundo.Kubana mugamije kuryamana,ntitukavuge ngo turi mu rukundo,nyamara tugamije gusa kwishimisha mu gikorwa Imana itubuza cyo kuryamana n’uwo tutashakanye officially.

Subiza

Your email address will not be published. Required fields are marked *