• 19/01/2020 3:16 50

Higiro wari ushinzwe amasoko muri Nyamagabe arinubira kuba ataburana mu mizi

Kuri uyu wa kabiri hasubukuwe urubanza ruregwamo Higiro Jean Baptiste wahoze ashinzwe amasoko mu Karere ka Nyamagabe, ashinjwa kwakira indonke no kutagaragaza inkomoko y’umutungo, yageze mu Rukiko havuka impaka bitewe n’ikifuzo cy’Ubushinjacyaha bushaka ko aburanira hamwe n’abagabo babiri bareganwa muri dosiye imwe, we arabyanga.

Higiro avuga ko urubanza rwe rutinzwa n’Ubushinjacya

Urubanza rwe rubera mu rugereko ruburanisha ibyaha bimunga ubukungu ruri mu Rukiko rwisumbuye rwa Nyarugenge.

Abashinjacyaha bo ku rwego rw’Umuvunyi, bakurikirana ibyaha bimunga ubukungu bw’igihugu babwiye Urukiko ko Umushinjacyaha Mukuru yandikiye Perezida w’Urukiko rwisumbuye rwa Nyarugenge asaba ko ikirego ubushinjacyaha bwarezemo Higiro cyahuzwa n’icy’abantu babiri bareganwa na we.

Nubwo urubanza rutaratangira kuburanishwa mu mizi, Ubushinjacyaha buvuga ko Higiro Jean Baptiste na bariya bantu bareganwa bahurira ku modoka yahawe umugore wa Higiro, binyuze mu masezerano ubushinjacyaha buvuga ko ari amahimbano kuko ngo imodoka yari isanzwe ari iya Higiro ariko ntiyayimurikira Umuvunyi mu mitungo ye.

Ubushinjacyaha buvuga ko Umushinjacyaha Mukuru yandikiye Urukiko kuri uyu wa kabiri tariki 30/04/2019, bwemeza ko guhuza dosiye yabo biri mu nyungu z’ubutabera.

Me Rugempintwaza Jamarie Vianne  wunganira Higiro Jean Baptiste, yahawe ijambo abwira Urukiko ko ibyo Ubushinjacyaha bwifuza binyuranije n’amategeko, ko Urukiko rudakwiye kubyemera kubera ko asanga biri mu nyungu z’ubushinjacyaha aho kuba mu nyungu z’ubutabera.

Umucamanza yahise abwira ubushinjacyaha ko bagiye guha umwanya Perezida w’urukiko agasuzuma ibikubiye muri iriya baruwa ivugwa.

Umwanzura w’uko dosiye ya Higiro ihuzwa n’iya bariya bagabo babiri, ikemezo cy’Urukiko kizasomwa tariki 03/05/2019.

Higiro Jean Baptiste amaze amezi arindwi afunze, akavuga ko yinubira kuba urubanza rwe rutaburanishwa mu mizi.

Jean Paul NKUNDINEZA
UMUSEKE.RW

2 Ibitekerezo

  • Uyu mugabo yaragambaniwe, uwamutanze arashaka kumuheza mu buroko.

  • Urukiko rwose ruzamukatiee n’imitungo y’abanyarwanda yatwaye ayisubize.

Subiza

Your email address will not be published. Required fields are marked *