• 29/01/2020 12:02 44

‘Haracyari kare’ ngo Rebecca Kadaga ave mu bitaro

Perezidante w’Inteko ishinga amategeko ya Uganda Rebecca Kadaga ngo azaguma mu bitaro bikuru bya Kenya bitwa Agha Khan Hospital igihe kirekire kuko ngo akitabwaho kubera umunaniro ukabije agifite. Umunyamabanga we wihariye witwa Sam Obbo avuga ko abaganga bazakomeza kumwitaho mu gihe runaka kuko ngo ingendo yari amazemo igihe zamushegesha akaba agomba kwitabwaho bihagije.

Ngo Rebecca Kadaga ashobora kuzamara igihe mu bitaro kubera umunaniro ukabije

Ati: “ Azaguma muri ibi bitaro mu gihe runaka. Kuvuga ko azataha ejo cyangwa ejo bundi byaba ari uguhubuka.”

Ku rundi ruhande ariko ngo imimerere nyayo y’ubuzima bwa Kadaga iracyari ibanga ry’abaganga.

Obbo avuga ko amakuru yose afatika ku buzima bwa Rebecca Kadaga azamenyeshwa abaturage ba Uganda binyuze mu nzira zimewe za Leta.

Mbere y’uko ajya muri Agha Khan Hospital yari yabanje kujyanwa mu bitaro bikuru bya Uganda biri ahitwa Nakasero.

Nyuma gato y’uko ahageze yasuwe na Perezida Museveni.

Nyina wa Rebecca witwa Eva Kagoya Kadaga avuga ko umukobwa we abasha kurya, ngo ari ‘kugarura agatege.’

The Monitor

Jean Pierre NIZEYIMANA

UM– USEKE.RW

Subiza

Your email address will not be published. Required fields are marked *