• 12/12/2019 7:25 33

Habimana Sosthene yagizwe umutoza w’Amavubi y’abagore yitegura DRC

Ku Cyumweru tariki 24 Werurwe, 2019 mu karere ka Rubavu Ikipe y’igihugu y’Abagore mu mupira w’amaguru izakina umukino wa gicuti n’ikipe y’igihugu ya Repubulika iharanira Demokarasi ya Congo. Igiye kuba itozwa na  Habimana Sosthene ‘Lumumba’. Ubu kandi yarangije guhamagaza abakinnyi azakinisha kugira ngo babe bamenyerana.

Lumumba ngo niwe uzatoza ikipe y’igihugu y’abagore izakina na DRC

Ni mu rwego rwo kubahiriza amabwiriza ya FIFA avuga ko mu gihe cy’ikiruhuko(FIFA International Break) amakipe y’abagore nayo azajya akina imikino ya gicuti.

Ikipe y’igihugu y’abagore kandi iranitegura imikino ya CECAFA izabera muri Tanzania mu Ugushyingo 2019.

Lumumba avuga ko intego nyamukuru y’uyu mukino ari ukurushaho gutegura ikipe y’igihugu y’abagora y’ahazaza.

Ati: “Intego ni ukubaka ikipe. Ni muri urwo rwego twafashe abakinnyi baheruka gukina irushanwa rya CECAFA tubavanga n’abaheruka gukina imikino y’abatarengeje imyaka 23 tukongeramo n’abandi bakinnyi bavuye mu mashuri.Turi kubaka ikipe y’ejo hazaza izakina igihe kirekire.”

Mu rwego rwo kongerara imikino amakipe y’abagore kandi FERWAFA irateganya ko amakipe y’abagore nayo yajya akina irushanwa ry’igikombe cy’Amahoro.

Si ubwa mbere Sosthene atoje mu ikipe y’igihugu y’abagore kuko muri 2016 ubwo iyi kipe yakinaga imikino ya CECAFA yabereye Uganda yari yungirije Nyinawumuntu Grace wari umutoza mukuru.

Ikipe y’igihugu iratangira umwiherero kuri uyu wa kabiri kuri Kivu Peace View Hotel i Rubavu imyitozo ya mbere ikorwe mu gitondo cyo kuwa gatatu

Ikipe y’igihugu ya Congo iheruka gukina 2016 ubwo bashakaga itike y’igikombe cya Afurika cyabereye muri Ghana.

 Abakinnyi bahamagawe

Abanyezamu: Nyirabashyitsi Judith (Baobab Queens,Tanzania),Uwizayimana Helene(As Kigali),Uwatesi  Hamida (EAV Kabutare)

Ba Myugariro: Mukantaganira Joselyne(As Kigali),Nyirahabimana Anne (Scandinavia WFC), Nyiransanzabera Milliam( Rambura),Maniraguha Louise(As Kigali),Uwimbabazi Immacule(Kamonyi),Nibagwire Sifa Gloria (As Kigali),Kayitesi Alody(As Kigali),Niyonkuru M.Goreth(ES Mutunda),Mutuyimana Albertine(Kamonyi).

Abakina hagati:Kalimba Alice(AS Kigali),Mukandayisenga Nadine(Scandinavia),Mukeshimana Jeannette(AS Kigali),Uwase Andorsene(ES Mutunda),Umwariwase Dudja(As Kigali),Niyomugaba Sophie(AS Kigali).

Ba rutahizamu: Kankindi Fatuma(Scandinavia)Ibangarye Anne Marie(AS Kigali),Nibagwire Libery(AS Kigali),Iradukunda Callixte(AS Kigali),Uwamahoro Beatrice(Kamonyi) na Mushimiyimana Marie Clare.

Staff Technique

Umutoza mukuru: Habimana Sosthene

Umutoza wungirije:Mbarushimana Shaban

Umutoza wa 2 wungirije:Umunyana Seraphine

Umutoza w’abazamu:Safari Mustafa Jean Marie

Umuganga:Ujeneza Jennifer

Ushinzwe ibikoresho:Uwase Ange Nicole

Ujeneza Jennifer usanzwe ari muganga mu ikipe ya As Kigali WFC niwe uzavura iyi kipe
Iyi kipe ngo igomba kumenyerana ikazaba ikipe ikomeye itsinda izindi

Yvonne IRADUKUNDA

UM– USEKE.RW

Subiza

Your email address will not be published. Required fields are marked *