• 29/01/2020 1:22 07

Gicumbi: Umugabo “wabwiraga umugore we ko aziyahura”, bamusanze mu mugozi yapfuye

Harindintwari Horeste w’imyaka 27 y’amavuko yasanzwe mu kiziriko bikekwa ko yiyahuye, yari atuye mu Mudugudu wa Gakenke, mu Kagari ka Kibali mu Murenge wa Byumba, ngo byabaye mu ijoro ryakeye, nyuma y’uko abaturanyi be basanze arwana n’umugore we bakabakiza, umugore akaba amuhunze. Uyu mugabo ngo yabwiraga umugore we ko natajya iwabo, aziyahura.

Ku isi abiyahura ni benshi cyane, imfu zirarirwa ku 800 000 ku mwaka ziterwa no kwiyahura

Amakuru yatanzwe na nyina witwa MUKAPERI baturanye avuga ko ngo yatashye mu masaha ya saa moya akarwana n’umugore we witwa MUSABYINGABIRE w’imyaka 24 abaturanyi barabakiza,  basaba umugore kuba agiye iwabo kuko babonaga uwo mugabo afite umujinya mwishi.

Mu gitondo cyo kuri uyu wa gatatu tariki 18 Nzeri 2019, uyu mugabo basanze yiyahuye, uwamubonye ni uwitwa YAKAMPAYE wari ugiye gukama inka kwa MUKAPERI [Nyina w’uyu wiyahuye].

Abandi baturage babwiye Umuseke ko umugore wa Harindintwari babyaranye umwana amuteye inda akiri mu rugo iwabo, nyuma amucyura iwe, ariko ngo yari amaze iminsi amusaba gusubira iwabo, ndetse ngo amubwira ko nadasubirayo aziyahura.

Umunyamabanga Nshingwabikorwa w’Akagari ka Kibari byaberemo, Ndayisenga Jean Pierre yabwiye Umuseke ko uru rupfu rwabayeho.

Ati: “Amakuru twayamenye nka saa kumi n’imwe za mu gitondo, batubwira ko nyakwigendera  yatumye umwana we ikiziriko cy’amatungo mu baturanyi, bakimuha batazi ibyo agiye kugikoresha, mu gitondo kare basanga amanitsemo.”

Evence NGIRABATWARE
UMUSEKE .RW /Gicumbi

4 Ibitekerezo

  • Iyi ni social problem kandi imaze gufata indi ntera.Abize psychology, mental health, anthropology bakwiye gukurikirana ibi bintu bakamenya impamvu yabyo bitararenga inkombe.

    • Ikibabaje nuko mu Rwanda harimo Kwiyahura abantu bakiri bato benshi.Report ya World Health Organisation yerekana ko ku isi hose hiyahura abantu bagera kuli 1 million buri mwaka,800 000 bagapfa,abandi 200 000 bikanga.Uretse ko benshi badapfuye bongera bakiyahura.Kwiyahura biterwa nuko iyi si yuzuyemo ibibazo: Ubukene,gushwana kw’abashakanye,akarengane,ubusambanyi,ubuhemu,etc…UMUTI rukumbi ni Ubwami bw’Imana,busobanura Ubutegetsi bw’Imana.Nkuko Daniel 2 umurongo wa 44 havuga,ubwo butegetsi bw’Imana buzaza ku munsi w’imperuka,bubanje gukuraho ubutegetsi bw’abantu.Buzakura mu isi abantu bose bakora ibyo Imana idusaba,isi isigaremo abantu bumvira Imana gusa.Byisomere muli Imigani 2,imirongo ya 21 na 22.Noneho Imana ikureho ibibazo byose,harimo n’urupfu nkuko Ibyahishuwe 21 umurongo wa 4 havuga.Nguwo umuti rukumbi wo Kwiyahura hamwe n’ibindi bibazo isi yikoreye.Niyo mpamvu Yesu yadusabye gushaka ubwo butegetsi bw’Imana,aho kwibera mu gushaka ibyisi gusa,niba dushaka kuzaba muli iyo paradizo.

    • Ikibabaje nuko mu Rwanda harimo Kwiyahura abantu bakiri bato benshi.Report ya World Health Organisation yerekana ko ku isi hose hiyahura abantu bagera kuli 1 million buri mwaka,800 000 bagapfa,abandi 200 000 bikanga.Uretse ko benshi badapfuye bongera bakiyahura.Kwiyahura biterwa nuko iyi si yuzuyemo ibibazo: Ubukene,gushwana kw’abashakanye,akarengane,ubusambanyi,ubuhemu,etc…UMUTI rukumbi ni Ubwami bw’Imana,busobanura Ubutegetsi bw’Imana.Nkuko Daniel 2 umurongo wa 44 havuga,ubwo butegetsi bw’Imana buzaza ku munsi w’imperuka,bubanje gukuraho ubutegetsi bw’abantu.Buzakura mu isi abantu bose bakora ibyo Imana itubuza,isi isigaremo abantu bumvira Imana gusa.Byisomere muli Imigani 2,imirongo ya 21 na 22.Noneho Imana ikureho ibibazo byose,harimo n’urupfu nkuko Ibyahishuwe 21 umurongo wa 4 havuga.Nguwo umuti rukumbi wo Kwiyahura hamwe n’ibindi bibazo isi yikoreye.Niyo mpamvu Yesu yadusabye gushaka ubwo butegetsi bw’Imana,aho kwibera mu gushaka ibyisi gusa,niba dushaka kuzaba muli iyo paradizo.

  • Dukeneye aba psychologue pe babe hafi y’abanyarwanda. Kuko birababaje cyane. Ubundi ibihugu byateye imbere usanga famille ifite umu psychologue wayo. Twe byibuze bagerageze babashyire kuri centre de santé cg c ku rwego rw’akagari.

Subiza

Your email address will not be published. Required fields are marked *