• 11/12/2019 9:51 21

Gicumbi: Nyuma yo ‘kuribwa n’ikiryabarezi’ agahomba ruhenu yiyahuye

Umuturage wo mu Murenge wa Rwamiko mu Karere ka Gicumbi yapfuye yiyahuye nyuma yo kuribwa n’ikiryabarezi agahomba uruhenu, ku mugoroba wo ku wa mbere bamusanze ubuzima bwe bumeze nabi, aho aryamye harambitse icupa ry’umuti wa Tsiyoda wica uburondwe, bigakekwa ko yiyahuye nyuma yaje gupfira kwa muganga.

Amakuru avuga ko yiyahuje umuti wica uburondwe wa ‘Tsiyoda’.

Yari asanzwe abana mu makimbirane n’umugore we, ngo yagurishije inka amafaranga ayamarira mu gukina imikino y’amahirwe ku mashini Abanyarwanda bahimbye ‘Ikiryabarezi’.

Habineza Bartazar w’imyaka 51 yari uwo mu Mudugudu wa Murambi, mu Kagari ka Cyeru mu Murenge wa Rwamiko.

Ngo yakundaga kunywa inzoga agasinda cyane, amakuru yo mu gace akomokamo avuga ko yari bushyingurwe kuri uyu wa kabiri tariki 16 Nyakanga 2019.

Abaturanyi be bavuga ko yabonye amafaranga yose ayamariye muri iriya mashini y’Ikiryabarezi ariyahura.

Umunyamabanga Nshingwabikorwa w’Umurenge wa Rwamiko, Rusizana Joseph yabwiye Umuseke ko uyu muturage basanze aho aryamye hari agacupa k’umuti wa Tsiyoda iruhande rw’umurambo we.

Abamugezeho basanze atarapfa ariko nyuma aza kugwa kwa muganga.

Rusizana uyobora Umurenge wa Rwamiko ati: “Nibyo, umuturage twasanze yenda gupfa, tumujyana ku Kigo Nderabuzima cya Rwesero, nyuma ajyanwa ku Bitaro bya Byumba niho yaje gupfira.”

Yongeyeho ko nubwo abaturage bavugaga ko yazize gukina ikiryabarezi, ngo ntawabimenya neza kuko ikizwi neza ngo yacungaga umutungo w’urugo nabi.

Ati “Mbere yari umuntu witeje imbere nyuma aza gukena cyane bimutera ikibazo mu mutwe, aba umusinzi.”

NGIRABATWARE Evence
UMUSEKE.RW/Gicumbi

5 Ibitekerezo

  • Ibyo biryabarezi Leta ikwiye kubihagarika mu gihugu hose. Bimaze guteza ibibazo bitari bike muri kino gihugu.

    • Abantu biyahura ku isi buri mwaka bagera kuli 1 million.Muli abo,statistics zerekana ko 800 000 aribo bapfa,naho 200 000 bikanga.Hafi ya bose babiterwa n’ibibazo baba bafite.Ese hari igihe ibibazo bizashira ku isi?Yego rwose.Imana ifite calendar ikoreraho.Nkuko bible ivuga,Imana yashyizeho umunsi w’imperuka,ubwo izakura mu isi abantu bose bakora ibyo itubuza,igasigaza abayumvira gusa.Hanyuma igakuraho indwara n’urupfu nkuko Ibyahishuwe 21 umurongo wa 4 havuga.Ndetse n’ubukene,akarengane,etc…Hanyuma isi yose ikaba paradizo,izategekwa n’abantu bake bazajya mu ijuru,bakaba Abami n’Abatambyi nkuko bible ivuga.Icyo dusabwa ni iki kugirango tuzabe mu isi nshya cyangwa ijuru rishya bivugwa muli Petero wa 2,igice cya 3,umurongo wa 13?Ni ugushaka Imana cyane,ntitwibere mu gushaka ibyisi gusa.Bible yerekana neza ko abibera mu byisi gusa ntibashake Imana batazaba muli paradizo.Iyo bapfuye biba birangiye batazazuka ku munsi wa nyuma.

  • Igitekerezo nukuri suwo gusa ahubwo l’éta itabishira mubi korwa abaturage baza shira abantu benshi bamaze kuba abehemu kubera imikino yama hirwe nukuri mutabare abantu bagiye gushira kubera imikino yama hirwe Aho biri hose mugihugu babikuremo abantu baza shira mutabare pe birakwiyeeéee

  • alert(“IBIYRABAREZI”)

  • Ariko ko nta muntu babikinisha kku ngufu akaba nta mwana ugikina, bitwaye iki?? ubu se n’inzoga ko hari abazinywa zikabasaza bazazihagararike??
    dukwiye kugira imyumvire iteye imbere kbsa!!! Uwo wiyahuye umuryango we wihangane

Subiza

Your email address will not be published. Required fields are marked *