• 24/01/2020 2:12 16

Gasana Janvier na John Rutayisire bayoboraga REB bafunzwe

Ubushinjacyaha bw’u Rwanda bwatangaje muri iri joro ko bwataye muri yombi Gasana Janvier ndetse na John Rutayisire bombi bayoboye Ikigo k’igihugu gishinzwe uburezi, REB. Barashinjwa kunyereza umutungo wa Leta.

John Rutayisire niwe wayoboye bwa mbere ikigo k’igihugu gishinzwe uburezi ubwo cyajyagaho mu 2011, yasimbuwe na Gasana Janvier muri Gashyantare 2015. Gasana nawe yaje gusimbuzwa muri Gashyantare umwaka ushize umwanya we uhabwa Dr Irenée Ndayambaje.

Aba bagabo bararegwa kunyereza miliyoni 249 Frw yo muri gahunda ya One Laptop per child.

Ku gihe cy’ubuyobozi bwa Rutayisire wari wungirijwe na Gasana ndetse no ku gihe cya Gasana wamusimbuye hafi buri mwaka iki kigo kitabaga Komisiyo y’imicungire y’umutungo wa Leta mu Nteko (PAC) kubera imikoreshereze mibi yawo.

Bimwe mu bibazo byibukwa cyane REB yabajijwe muri PAC ni nk’aho yakodeshaga inzu ya miliyoni 16 buri kwezi i Gahanga,  miliyoni 370 zaburiwe irengero muri 2015 yoherejwe muri Nigeria kwishyurira abanyeshuri 14 bahigaga.

REB kandi ku gihe cy’aba bayobozi PAC yayibajije uko yabuze mu mubiko bwayo mudasobwa zisaga ibihumbi 4 298, nyuma igatumiza izindi 42 978.

REB kandi yabajijwe na PAC amafaranga miliyari ebyiri na miliyoni 800 byavugwaga ko yagurije Kaminuza y’u Rwanda, inzira byanyuzemo ntiyumvikanaga n’ibisobanuro bahaye PAC ntabyo byayinyuze. Babajijwe n’ibijyanye na miliyoni 50 REB yavugaga ko bari bafitiye rwiyemezamirimo ariko ntaho bigaragara ko bamufitiye umwenda hamwe n’ibindi bibazo binyuranye byavuzwe kuri REB ku gihe cy’aba bayobozi.

Abagize PAC bavugaga ko bimwe muri ibi bibazo bikwiye gukurikiranwa mu nkiko kuko byahombeje Leta akayabo.

John Rutayisire
John Rutayisire
Gasana Janvier
Gasana Janvier
Muri Gashyantare 2015 nibwo Rutayisire (iburyo) yahererekanyije ububasha na Gasana wamusimbuye

UM– USEKE.RW

13 Ibitekerezo

  • umuseke.com Thank you so much ku nkuru zicukumbuye kandi nshyashya muri kudukorera neza cyane. ndahamya ko ubu muri abambere. mbakomeye amashyi. si ngombwa ko ikigitekerezo cyange kigaragara nuko nabuze aho nyura mbashimira murakora cyane nitwa SAMUEL

    • Erega n’ubundi abantu bakira vuba badakoze amanyanga nibo bake.Twese tuzi ko Leta ihemba amafaranga make ugereranyije n’abakozi bo muli Private Sector.Nyamara ugasanga abakozi ba Leta nibo bakize cyane.Impamvu nta yindi nuko benshi bumvako ubuzima gusa ari ubukire.Kuba imana itubuza kwiba ntacyo bibabwiye.Nyamara ubwo bukire ntibutubuza kurwara,gusaza no gupfa.Ubuzima nyakuri,ni ukubaha imana,kubera ko iba izaguha ubuzima bw’iteka

  • Ibyo muri REB ni agahomamunwa.

  • Ariko se koko buriya ariya mafaranga yoherejwe muri Nigeria yabuze ate??? Ntabwo byumvikana!!

  • Niba baranyereje bigeze hariya babiryozwe. Izo million ni nyinshi kurubu ni henshi One laptops per child zitageze nyamara Government ntako iba itagize. Murakoze mugiramahoro kandi murakabyara!

  • REB??? Muzabaze abarimu ukuntu aribo bayigireweho kubera systems za bariya bagabo. None se nawe ujya gukosora ugahabwa ibiryo bitagura na 500 kdi byishyuwe akayabo,ugahabwa ukishyurwa mu kwa gatatu warakosoye mu kwa 12, ibitabo bikagurwa ugasanga mu mashuri ntabyo… Hari n’abandi mwakingjye ikibaba harimo na ba Joyce Musabe

  • Barakaza neza muri Kaminuza.

  • Biriya bintu byabaye muri REB bikwiye kubazwa n’abakozi bandi bo muri REB batari DG, kuko operations zose zikorwa mu bijyanye n’amafaranga atari DG wenyine uzikora, hari abakozi babimutegurira we agasinya. Hari n’ubwo ashobora kubisinya atabisomye uretse ko nabyo ubwabyo ari ikosa, ubundi nta Muyobozi wakagombye gusinya ibyo atasomye cyangwa atagenzuye.

  • Abakozi bashinzwe iby’imicungire y’amafaranga umunsi ku munsi bo muri REB nabo bakwiye gucishwaho akanyafu kuko imikorere yabo idahwitse.

  • Njyewe nibaza n’abakozi bitwa ba “Internal Auditor” baba mu bigo bya Leta icyo bamaze bikanyobera. Biriya byose byabaye muri REB uwo mukozi yakagombye kuba yarabibonye (yarabivumbuye) mbere y’uko Umugenzuzi Mukuru wa Leta abibona (abivumbura).

  • Ikibazo gifite ubashyiraho. Aba bose bagombye gushyirwaho binyuze mu ipiganwa apana cabinet meetings. Tekereza kuba waba wajya kuri bank ugafata inguzanyo ukaza ukayiguramo ka TV flat ugashyora muri salon ejo hanyuma abajura bakaza bakayiba hanyuma wowe kazabibona ko wibwe hashize imyaka 4 yose. Muba mwarabagabiye mujye mureka no kubakoza isoni mu binyamakuru. Kugirango twemere ko ibi biri genuine mwagombey kubakorera nk’ibyo Police imaze iminsi ikorera ba bajura ba hano hirya ku Gisozi (KUBARASA)

  • None umuntu w’imyaka 50 agira umubiri nk’uwumwana muto ntacyo yihereje! Bazikwifataneza mumitungo ya let’s!

  • Yooo!!!!Ubushinjacyaha bwakoze cyane!!!Ibi bisahiranda biturira imisoro tuba twavunikiye!!Ahubwo banabatereze cyamunara nkuko hari abo nzi byabayeho

Subiza

Your email address will not be published. Required fields are marked *