• 29/01/2020 12:02 15

Gasabo: Umugabo yatewe icyuma n’umugore we wari ucyuye undi mugabo

Ahagana saa tanu z’ijoro ryakeye, umugabo witwa Florentin Bihoyiki w’imyaka 34 yatewe icyuma n’umugore we watashye bwije cyane atahanye n’undi mugabo.

Uwihoreye ngo yateye umugabo we icyuma bapfa ko yazanye undi mugabo mu buriri bwabo
Uwihoreye ngo yateye umugabo we icyuma bapfa ko yazanye undi mugabo mu buriri bwabo

Bihoyiki utuye mu mudugudu wa Nyakariba mu kagari ka Musezero, mu murenge wa Gisozi, yavuye ku kazi ageze iwe asanga umugore we ntahari.

Yagiye kuryama hashize umwanya umugore we witwa Odette Uwihoreye w’imyaka 25 ataha ari kumwe n’undi mugabo ariko atazi ko umugabo we ari mu rugo.

Bihoyiki yatonganye na Uwihoreye, nyuma Uwihoreye atora icyuma atema akaboko k’umugabo we aramukomeretse bikomeye.

Umunyamabanga Nshingwabikorwa w’Umurenge wa Gisozi, Theophile Niragire yabwiye Umuseke ko imyitwarire y’uriya mugore igayitse kandi ngo n’uriya mugabo wabaye intandaro ya byo akwiye kugawa.

Nubwo babanaga batarasezeranye ngo ntibyari bikwiye ko umwe aca inyuma undi, ngo aze no kubikorera mu gitanda cyabo bombi.

Umugabo wari utahanye na Uwihoreye yahise yiruka kugeza ubu ntarafatwa.

Uwihoreye afungiye kuri Station ya Police ku Gisozi, muri Gasabo naho umugabo yajyanywe ku Kigo Nderabuzima cya Kagugu aho yitabwaho n’abaganga.

Imfu za hato na hato no gukomeretsa hagati y’abashakanye zikunze guterwa n’ubusinzi n’ihohotera rishingiye ku gitsina no ku mubiri riba mu ngo.

Jean Pierre NIZEYIMANA
UM– USEKE.RW

1 Igitekerezo

  • Ku Gisozi hamaze kugaragara case nyinshi nk’izi. Some thing is wrong . Leadership plz find out

Subiza

Your email address will not be published. Required fields are marked *