• 20/01/2020 2:03 56

Gasabo: Umunya-Cameroun w’imyaka 18 wigaga muri ALU yapfiriye muri piscine

Umusore w’imyaka 18 ukomoka muri Cameroun wigaga muri Kaminuza yigisha iby’Imiyoborere (ALU), witwa  Che Suh Bonaventure yapfiriye muri piscine y’imwe muri Hotel i Kigali.

Ngo yagiye koga muri piscine ananiwe kubera umusemburo ararohama arapfa

Urupfu rwe rwamenyekanye ku Cyumweru taliki 04, Kanama, 2019, yasanzwe mu mazi ya piscine ya Hotel Mostar iri mu Mudugudu w’Ubumwe, mu Akagari ka Rukiri I,  mu Murenge wa Remera mu Karere ka Gasabo.

Nyiri iyi Hotel ni we waje gutabaza.

Uyu musore yigaga muri African Leadership University (ALU) mu mwaka wa kabiri, ngo yari ajyanye n’umukobwa koga aza kurohama ubwo yari amaze kwibira kuri metero imwe na sentimetero 70.

Amakuru ya bamwe mu bahageze mbere baje gutabara avuga, ko nyakwigendera ku wa gatanu yari yaraye anywa inzoga nyinshi, kandi ngo no ku wa Gatandatu yatashye atinze cyane.

Nubwo ibizamini bya muganga bitarasohoka ngo hamenyekane bidasubirwaho icyamuhitanye, hari abakeka ko yarohamye kubera umunaniro ukabije kubera n’inzoga nyinshi yari amaze amasaha atari make anywa.

Umwe mu bakobwa bigana bari bajyanye aho kuri piscine yabwiye ubuyobozi ko bahageze we (uyu mukobwa) akicara iruhande rwa piscine n’aho nyakwigendera agahita ajya mu mazi.

Ngo yamanutse ageze muri 1.70 m aribira agerageza kuzamuka ngo arebe ko yafata imusozi ariko biranga azamura akaboko asa n’utabaza, nibwo batabaye basanga ‘yarangije gusoma’.

Umuzamu wari hafi ni we wibiye amukuramo ariko undi yarangije gupfa. Umurambo we wajyanywe ku Bitaro by’Akarere ka Gasabo biri mu Murenge wa Kacyiru.

Umunyamabanga Nshingwabikorwa w’Umurenge wa Remera, Patricie Murekatete yabwiye Umuseke ko ayo makuru yayamenye.

Ati: ”Nayamenye ariko ndasaba ko umuntu utazi koga cyangwa wumva ananiwe atagombye kwiyahura ngo ajye mu mazi ya piscine.”

Avuga ko utazi koga neza yagombye kujya mu mazi ari kumwe n’uwigisha abantu koga (maître nageur) kugira ngo amutabare bibaye ngombwa.

Jean Pierre NIZEYIMANA
UMUSEKE.RW

5 Ibitekerezo

  • Ubundi amabwiriza ya Hoteli ni uko maitre nageur ari umukozi parment uba hafi ya piscine buri kanya kuburyo ki havutse ikibazo nkiki yaba hafi ngo agikemure. Hoteli ifite amakosa.

    • Hotel itagira maitre nageur bayifunge kuko sibyo koherezamo abakiriya biragayitse

  • Abayobozi biyo hotel nabo bakurikiranwe kuko hotel ishyiraho picine yakagombye kugira maitre nageur uhoraho nkuko ayandi ma hotel abakora…. Agiye akiri muto rwose

  • None se ko wumva yari yazamuye ukuboko atabaza habuze iki ngo ahite atabarwa ?

  • uwo mukobwa ndumva ariwe wamuhitanye kbsa. nigute c wajyana numuntu kuri picsine akarohama ntumutabarize hakiri kare?????

Subiza

Your email address will not be published. Required fields are marked *