• 28/01/2020 9:10 20

Gasabo: Umuhinde yahanutse muri etage arapfa

Mu gitondo cyo kuri uyu wa 01, Kamena, 2019 mu nzu y’iwitwa Gervais Ntaganda utuye mu mudugudu wa Kinunga, Akagari ka Nyabisindu muri Remera bahasanze umurambo w’Umuhinde witwa Prijith bivugwa ko yiyahuye, amanutse muri etage. 

Ngo yakoraga muri kimwe mu kigo gikora ibijyanye n’ikoranabuhanga mu itumanaho kizwi nka DIGITAL HUB MEA Ltd.

Amakuru avuga ko uyu mugabo ngo yibanaga aho yakodeshaga muri iyo etage, iherereye imbere ya Petit Stade i Remera.

Amakuru Umuseke wabonye kandi avuga ko uyu mugabo yari yasinze cyane kandi idirishya ry’aho yararaga ryari rifunguye bityo bigakekwa ko yiyahuye.

Prijith kandi ngo yasize umugore we n’umwana iwabo mu Buhinde.

Abaturage bamubonye mu gitondo batabaza Police ubu umurambo wajyanywe ku bitaro by’Akarere ka Gasabo biri ku Kacyiru.

Umuvugizi wa Polisi y’Igihugu, CP Kabera Jean Bosco yahamirije Umuseke aya makuru. Ati ” Koko byabaye umurambo uri kwa muganga dutegereje ikizerekanwa n’abaganga.”

Ibyangombwa by’uyu muhinde wapfuye

Jean Pierre NIZEYIMANA

UMUSEKE.RW

6 Ibitekerezo

  • Mukinyarwanda bavuga ko yaguye ishyanga,mbega urupfu rubi ,umuryango we ukomere pe

  • Abantu biyahura buri mwaka bagera kuri 1 million.Muri bo,800 000 barapfa,abandi 200 000 bikanga.Benshi mubiyahuye bikanga,bahita bongera kwiyahura.Uburyo bakoresha cyanecyane ni:Kwirasa,Uburozi,umugozi,gusimbuka muli etaje,etc…Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa”.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza”.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka”,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

  • Munyemana, wowe Uzazuke sinkubujije! Ariko se n’inkoko, amafi, inka, ihene, intama twica tukazirya buriya nazo zizazuka?! Wapi ntamuntu uzazuka! Iyo upfuye biba birangiye. Havuka abandi ubuzima bugahora ari uko bumeze! Uzuye abamaze gupfa bose bakora iki cyangwa wabashyira he? Rero kuri Munyemana ngo bazaba muri Paradizo! Barakubeshye.

  • None se yiyahuye afungura risani ?

  • Munyemana,jya ubanza usome neza Bibiliya mbere yo kuyobya abandi. Incuro nyinshi Imana yagiye ibwira abahanuzi ko ari Imana ya Abraham, Izaki na Yakobo. Kandi aba barapfuye. Yezu ari: Imana si Imana y’abapfuye ni Imana y’abazima. Amen?

  • Munyemana,jya ubanza usome neza Bibiliya mbere yo kuyobya abandi. Incuro nyinshi Imana yagiye ibwira abahanuzi ko ari Imana ya Abraham, Izaki na Yakobo. Kandi aba barapfuye. Yezu ati: Imana si Imana y’abapfuye ni Imana y’abazima. Amen?

Subiza

Your email address will not be published. Required fields are marked *