• 15/12/2019 9:15 24

Gahongayire arategurira abakunzi be igitaramo cy’amashimwe

Aline Gahongayire ukora indirimbo zo kuramya no guhimbaza Imana ari gutegura igitaramo yise ‘Ndanyuzwe Concert’ cy’amashimwe ashobora no kuzahamurikiramo Album ye ya munani.

Iki gitaramo abakunzi ba muzika ye bazahabwa rugari
Iki gitaramo abakunzi ba muzika ye bazahabwa rugari

Aline Gahongayire ni umuhanzi ukora indirimbo zo kuramya no guhimbaza Imana ubu akunzwe mu ndirimbo nka ‘Ndanyuzwe’,’Iyabivuze’,’Warampishe’ n’ zindi.

Ubu ari gutegura igitaramo kizaba taliki ya 29 Nzeri 2019.

Icyo gitaramo ngo kizaba kigamije guha umwanya abantu bazakizamo ngo bashimire Imana ibyiza yabagejejeho nawe arimo.

Ngo buri muntu azashima mu buryo bwe bumunyuze haba mu kuvuga, kuririmba cyangwa ubundi bwose ashaka.

Ati “ Ibihari by’umwihariko ni uko buri muntu uzahaza azagira umwanya wo gushima Imana ubu aka kanya sinavuga ngo nzayishima ibi kuko n’ indi minsi isigaye harimo ibindi byinshi bizaba nzashima hari n’ ibindi nzagenda nibuka byo kuvuga uwo munsi.”

Aline uheruka kumurika Album ye ya karindwi yari yise ‘New Woman’ ngo n’uyu mwaka arateganya gusohora indi.

Muri icyo gitaramo ngo ntabwo aramenya abandi bahanzi bazakorana ariko ngo nta gihindutse ni naho azerekanira iyo Album ye nshya akaririmba n’ indirimbo zizaba ziyigize.

Ati “ Ubu sindabimenya neza gusa mbere y’uko icyo gitaramo kiba ndifuza ko abakunzi banjye bazaba baramaze kubona iyo Album yanjye y’indi nshyashya.”

Bonaventure KUBWIMANA
UM– USEKE.RW

1 Igitekerezo

  • banza ukosore umutwe wiyo nkuru, ntabwo bavuga AMASHIMWE, ni ISHIMWE.

Subiza

Your email address will not be published. Required fields are marked *