• 12/12/2019 4:53 37

Football: U Rwanda rwatakaje imyanya ibiri ku rutonde rwa FIFA

U Rwanda rwatakaje imyanya ibiri ku rutonde ngarukakwezi rwa FIFA rugaragaza uko ibihugu biba bihagaze mu mupira w’amaguru, rukaba ruri ku mwanya wa 131 mu gihe ku rutonde ruheruka rwari ku mwanya wa 129 ku Isi.

Ikipe y’Igihugu Amavubi

U Rwanda ruri ku mwanya wa 131 ku isi mu gihe muri Africa ruri ku mwanya wa 36.

Uru rutonde runagaragaza amanota y’ibihugu, muri uku kwezi, u Rwanda rufite amanota 1 089, mu gihe mu kwezi gushize rwari rufite 1 106.

Ku rwego rw’isi, u Bubiligi ni ubwa mbere n’amanota 1 765, Ubufaransa bukaba ubwa kabiri n’amanota 1 733 mu gihe Brazil ari iya gatatu n’amanota 1 712.

Muri Afurika (CAF), Senegal iracyayoboye n’amanota 1 555 igakurikirwa na Tunisia n’amanota 1 506 naho Nigeria ikaba iri ku mwanya wa gatatu n’amanota 1 493.

Cameroon iheruka gutsinda u Rwanda (1-0) mu gushaka itike y’igikombe cya Afurika 2021, iri ku mwanya wa munani muri Afurika biyiha amanota yo kujya ku mwanya wa 53 ku isi.

Senegal iheruka gutsindirwa ku mukino wa nyuma w’igikombe cya Afurika 2019 ikanakina na Brazil umukino wa gicuti, iri ku mwanya wa mbere muri Afurika n’uwa 20 ku isi.

DR Congo iheruka gutsindwa n’u Rwanda mu mukino wa gicuti (3-2) iri ku mwanya wa 56 ku isi ikaba ku mwanya wa cumi (10) muri Afurika.

Misiri iheruka kwakira igikombe cya Afurika cya 2019 iri ku mwanya wa karindwi muri Afurika ikaba ku mwanya wa karindwi (7) muri Afurika.

Morocco iheruka gutsinda u Burundi (3-0) mu gushaka itike y’igikombe cya Afurika, iri ku mwanya wa gatanu muri Afurika na 43 ku isi.

Algeria ibitse igikombe cya Africa cya 2019, iri ku mwanya wa kane muri Afurika n’uwa 35 ku isi.

Ibihugu 10 bya mbere ku isi:

1.Belgium

2.France

3.Brazil

4.England

5.Uruguay

6.Croatia

7.Portugal

8.Spain

9.Argentina

10.Colombia

Ibihugu 10 bya mbere muri Afurika:

1 (20). Sengal

2(27).Tunisia

3 (31).Nigeria

4 (35). Algeria

5 (43). Morocco

6 (47). Ghana

7 (51). Egypt

8 (53). Cameroon

9 (56). Mali

10 (56). DR Congo

Jean Paul MUGABE
UMUSEKE.RW

Subiza

Your email address will not be published. Required fields are marked *