• 28/01/2020 10:01 46

Fashion 101: Amakote y’abagabo agezweho mu 2018

‘Fashion 101’ ni igice kigize inkuru zacu zivuga ku myambarire. Twerekana imyambarire igezweho. Uyu munsi turabagezaho amakote y’abagabo yo kurimba kandi agezweho mu 2018.

Amakote ni umwambaro wubahwa ariko abawurimbye bagaragara neza

Kuva twatangira kubagezaho iki gice cya ‘Fashion 101’ twagiye tugaruka ku myenda itandukanye irimo kurimba ibisarubeti mu minsi isanzwe, imyambaro ifite amabara ya ‘pink’ na ‘orange’.

Iyi myambaro yose twabagejejeho muri iki gice yari iyambarwa n’abagore/abakobwa gusa. Kwambara neza ni ibya buri muntu wese, uyu munsi twahisemo kubereka amakote y’abagabo yo kwambara mu 2018.

Ubusanzwe abagabo bakunda kwambara imyenda ibubahisha kandi ituma bagaragara neza imbere y’ubareba bityo akaba ari nayo mpamvu akenshi bakunze kwambara ikote nk’umwambaro ufatwa nk’uwicyubahiro kuri benshi.

Uretse kurimba ikote mu minsi y’akazi abenshi bambara ikote bagiye mu birori bitandukanye, mu bukwe yewe hari n’abakunda kujya mu misa cyangwa mu materaniro bambaye ikote.

Kugeza ubu hamaze gusohoka ubwoko bwinshi bw’amakote. Hari ayo Bambara afite amabara atandukanye hakaba n’andi asa n’ipantalon uretse ko hari n’abahitamo kwambara amakote maremare, byose ni ubushake bwa nyiri guhitamo kurimba ikote.

Twabahitiyemo amafoto 13 yerekana amakote agezweho mu 2018. Amafoto yose twakoresheje twayakuye ku mbuga nkoranyambaga.

Robert KAYIHURA
UM– USEKE.RW

Subiza

Your email address will not be published. Required fields are marked *