• 14/12/2019 8:57 28

Episode90: Kwa muganga… Sabine yiyatse Directeur afata ubutarekura Ryan

KUMENYESHA

Basomyi bakunzi b’inkuru ndende, nk’uko twabibamenyesheje mbere iyi nkuru igitangira ko izishyuzwa igana ku musozo, ni muri urwo rwego tubatangarije ko Episode icumi za nyuma (91-100) zizahabwa abatanze inkunga.

Inkunga itangwa ni guhera kuri 2000Rwf kuzamura bitewe n’uko hari byinshi wungutse n’agaciro uha izi nkuru n’Umwanditsi wazo, inkunga izatangwa hifashishijwe:                    

Mobile Money: 0783 324 411 no Kuri Tigo&Airtel Money  0722 235 731.

Murakoze.

Episode 90…

Directeur-“Ryan! Rwose bishobotse banguka unsange, ndabizi uri musaza wa Sabine kandi mu bantu bose bo mu muryango we ni wowe nabashije kumenya, wowe wateye intambwe ukazana ingemu, wowe wazanye Databukwe….nako ndagusabye, banguka turamire amagara ya Sabine niba umukunda”

Njyewe-“Sabine mu bitaro? Ariko….Directe!….Sabine….umugeni wawe….Bina….rwose…”

Ahwiiii! Nabuze icyo mvuga, nawe nk’ umuntu wakwibwira impamvu, nakupye telephone njyewe ubwanjye, nyijugunya hirya, kubera Bina bambi, maze atemba ajya munda.

Nyuma y’ akanya katari gato numvise umuntu ukomanze ku kirahuri k’ idirishya ry’ imodoka nari ndimo…yari Gentil.

Narakinguye aransuhuza arinjira aricara,

Gentil-“Ahwiiii! Mbonye mpagera, nizere ko ntatinze cyane, ambutiyaje yari nyinshi mu muhanda, numvaga nayivaho nkaza niruka n’ amaguru nuko nari ndi kure”

Gentil yakomeje gutegereza ko musubiza araheba, arahindukira nibwo yabonye ko ntari aho hafi, nari nagiye kure.

Gentil-“Ryan! Byagenze bite? Habaye iki ko mbona utari hano hafi? Ko utansubiza Brother?”

Hashize akandi kanya gato,

Gentil-“Bro! Ni wowe umpamagaye nanjye nsiganwa ngusanga, ntabwo nari nzi ko ibibazo byatumye wiheba ukigunga kugeza aho udashaka no kuvuga, mbwira wikwihererana ibibazo”

Njyewe-“Gentil! Ntabwo wibeshya rwose ubu nanjye byanshanze, uziye igihe kandi uje nk’ utabaye, ndibaza impamvu byose bimbaho, mu byukuri sinzi impamvu Sabine akomeza kuza mu buzima bwanjye, uko aje kandi akaba ahasiga ibibazo akambuza amahoro bikarangira umutima we ushegeshwe,

Sabine namubuze mukunda, nicwa n’ agahinda ndiyakira, muha agaciro kamukwiye ndamuhunga ngo abone amahoro y’ umutima, ariko maze kubona ko ntaho namuhungira gusa nubwo ntakwiye kumuhunga, iyo duhuye amarira niyo kiganiro, ikiniga kikaba inyikirizo”

Gentil-“Eeeh! None se Ryan! Wirengegije ko Sabine yafashwe ndetse ko Imvitation zasohotse? Niba ari uko bimeze gerageza ujye kure utazazira umwari wabandi, niyo waba ukimukunda gute ugomba kubaha umusore nkawe watowe mu bandi wowe ukava mu mwanya wahozemo”

Njyewe-“Erega ntabwo ari kubwanjye Gentil!”

Gentil-“None se habaye iki noneho?”

Njyewe-“Gentil! Ejo mba ndatashye, ngeze mu rugo nsanga Sabine yaje kunsezera ngo kuko tutabanye nabi…..”

Nakomeje kubwira Gentil uko byose byagenze nawe anteze amatwi, maze kumubwira byose,

Gentil-“Ryan! Fata inzira ugende, genda jya gutabara Sabine, niba koko Doctor akubwira ko ari wowe ukenewe tabara ubuzima bw’ umwana wavutse nkawe, girira ko wamukunze utabare umugeni w’ abandi”

Njyewe-“Gentil! Papa niwe wangiriye inama yo guhunga kuko yambwiraga ko byankoraho, uziko ntaraye no murugo?”

Gentil-“Reka yewe?”

Njyewe-“Niwe wambwiye kugenda ndetse ambuza gutaha atambwiye, ubu koko nigabe musuzugure nsubireyo ngende nemere mbazwe umwana w’ abandi?”

Gentil-“Ahubwo watinze Ryan! Sabine uramuzi neza, muri twese ntawe uzi aho mwahuriye, sinzi niba wakwemera kumutererana mu mage, Papa wawe we rero kukubwira ngo uhunge yarahubutse kuko n’ ubundi ari ukubazwa Sabine ntaho nawe ubwe yabicikira kuko ariwe chef w’ umuryango aho Sabine yari ari”

Njyewe-“Gentil! Ubu mfate inzira ngende koko?”

Gentil-“Genda rwose Ryan! Bikorere ubuzima bwa Sabine wakunze, ntabwo uwo wakunze wamuhunga, ntabwo ukwiriye kumuhunga kuko udashaka ko urwibutso rw’ amateka yanyu rugaragarira bose,

Genda! Tabara Sabine ndetse umwiteho, nawe si kubwe ahari wasanga yicuje impamvu yanze kukumva, agahitamo undi kubera kubura uko agira, nubwo ntari mu mutima we ariko mpamya ko ibyishimo yagiye azi ko azabona bitazangana nibyo yari kuzabona muri kumwe”

Nyuma y’ akandi kanya ducecetse…,

Gentil-“Nyamara Sabine aracyagukunda, ntekereza ko ibyamubayeho aricyo kimenyetso cyuko uri uw’ agaciro kandi nta wowe nta buzima”

Njyewe-“Yee?”

Gentil-“Ryan! Sanga Sabine! Genda ni wowe arwaye, gusa witwararike utavaho usenya urw’ abandi”

Njyewe-“Ahwiiii! Gentil! Urakoze cyane, mu bantu bose namenye ni wowe wangiriye inama nzima, ntabwo natinya kukubwira ko uri imfura, nanjye ntabwo nakwirengagiza ko nsuzugure inama ungiriye”

Gentil-“Rwose! Ryan! Genda kandi nturi wenyine, nugira ikibazo ndahari nditeguye kukugeraho”

Mu gihe nari maze kwemera kugenda, narebeye mu karora nyuma k’ imodoka mba mbonye nguwo Papa Sabine aza adusanga,

Njyewe-“Eeeh! Do…Uriya mugabo uri kuza…uwo wambaye ikote ry’ umuka, ni Papa Sabine”

Gentil-“Papa Sabine?”

Mu gihe nkibivuga yari atugezeho arakomanga manura ikirahuri,

Bravo-“Aaaah! Bite bite Ryan?”

Njyewe-“Urebye…ni byiza, ni amahoro”

Bravo-“Nari nzi ko ntarakubona rwose, ngize amahirwe nsanze utaragenda, nagushakaga cyane”

Njyewe-“Papa Sabi! None se ni ubuhoro?”

Bravo-“Nagiraga ngo ngutume kuri Sabine, nako ntiza telephone muhamagare mubaze impamvu ataza ngo ampe ibyo yansezeranije”

Njyewe-“Sabine se…”

Nabuze aho mpera mbwira Bravo iby’ umukobwa we,

Bravo-“Oya ngomba kumubaza impamvu ataza ngo ajyane muri iyo nzu ntangire nyibemo, ntiza telephone rwose muhamagare mubaze”

Njyewe-“Papa Sabi! Sabine….

Gentil yahise adya urwara ndaceceka ahita avuga,

Gentil-“Harya Ryan! Ntiwambwiye ko telephone yawe yashizemo umuriro?”

Bravo-“Yoooh! Ese yashizemo umuriro? Wowe se wantije musore?”

Gentil-“Wahora niki ko nanjye nje nihuta nkayibagirwa”

Bravo-“Nta kundi ndahombye ariko rwose ugende umumbwirire uti Papa wawe aragutegereje, uti iyo bitinze birapfa banguka umuhe ibyo wamwemereye ubukwe buzasange nta bitagangurirwa mu nzu”

Gentil-“Aramubwira Mzee! Humura rwose”

Bravo-“Nuko nuko ngaho reka ngende, Eeeh! Uze no kumumbwirira uti ubwire umukwe wawe ko maze iminsi ntasoma ku gacupa, uti aheruka kakandi, kandi ngo amakote abiri nzambara ku munsi mukuru ashatse yaba ayanguriye hakiri kare bitarahenda, uti kandi iyo nkwano ushatse waba umuhayeho make n’ ubundi si kera umusibo nejo ubukwe bugataha”

Gentil-“Aramubwira rwose nta kibazo Mzee!”

Bravo-“Sawa rero reka ngende, Imana ibarinde”

Bravo yagiye atyo amaze kurenga,

Gentil-“Ryan! Mbikoze mbishaka, erega buriya ukuri kose si ngombwa kukuvuga, ntabwo byari ngombwa kumubwira ibya Sabine kandi uzi neza ko ntacyo yabikoraho, ahubwo fata urugendo ujye kuramira amagara y’ umwiza wo mu buto”

Gentil yongeye kundema bushya, amfata mu kiganza arankomeza, anyifuriza urugendo rwiza n’ andi mahirwe.

Mu modoka tumanuka tugana nyabugogo, telephone yongeye gusona umutima urankuka, yari nimero ntazi.

Naparitse ku ruhande nkanda yes,

Njyewe-“Hello!”

Ryari ijwi ry’ umugabo,

We-“Ni wowe witwa Ryan?”

Njyewe-“Yego ni njyewe, ko ntakumenye urinde?”

We-“Si ngombwa kukwibwira, ndaguhamagaye ngo nkuburire”

Njyewe-“Umburire?

We-“Ndashaka kukuburira niba ushaka ubuzima ntuzagire uwo wizera ngo uhangane na Ntwari?”

Njyewe-“Ngo? Unzi hehe? Ibyanjye na Ntwari ubizi ute?”

Ako kanya telephone yahise yikupa, ngerageza kongera guhamagara ariko biranga biba iby’ ubusa nsanga yavuyeho, nkomeza ubugira kenshi birangira mubuze dukomeza urugendo ariko mbunza umutima.

Tugeze nyabugogo twaparitse kuri Station mu kwitegereza neza nabonye umuntu usa na Mariam ndikanga, yari afashe abana babiri mu ntoki, ubona agenda asa nusabiriza,

Njyewe-“Yeee? Niwe cyangwa ndibeshya?”

Kokonati-“Inde se Boss?”

Njyewe-“Nyaruka! Nyaruka ugende ubwire uriya mugore aze hano”

Kokonati yasohotse yiruka agenda amusanga, amukoraho barazana, koko yari we, Mariam uwana wa Ntwari akaba umugore wa Tom ubuzima bwari bwaramuhindutse, nibutse aza kuntakambira ngo mushakire aho umugabo we yagiye nyamara ntacyo nari gushobora,

Tugihuza amaso Mariam yasutse amarira ngize ngo mve mu modoka afata abana agenda yihuta nkomeza kumukurikira ageze imbere arahindukira,

Mariam-“Ryan! Ndeka, ndekana n’ urubyaro rwanjye”

Yakomeje kuvuga cyane abantu batangira guhurura, babaza niba ndi umugabo we wamuteye inda nkanga kumufasha, Kokonati niwe wankuruye ankura aho twinjira mu modoka dufata umuhanda.

Naje mubwira ibya Mariam tugeze hahandi Samantha yakoraga, nashatse gukomeza urugendo kuko numvaga ko byanga binoga ngombakugera kuri Sabine, ariko kuharenga byaranze turahagarara,

Kokonati-“Boss! Nanone se uratinda mbe ngiye kwitemberera ndebe ko nongera guhura na wa mukobwa na….”

Njyewe-“Guma aha Kokona! Ntabwo ntinda, ngiye gusuhuza Samantha, ndahita ngaruka, ibintu byo kuzerera ugashiguka winjira mungo zabandi ntabwo mbishaka”

Navuye mu modoka mbaza umukobwa nahingutseho aho Samantha ari, ambwira ko ari hahandi aba, aho nisanze na Ntwari.

Nabanje kugira ubwoba ko Ntwari yaba ahari, mfata telephone ngo mbanze muhamagare tudapfubirana ibintu bikaba ibindi.

Nakanze yes hashize akanya numvise ijwi  ari iry’ umukobwa mu kumviriza neza ntabwo ryari irya Samantha nzi,

Njyewe-“Bite ko uwo nari mpamagaye atariwe witabye?”

We-“Uri kumva atari Samantha se?”

Njyewe-“Wapi kabisa, ahubwo se urinde?”

We-“Fora ndinde, kandi uranzi nubwo uri kunjijisha bwose”

Njyewe-“Basi niba uri kumwe na Samantha mumbwirire ko ndi hano inyuma ya Restaurant ko mushaka kandi ndi kwihuta”

Noneho nahise numva ijwi rya Samantha,

Samantha-“Hhhhh! Ryan! Ni karibu sha, komeza uze iwanjye rata niho ndi”

Byambereye urujijo, nibajije uwanyitabye mbere uwo ari we, umutima ubanza kunsimbuka ariko Samantha nari naramwizeye ku buryo bwose, narakomeje ngeze iwe ndakomanga,

Samantha-‘Kalibu Ryan! Injira”

Narakinguye ndinjira ako kanya mba nkubitanye amaso na Gaelle wari wicaye mu ntebe menya ko ari we wanyitabye,

Gaelle-“Hhhhh! Ryan! Simbafashe! Ndabafashe, burya bwose…?”

Njyewe-“Hhhhh! Noneho ntawe ugukira tu!”

Samantha-“Gae! Twumvikane hano ni iwanjye, uvuge make cyangwa ngusohore”

Bose-“Hhhhhh!”

Samantha yarahaguretse arampobera, Gaelle nawe biba uko, ndicara dutangira kuganira,

Njyewe-“Gae! Bite se? Kuki werekera izi nzira ntuvuge kweli?”

Gaelle-“Ahaaaa! Mbabarira mfite agatwe gato, Samantha amenye ko naguhamagaye noneho…”

Samantha-“Hmmm! Nawe urabizi nyine”

Njyewe-“Hhhhh! Ndabona musa neza, Gae! Nari ngukumbuye pe! Amakuru ya Provy se?”

Gaelle-“Sha ni meza araho”

Njyewe-“Gentil we twahoranye kare”

Gaelle-“Yeee?”

Njyewe-“Ko ushigutse se bigenze bite?”

Samantha-“Hahaaa! Hari icyo njye nzi….”

Gaelle yahise ashyira urutoki ku munwa Samantha araceceka dukomeza kuganira, hashize akanya, telephone yanjye iba irasonnye…yari Cedro,

Njyewe-“Hello!”

Cedro-“Hhhhh! Ryan! Bite se? Byaraye bigenze bite se? Sabine waraye umusezeye neza se? Hhhh! Ndabyumva ubu muracyaryamye…..”

Nakupye Cedro kuko nabuze icyo musubiza, yongera kumpamagara ndamwihorera ahubwo mpita mvuga,

Njyewe-“Sama! Ntabwo ntinda reka ngende, nanze guca ku rugo, ngize n’ amahirwe nongeye kubona Gaelle”

Gaelle-“Urakoze Ryan! Nanjye mbyungukiyemo, hanyuma se ubukwe bwa Sabine imyiteguro igeze he?”

Njyewe-“Sabine niwe mpamvu ndi kwihuta, ndakenewe cyane buriya tuzapanga duhure turebe n’ impano twazamuha”

Navuze ibyo mbona Samantha arahindutse, ndahaguruka nawe arahaguruka,

Gaelle-“Mumperekereze Sama! Sibyo?”

Twarasohotse arakinga, dukomeza kugenda tugeze ruguru gato turahagarara, ndahindukira,

Njyewe-“Bite bya Ntwari se Sama?”

Samantha-“Nibyo nagiraga ngo nkubwire, namubwiye ko nifuza ko yansohokana akanjyana ahantu ha twenyine abyumva vuba, ahubwo hakurikiyeho iki?”

Nyuma y’ akanya gato,

Njyewe-“Ndashaka guhemukira Ntwari nkamuhanuriraho ijuru kuko n’ ubundi atazaritaha, ndashaka icyaha gikomeye mugerekaho kuburyo azahera mu munyururu, umugabo w’ umugome gusa utagirira impuhwe n’ umwana yibyariye”

Samantha-“None se ushaka ko nzavuga ko yamfashe ku ngufu cyangwa?”

Njyewe-“Byihorere ni njyewe ubizi, reka ngende wowe uzambwire umunsi nanjye nitegure, ubu nibwo agiye kubona ko ukandagira agahungu adahonyora, narakuze nubwo atabishakaga bwose, nzahorera data”

Twakomeje kugenda ariko uko dusatira imodoka nakomeje kubona Samantha isura ye isanzwe itarangwaho kwijima igenda ihinduka nibaza impamvu,

Njyewe-“Sama! Bite ko  mbona usa nugenda uhinduka? Mbwira sha, ubaye iki?”

Samantha-“Ntacyo nyine genda ujye kureba Sabine njyewe ubwo….”

Njyewe-“Sama! Sabine ararwaye, nahamagawe ndi Kigali ko ari mu bitaro, niyo mpamvu ntatinze, ngiye kumureba”

Samantha-“Hmm! Ryan! Ntabwo ushobora kumva uko nsigaye numva ntegereje ko unyitura isezerano nyuma y’ urugamba nkuko wabimbwiye, ntegereje ijambo rimwe ryawe, sinzi niba utabona ko…..”

Njyewe-“Sama! Humura uri umwizerwa, umutima wanjye uracyankomanga kukubwira ko….gusa reka umfashe urugamba, ntabwo nshaka gukora ibirori mu rwihisho, reka dukure Ntwari mu nzira”

Samantha-“Ngo ibirori?

Njyewe-“yes! Nyuma ya Sabine ninjye utahiwe kandi…..Nako reka ngende”

Nafashe ibiganza Sabine twongera kurebana mu maso,

Samantha-“Ryan! Igendere Imana ibane nawe kandi ikomeze ikuyobore, ikiruta igukomeza izaguhe amahitamo meza y’ ibyishimo nkwifuriza, ndahari kubwawe kandi uzabona ko ntandukanye nabo wamenye”

Byabaye ngombwa ko nsiga Samantha gusa yari ababaye ntiyabimpishe, twafashe urugendo ngenda nibaza uko ndi buhinguke ku bitaro nkongera kubona Sabine, ntitwatinze twageze mu ga centre aho nasigaga imodoka.

Narayisize nsezera Kokonati, mfata moto injyana ku bitaro twari duturanye, aho Sabine yari arwariye mu kugera mu marembo nakubise amaso Directeur yabuze amahoro, areba hirya no hino.

Akimbona,

Directeur-“Ryan! Ni wowe nari ntegereje, watinze kuza umwari nakunze ameze nabi, ni wowe ari gutabaza, nagerageje uko nshoboye ariko mu buhanga bwanjye natsinzwe”

Yabivugaga yihuta nanjye mukurikiye, twageze ku cyumba umutima utera hafi kumvamo, turinjira mu cyumba harimo Mama, Tante wa Sabine n’ abandi bagore baganga babiri,

Directeur-“Yaje! Uyu niwe musazawe ari guhamagara, Sabi! Cherie! Rukundo rwanjye, nguyu musaza wawe Ryan yaje”

Ako kanya Sabine yahumuye amaso buhoro, ndamwegera nicara ku gitanda yari aryamyeho, ampereza ikiganza kimwe ngifatisha yombi, Directeur ashatse kumwegura ngo amwiyegamize ariko Sabine aranga.

Directeur-“Cherie! None se ko uri kunyiyaga?”

Sabine yakomeje kwiyaka Directeur ndetse n’ abandi baganga bamusaba kumureka, akomeza kumfata cyane ubutandekura,

Directeur-“Ariko rero ntabwo mbyumva, gute umugore wanjye yanyiyaka agahungira uburwayi kuri uyu musore”

Umuganga umwe yahise avuga,

We-“Uuuh? Nawe wize koko? Ibyo ntuziko bibaho bitewe….”

Directeur-“Oya njye simbyumva, hari icyo nshaka kumenya….”

Uko Directeur yarakaraga niko Sabine yakomezaga kuza ampungiraho, ibiganza biba bibiri birarenga angera mu gituza atangira gusuka amarira………………………………………..

Ntuzacikwe n’ inkuru “Sabine”ibice bikurikira!!!

51 Ibitekerezo

  • Mbega inkuru wee, mwanditsi rwose inkunga urayikwiye kuwa gatanu nzaba nayitanze ariko sinzacikwe. doctor arambabaje yize kuvura indwara ariko iy’ urukundo muganga wayo ni ryan. Mariam disi ubuzima bwaramuhindutse, uhamagaye aburira ryan se ninde? amatsiko.com

    • Njyewe 88 na 89 ntabyo nabonye,mwamfasha iki?

    • None se Eddy kubantu turi Burundi tubigize dute kgr ngo inkuru isigaye itugereho???

  • Muraho ,
    tunezezwa nyinkuru yanyu
    None twe abari mumahanga twatanga inkunga gute kugirango tubone ibice bisigaye.
    Murakoze

    • Wakoresha word limit money transfer ikorana na Mobile Money

      • Nange ayange ndayohereje inkuru izangereho mubambere

    • Mwaramutse none se ko episode ntazo njye nabonye zaba zasotse cg ntizaraza?

  • Inkuru igeze aharyoshye, Doctore se buriya ntacyo abona? kuwa gatanu ni kera ngo dusoze iyi inkuru iryoshye kubi.
    Ngiye kohereza inkunga yanjye nzayibone mu ba mbere.

  • maze kohereza inkunga yanjye sijye uzabona kuwa gatanu hagera.
    Thanks umwanditse winkuru ndende ku Umuseke

  • Directeur agiye kubihomberamo pe! Mbega Sabine uhemutse

    • uravugisha ukuri?DOCTOR utaramara n’iminsi ibiri niwe uhemukiwe?ushobora kuba utazi IMBARAGA Z’URUKUNDO cgIBIKOMERE BYARWO IKO BIBABAZA.

  • @ODILLE,nyura muri OPERA MINI wandike”episode 88cg 89 inkuru ndende Sabine”.urahita uzibona.
    Doctor ibye birarangiye.
    Samantha nubundi ntagikomeye.gusa Ryan ahite abanza ashake uko yakwibohora NTWARI.
    URUKUNDO RUDAFITE IBIKOMERE….NTIRUGIRA INZIBUTSO MUGIHE CYIBIBAZO.

  • uravugisha ukuri?DOCTOR utaramara n’iminsi ibiri niwe uhemukiwe?ushobora kuba utazi IMBARAGA Z’URUKUNDO cgIBIKOMERE BYARWO IKO BIBABAZA.

  • Iyi nkuru izamura amarangamutima yanjye nkabura uko nifata.
    Nzaba mbarirwa ibyo kwa Directeur wihaye kwivanga mu byo atazi ngo arakunda Sabine!

    Cyokora iri ni isomo rwose gutega umuntu amatwi mu gihe gikwiriye kbsa
    Bless you Mr.URWIBUTSO URI KABARIRA,akandi ko kunywa bakaguhe rwose,unkoreye umunsi

  • iriya ndwara bayita isterie!!!niba mbyanditse neza simbizi.Sabine yarwaye AMOUR nkuko twakuze tubyumva.

  • Buri gihe urukundo rurigaragaza. Doctor invitation ziraseswa da! Uburakari buje vuba pe! Ryan nta kosa ufite aho ntuzabeshye uhagarare kigabo uhamye ukuri. Uwampa Elsie akazakubona wishimye utuye kuri wa musozi wibyishimo mu kajuru gato na bina bambi.

  • mwiriwe neza mwanditsi mwiza mbegaweeee inkuru igeze aharyoshe pe kuwagatanu hatinze kura!Sabine arwaye AMOUR RYAN

    • bjr jye ndi muri india none ubwo byagenda gute ngo natwe tubashe kwishyura ubundi tuyibonere kugihe

  • Ushaka inkuru zahise ushatse wajya Ku umuseke nk’uko bisanzwe ugahita ukanda Ku inkuru ndende zose zihita ziza uhereye kuyo tugezeho.Umwanditsi Thanks.

  • Figo @ Directeur arahemukiwe ! None se ubwo azanezerwa Sabine namusiga? nubwo yaba umunsi umwe wawufashe ugakunda umuntu ubikuye ku mutima iyo aguhemukiye urakomereka. Ikindi kandi si we wabatanije ikosa ni irya Sabine wahunze irungu yibwira ko yakunze Directeur kandi akunda Ryan

    • Erega si Directeur gusa uhababarira buriya c ntimubona ko Samantha Nawe yari yageze mu myanya yo gukunda Ryan kdi ari gukora akazi kose?

  • Nukuri Je Ndi Muburundi,kandi Inkuru Natanguranye Nayo Narayikunze!Nkorera Ibishoboka Ndayirangize!Kuko Nitangazo Ndaribonye Ndasanuka!

    • Bjr,inkunga ndayitanze ntegereje izindi episode namatsiko

      • Bjr,inkunga ndayitanze ntegerezanyije amatsiko izindi episode ngo ndebe Directeur uko yifata.

      • Bjr,inkunga ndayitanze ntegerezanyije amatsiko izindi episode ngo ndebe Directeur uko yifata.

  • Mwa bantu mwe uwakina iyi nkuru mo film! Murandebera image ya Doctor, murandebera ibiganza bya Rayn mubya Sabine! Mwitegereze Directeur n’itaburiya yera na byabipimo mu matwi, ati”Cherie uranyiyaka ugasanga Rayan?” Hhhhhh, Kandi umuswa niwe utabaje!?yuuu!? Mbega Doctor uririmbe urwo ubonye!

  • Ese nitwishyura inkuru izajya kuri Email.? Hari abantu bigeze gukora link nziza yatumaga umuntu yizera ko atabaye confondue, umuntu akagira usaname ns Pass word!

  • Yooooh ?inkuru igeze aharyoshe,nne ngaho vyanse ko twohereza inkunga kurizo number mwaduhaye n’ukuri pe !!!😳😓😓😓 Ngo muri système ntiri afficher !nne tugire gute ???😡😡😡
    Basi,uzoyinona azomvumvye muzoba mukoze cane.
    +966541712822 my WhatsApp number

  • nange muzamfashe uzayibona ayimpe kuri Whatsapp yange ni +250728052233 muzaba mukoze rwose

    • Ntimugakunde iby’ubuntu rwose ubwo inkunga ya 2000 frw warayibuze ku buryo usaba ko bazayiguha kuri whatsapp?

  • Mwiriwe basomyi bagenzi banjye. Njye ndumva abantu muri gutanga number zanyu ngo bazabashyirire inkuru kuri whatsapp bidakwiye kuko mwese murabibona ko umwanditsi avunika yandika ino nkuru rero ibyiza nuko ubwitange bwe tubuha agaciro 2000 frw si menshi ukurikije ukuntu ino nkuru yatumaze irungu mu mezi hafi ane ashize kdi twakuyemo amasomo atandukanye. Mugire amahoro!

  • ese umwanditsi abwirwa Niki abatanze inkunga?
    inkunga yange namaze kuyohereza ahasigaye ka ntegereze

  • Nanjye narayitanze ariko niba mwe mwabonye episodes zisigaye mwambwira?

    • MATHIS, umwanditsi yatubwiye ko episodes zisigaye azazohereza vendredi, rero ni ejo. Azazohereza ku bantu bishuye bien sure

  • ok turazitejyereje rwose namatsiko menshi

  • Nange ayange ndayohereje inkuru izangereho mubambere

  • Mwiriwe neza Nshuti !
    Twizereko inkuru tuzazibona ejo kubishyuye

  • ese inkuru iroherezwa mubuhe uryo? ushobora kohereza inkunga ukoresheje number yundi muntu. ibyiza nuko umwanditsi yatumara amatsiko . nkubu jye number nakoresheje nohereza inkunga siyo nkoresha kuri whatsapp. p’se dukeneye ibisobanuro birambuye.

  • Igitekerezo

    nanjye uzahite unyoherereza kuriyi number 0782162901

    • Abanyarwanda bakunda iby’ ubuntu ni nayo mpamvu badatera imbere ngo bateze abandi imbere

  • Mwaramutse ese ko inkuru itaratgeraho turayibona ryali?

  • Ibintu mwiharaje byo kwaka ino nkuru kuri whatsapp sibyo na gato rwose kandi biranagayitse, umwanditsi wacu akwiye kugezwaho iyi nkunga nawe byibura akagira motivation yo gukomeza kudufasha… ahubwo nawe nashyiremo agatege itugereho, hanyuma rero abavuga ko bakoresheje indi numero mumwandikire mumumenyeshe uko mwohereje.

    Bonne journee

  • Ese ko twabuze inkuru mwanditsi?

  • Coco,uvuze nabi cyane kko ntitwaretse kuyitanga ngo n’ukwikunda canke kuyabura,yewe ntuzi nayo umuntu yari yipfuza gutanga uko angana !!!
    Wayitwimye ukareka kudusuzugura c???
    Iyo utarakenana utwawe ntaco uba urabona erega !😡😡😡

  • Wowe ikibazo kirumvikana ubanza yabwiraga abari Mu Rwanda. Pole Jeanne

  • Bjr! njye injury narayibuze kbsa, uwayibonye yamfasha akayimpa kuri Watsap 0785683495 yaba akoze , amatsiko ni menshi cyane

  • Reka biriya nugukabya!hano muri gushyiramo ubuhemu cyane

  • Uvuze nabi cyane!

  • Ushobora kubona ari make hari nuwaburara yabuye na 300 yakawunga!ujye umenyako abantu tutanganya ubushobozi

  • N’ubu Ni ukohereza inkunga kuri numero ziri hejuru?

    • Ndashaka ibice bikuriraho. Nkore iki?

Subiza

Your email address will not be published. Required fields are marked *