• 07/12/2019 10:22 48

Episode 22: Ntwari ajyanye ubutumwa bukomeye bwa Ganza kuri Kevine

Papa Peace amaze kugenda,

Kevine-“Mbega umugabo! Buriya koko arabona tungana? Ariko uzi ko hari abagore bagowe? Umugabo muzima abona umukobwa atazi akamushigukira, agata inzira akarabya indimi?”

Nakomeje guceceka Kecine abona ko namufuhiye ndetse no kurya ntangira gukoramo nta courage maze ahita ambwira,

Kevine-“Wibabara sha Ganza! Kuba naganirije uriya mugabo nta kindi nari ngamije, nagiraga ngo muryoshyaryoshye ntazigere agusohora cyangwa akwishyuza, erega umugi navukiyemo nanjye sinoroshye”

Njyewe-“Hmmm! Ubwo se wumvaga nakwishima mbona museka mwatwawe yewe utakindeba?”

Kevine-“Mbabarira sha we, basi ubutaha ntabwo nzongera, ngaho akira…..

Njye na Kevine twatangiye gukina duseka antamika nanga mubwira ko ntari uruhinja, gusa byaje kurangira nemeye kuba rwo kubera urukundo, bigeze nka saa yine z’ ijoro aransezera ndamuherekeza mugeza ku muhanda yurira moto aragenda.

Iminsi yakuriyeho nari ntuje nta kibazo mfite rwose, umunsi umwe ari nimugoroba nambara utwenda twiza njya gutembera nk’ abandi basore ngo ahari wenda ningira aho nsanga batonze umurongo basaba akazi nanjye ntonde.

Nageze ku muhanda ntungurwa no gukubitana n’ umusore umwe twiganye wari umuhanzi, yitwaga Valens, akimbona yaratangaye cyane akubita mu biganza duhuza intugu,

Valens-“Yeee? Ganza! Ni wowe?”

Njyewe-“Ni njyewe kabisa, ndongeye ndakubonye?”

Valens-“Hhhh! Ewana abadapfuye ntibabura kongera kubonana! None se uba muri izi cartier?”

Njyewe-“Cyane rwose, dore mba hano muri kino gipangu”

Valens-“Eeeeh! Ndahazi hano haba n’ icyuki, nigeze gushaka kugitereta ariko kirankatira nabi cyane”

Njyewe-“Hhhhhhh! Ihangane kabisa, hanyuma se aha na he?”

Valens-“Ewana ngiye kuri studio tu”

Njyewe-“Wakomeje ekuba umuhanze se?”

Valens-“Eeeeh! Bya hatali! Ntabwo nabihemukira, ahubwo se wowe wari ugiye hehe ubu?”

Njyewe-“Ha hehe se ko nari nje gutembera nk’ abandi basore bose, ko ureba akazi kabuze se nkaba ntarakomeje ngo nige, ni hatali”

Valens-“Ariko se ako kazi kazaboneka ryari mwirwa mushaka? Mwakwihangiye akanyu ko ibintu byahindutse”

Njyewe-“None Ben! Urabona nakwihangira uwuhe murimo?”

Valens-“Umva wangu! Ubu se wowe ntiwashobora kuririmba?”

Njyewe-“Hhhhh! Reka reka, nta wiwacu wabigerageje”

Valens-“Wapi aho waba ubaze nabi. Impano buriya ntigombera ko hari uwo uba warayikuyeho, ishobora no kuba ikwihishemo, ahubwo wowe nkurikira tujyane urebe uko biba bimeze”

Ako kanya najyanye na Valens aho yari agiye, mu nzira natunguwe no kubona abantu benshi bagenda bamupepera, koko nibwo nabonye ko ari umu star kuruta uko twamufataga ku ishuri.

Twagezeyo turinjira asuhuza umusore umwe wari wicaye ku nanga,

Valens-“Yes Bro! Umeze ute se?”

We-“Ni sawa nta kibazo mba nibereye kuri projet zanjye tu”

Valens-“Uyu musore yitwa Ganza, twize ku kigo kimwe I butare, duhuriye mu nzira ndavuga ngo reka muzane hano arebe uburyo bikorwa”

We-“Asanzwe aririmba se?”

Valens-“Oya ariko buriya nibyo namubwiraga, ubundi ntawe umenya ikimwihishemo, yanagerageza kabisa”

We-“Noneho reka nze nkubite injyana hano yinjiremo twumve”

Njyewe-“Wapi kabisa ntabwo ndi tayali”

Valens-“Hhhhh! Ok! Ok! Noneho reka nkubanzirize nkwere urugero”

Valens yanyambitse ecouteur mu matwi ndetse anshyira imbere micro maze ako kanya wa musore wari wicaye ku nanga atangira gucuranga Valens agorora umuhogo atangira kuririmba nanjye ndatwarwa, kuko yari yaririmbye indirimbo yaririmbaga no ku ishuri kandi ikigo cyose twari tuyizi, nanjye nararirimbye nakanzwe no kumva amashyi.

Wa musore wari uri gucuranga yararekeye ako kanya mbona hahingutse undi mugabo ubona ko akuze ankora mu ntoki,

We-“Felicitatio! Uzi kuririmba rwose”

Nibajije uko babyumvise ako kanya Valens ahita antungira urutoki hirya mu kirahuri maze arambwira,

Valens-“Mo hariya buriya batwumvaga neza, niho producer yari ari”

Njyewe-“Ese? Eeh! Ni hatali pe! Buriya ntabwo namenye ko hari abandi bari hano bari kunyumva”

Wa mugabo yahise ambaza,

We-“Usanzwe uririmba se?”

Njyewe-“Oya? Wapi kabisa”

We-“Biratangaje, uri impano yigendera kabisa, ndifuza ko niba ubyemeye twatangira gukorana, nkajya ngukorera indirimbo”

Njyewe-“Eeh! Oya,….none se…nako niyo naba nzi kuririmba nkuko mubimbwiye ntabwo nabona amafaranga”

We-“Oya nta kibazo, nta kibazo rwose nzajya ngutoza ndetse ngukorere indirimbo ku buntu”

Numvise ntari njyewe, Valens byaramushimishije cyane kuva uwo munsi tukajya tuzana aho, ndetse wa mugabo akajya aduha na ticket y’ ibihumbi bibiri ku munsi, ngakoresha igihumbi ikindi nkakibika.

Umunsi indirimbo yanjye ya mbere isohoka nabanje kwanga kwemera ko ari njye, yahagaritse imitima y’ abacuranzi n’ abandi bakoraga aho, yari iyo nahimbiye ubuzima bwanjye na Kevine, bampaye CD ngo nanjye ntware iyanjye.

Nageze mu rugo nsanga Ntwari yambuze, yari asigaye anyuka inabi kuko navuye kukazi yandangiye kubera Kevine,

Ntwari-“Dore mbese? Maze iyo babuze ibyo bakora barazerera, kingura ushyire aka gafuka k’ akawunga nkuzaniye, nigashira uzanywe amazi uryame ni wowe wabyiteye”

Ako kanya narakakiye ndakabika maze agize ngo agende,

Njyewe-“Ntwari!”

Ntwari-“Ubwo kandi ugiye kumbaza n’ uburisho? Ni fitiye gahunda kwa Boss reka nigendere”

Njyewe-“None se niba ugiye kwa Kevine, wawambariye nkagutuma?”

N’ umujinya mwinshi,

Ntwari-“Ariko urumva cyangwa ntiwumva, ariko wataye umutwe cyangwa? Na nubu wanze kwibagirwa Kevine?”

Njyewe-“Ntwari! Nubwo nakwibagirwa Kevine ntabwo nasiba mu ntekerezo ibihe byanjye nawe mu buto, nyemerera ngutume, Imana yaguha umugisha”

Ntwari-“Ubundi se ushaka kuntuma iki?”

Njyewe-“Ndagusabye niba bishoboka wakwemeta nkaguha iyi CD ukayimunshyirira”

Ntwari-“Ngaho zana hano”

Ntwari yajyanye CD atyo, yari atwaye ubutumwa bukomeye kuri Kevine, yari atwaye kandi impano ikomeye nari mfite atabizi, nanjye ninjira mu nzu ndicara ndiruhutsa…..

Maze kwiruhutsa narahagurutse ntangira gushaka ibyo ndarira, maze kurya ndaryama ndasinzira, mu gitondo nabyutse nkora isuku nkiri muri ibyo aga telephone kanjye gato karasonnye, ndebye mbona ni wa mugabo wo kuri studio, hamwe nageze nkaba ibuye ryanzwe nkabwirwa ko nshobora gukomeza imfuruka.

Nitabye vuba,

Njyewe-“Hello!

We-“Bite Ganza!”

Njyewe-“Ni byiza rwose”

We-“Ko ngushaka none aha ndakubona cyangwa ubwo wabaye umu star ntabwo ugiye kujya ubonekera igihe cyose wabonekeraga?”

Njyewe-“Ngo umu star? Oya nta kibazo ndahari rwose”

We-“Ok! Wagera kuri studio se ko nshaka ko tuvugana?”

Njyewe-“Nta kibazo rwose”

We-“Sawa…sawa ndagutegereje”

Ako kanya nahise nitegura mva mu rugo nerekeza kuri studio, mu nzira nagiye ntekereza ukuntu ubuzima bwanjye buhindutse, ibyo ntatekerezaga binsanze mbikeneye, nagezeyo ntungurwa no gusanga ntegerejwe.

Wa mugabo nyir’ ukumfasha yahise ansanganira aransuhuza atera intambwe abwira umusore n’ umukobwa bari bari aho,

We-“Uyu niwe Ganza, waririmbye iriya ndirimbo Umwiza wo mu buto”

Ako kanya baratangaye cyane bansuhuzanya urugwiro, ndetse batangira no kunyifotorezaho bohereza amafoto …bwari ubwa mbere mu buzima ibyo bimbayeho ntabwo nabyumvaga neza, nari meze nkuri mu nzozi.

Hashize akanya nyir’ ugutora impano yanjye n’ ibinezaneza byinshi yahise ambwira atuje,

We-“Ganza! Aba ureba rero ni abanyamakuru, nibo nashyiriye indirimbo yawe bwa mbere batangazwa n’ impano yawe yo kuririmba, barifuza kuganira nawe, ngo barebe uko bagufasha impano yawe ikagera kuri benshi”

Njyewe-“Eeh! Ok ok! Nta kibazo, nta kibazo nubwo ari ubwa mbere ngiye kuganira n’ abanyamakuru”

Ako kanya batangiye kumbaza amavu n’ amavuko yanjye, nanjye ntangira kubabwira ngeze ku nkuru yanjye na Kevine mbima amakuru kuko ryari izingiro ry’ indirimbo yanjye bikaba inkuru mpamo nari kuvuga izagera kure umunsi byose byagiye hanze.

Namaze kubabwira iby’ ingenzi banyaka nimero yanjye ya telephone ndayibaha, baransezera baragenda, nasigaye aho na wa mugabo w’ amateka dutangira kuganira,

We-“Urumva umeze ute se nyuma yuko utangiye kumenyekana ndetse n’ abanyamakuru bakaba batangiye kuza kugushaka?”

Njyewe-“Eeeh! Ndumva atari njye, byandenze kabisa”

We-“Wari waba umu star se? Iyi ni imirabyo, inkuba ntabwo zari zakubita”

Njyewe-“Koko se?”

We-“Hmm! Ubundi njyewe ndi bucura mu muryango w’ iwacu, nabayeho nikundira ibintu by’ umuziki bakuru banjye bose ni abantu bakomeye, bumvaga ko kujya mu bintu nkibi ari ukubasebya, ariko ubu nibyo bintunze njye n’ umuryango wanjye”

Njyewe-“Ese?”

We-“Mba numva ntabihemukira kuko nkunda impano, ntabwo nari kugera kuyawe ngo nyisimbuke, icyo ngusaba uzitware neza, ntuzagire imyumvire nk’ iyabandi ba star batangira kubona bamenywe na benshi bakishora mu biyobyabwenge bakisanga barasigaye”

Njyewe-“Ndakumva kandi nanjye maze kumenya agaciro k’ impano ntari nziko indimo”

Nakomeje kuganira nawe ndetse dutangira imyitozo nkuko nari narabimenyereye, bwije ndataha, ubwo nari nkigera mu rugo nagiye kumva numva telephone irasonnye nyifata vuba….yari Kevine.

Nikije umutima menya neza ko Kevine yumvise ubutumwa bwanjye, akamenya ko burya bwose navukanye impano, nagoroye umuhogo maze nitsa umutima nkanda yes  aho kuvuga Hello nkuko bisanzwe nahise ntangira kuririmba…………………………….

 

Ntuzacikwe na Episode ya 23 yiyi nkuru ku munsi wejo mu gitondo

 

9 Ibitekerezo

  • yooo Ganza dis abonye aho ajyakura ijyeno ryumunsi!

  • Imana ishimwe ko Ganza abonye aho yikinga ubushomeri.Ikibazo ngize papa Kevine nabona iriya CD arahita akeka ko Kevine akivugana na Ganza atangira abaneke kdi noneho nabafata ni urupfu kuri Ganza

  • Wawoooooo, Ganza congz kbsa, Mujye musenga Imana ibarinde papa Kevine, kandi Kevine ajye agerageza kwitara neza nogusibanganya ibimenyetso byatuma bamenya cg bamucyeka ko agikundana na Ganza. Thx kbsa, ndabakunda.

  • hhhh,hapfa uwavutse knd ntankuba ikubita umunyabugingoikindi kandi NGO iyakaremye niyo ikamena.na bibiriya iravuga NGO inzuzi nyinshi ntizazimya urukundo. iyaba papa kevine yamenyaga ko urukundo nyakuri rutagira ikirukanga yakuramo ake karenge akarureka rugasagamba Ganza na Kevine bakamubyarira abazahamya izina rye hakiri kare

  • oohh iyi Nkuru iraryoshye rwose nigeze kuyumva kuri Youtube mpita nyibura none yaragarutse umwanditsi ndamushimye cyane abafite ubwoba muhumure ntacyo Ganza azaba rwose

  • Ehhhhhhhhh mbega byiza kuri Ganza weee Imana ikoze ibyayo none abonye uko agomba kubona igeno ry umunsi byiza cyne nizereko papa kevine wenda azabimenya yarahinduye imyumvire yeee rwose

  • Yooooo mbega byiza amaherezo yaganza nimeza pe icyo nzicyo papa kevine azamugarukira tu

  • Mwaramutse neza mwanditsi wacu dukunda? Iyi nkuru igeze aharyoshye nasabaga ko kuyitugezaho kare byaba byiza tugatangira akazi twayisomye!

  • Hhhh nguhita utangira kuririmba kora akazi kbs. wabona amarembo yawe agiye gufunguka.

Subiza

Your email address will not be published. Required fields are marked *