• 23/01/2020 12:54 41

EA Got Talent: Umunyarwandakazi yakoze Siporo aba-Judges bifata mu maso

  • Itsinda ry’abakaraza, abakemurampaka bavugiye ‘Yes’ icya rimwe

Mu irushanwa riri guhuza abanyempano batanadukanye bo mu Karere ka Afrrica y’Uburasirazuba rizwi nka East Africa’s Got Talent, Umunyarwandakazi witwa African Snake Girl yaraye akoze amasiporo abakemurampaka baramutangarira.

Umunyarwandakazi yagoroye imbavu bitangaza benshi

Uyu munyarwandakazi w’imyaka 18 akomoka mu karere ka Rubavu, akigera imbere y’abagize akanama Nkemurampaka, bamubajije icyo agiye kwerekana avuga ko ari siporo ngororambavu.

Bamuhaye rugari, uyu mukobwa yahise atangira kugorora imbavu abari mu cyumba kiberamo irushanwa barumirwa kubera uburyo yabikoraga umuntu ashobora kwibaza ko nta gufa afite.

Abagize akanama Nkemurampaka na bo bari bumiwe, bamwe bifashe mu maso kubera uburyo aya masiporo atangaje cyane.

Yarangije kwiyerekana ubona abantu bumiwe, umukemurampaka Vanessa Mdee wo muri Tanzania amubaza niba ahagaze neza nta kibazo afite undi asubiza “agira ati nta kibazo rwose.”

Bamubajije aho yabyigiye avuga ko ari we ubyiyigisha yifashishije amashusho agenda areba kuri Youtube ya bamwe mu bagize umwuga iyi mikino ngororamubiri.

 

Itsinda rivuza ingoma ryaherewe ‘Yes’ icya rimwe

Itsinda ryaturutse mu Rwanda ryitwa Himbaza rivuza ingoma na ryo ryasusurukije abitariye iri rushanwa, Abakemurampaka ntibazuyaza kuriha ‘Yes’ bavugiye icya rimwe.

Iri tsinda rivuga ko rigizwe na bamwe mu baturutse i Burundi, binjiye mu cyumba k’irushanwa bikoreye ingoma bazivuza mu buryo bunogeye amatwi.

Muri iri rushanwa kandi hagaragayemo irindi tsinda ry’abanyarwanda rizwi nka Kaza Kids ryabyinnye imyino zigezweho na ryo ritambuka mu kindi kiciro.

Aline RANGIRA MWIHOREZE
UMUSEKE.RW

1 Igitekerezo

  • Proud of my country(RWANDA)

Subiza

Your email address will not be published. Required fields are marked *