• 21/01/2020 4:20 06

DRC: Batatu bamamazaga Shadary bishwe

Abarwanashayaka b’ishyaka rya Kabila riri kwamamaza Emmanuel Ramazani Shadary biciwe muri Kasai kuri uyu wa Gatatu. Umwe mu bana b’umwe mu bishwe avuga ko Se na bagenzi be bari bagiye kwamamaza Shadary ngo berebe ko muri iriya ntara bazahabona amajwi menshi.

Abadashyigikiye Kabila na Shadary nibo bavugwaho kwica abari baje gushaka amajwi muri Kasai

Intara ya Kasai iri muri Repubulika iharanira Demukarasi ya Kongo rwagati ikaba izwiho gushyigikira Moise Katumbi utaremerewe na Komisiyo y’amatora kuziyamamariza kuyobora kiriya gihugu.

Abishwe ngo bari bambaye imyenda iriho ikirango cy’ishyaka rishyigikiye Shadary n’ifoto ye.

Abaturage badashyigikiye Shadary ngo baraje ‘baragota barabakubira babaca imitwe’.

Bene wabo wa ba nyakwigendera ngo bagiye mu gace ka Kabeya Lumbu aho byabereye ngo barebe ko babona imirambo ariko barayibima.

Muri 2016 intara ya Kasai yabayemo ubwicanyi ubwo ingabo za Leta zicaga umutware gakondo wabo bituma abaturage bashinga umutwe ufite intwaro urwanya Leta ya Joseph Kabila.

Umuryango w’abibumbye uvuga ko nyuma hakurikiyeho imirwano ikomeye hagati ya Leta n’abari bashyigikiye uriya mutware bituma hapfa abantu 3 000 abandi barenga miliyoni bava mu byabo.

Mu bapfuye icyo gihe harimo abakozi babiri ba UN  bari boherejwe guperereza iby’izo mvururu no kumenya abishe abantu basanzwe mu byobo rusange.

AFP

Jean Pierre NIZEYIMANA

UM– USEKE.RW

Subiza

Your email address will not be published. Required fields are marked *